Mataio 4
4
Ko te Fakaohōhoga o Iehu
(Mlk 1.12-13; Luk 4.1-13)
1Oi na tataki ai ia Iehu e te Agaga ki te vao ke fakaohōho e te Tiāpolo. #Epe 2.18; 4.15 2E fagafulu ia ao ma pō na fakalāina ai ia Iehu, oi na lagona ai e ia te fia kaia. 3Ma na hau ai te Tiāpolo kua lea vē mai kia Iehu, “Kāfai koe ko te Ataliki o te Atua, fakatonu la nā fatu iēnei ke liu ma falaoa.”
4Kae na tali atu ia Iehu, “Lea mai te tuhituhiga paia, ‘E hē ko nā meakai oioti te ola ai te tagata, kae ko nā kupu uma e vāgana mai ai te Atua.’ ” #Teu 8.3
5Oi na kave ai ia Iehu e te Tiāpolo ki Ieluhalema te Kakai Paia, kua fakatū i luga o te mea pito maualuga o te Mālumalu, 6#Hal 91.11-12ma na lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo, auā e leamai te tuhituhiga paia:
‘Ka fakatonu e te Atua ana āgelu
ke kilātou puipuia koe;
ka kilātou hapahapaia koe i o lātou lima,
kae ke nahe ogohia nā vae o koe i nā fatu.’ ”
7Na tali atu ia Iehu, “Kae ko te tuhituhiga paia e lea mai foki, ‘Nahe kē tofotofoa te Aliki tō Atua.’ ”#Teu 6.16
8Oi na toe kave ai e te Tiāpolo ia Iehu ki luga o he mauga maualuga, kua fakahino ki ei ia mālō uma o te lalolagi ma te lahi lele o to lātou tamaokāiga. 9Kua lea atu te Tiāpolo, “Ko nā mea uma lele iēnei ka fōki atu e au mo koe, kāfai koe e tōtuli ki lalo oi ifo mai kia te au.”
10Na tali mai ia Iehu, “Hatani, fano kehe! E lea mai te tuhituhiga paia,
‘Ifo atu ki te Aliki tō Atua
ma kaukauna oioti kia te ia!’ ” #Teu 6.13
11Oi na fano kehe ai te Tiāpolo, kae kua ōmamai nā āgelu oi fehoahoani kia Iehu.
Kua Kāmata te Gāluega a Iehu i Kalilaia
(Mlk 1.14-15; Luk 4.14-15)
12I te lagonaga e Iehu ko Ioane kua kave ki te falepuipui, oi na fano ai ki Kalilaia. #Mat 14.3; Mlk 6.17; Luk 3.19-20 13E hēki nofo ia Iehu i Nahaleta kae kua fano oi nofo i Kapenaumi, he tamā kakai i tafa o te Vaitūloto ko Kalilaia, i te fenua o Hepulona ma Nafatali.#Ioa 2.12 14Na tupu te mea tēnei ke taunuku ai te kupu a te pelofeta ko Ihaia,
15“Te fenua o Hepulona ma te fenua o Nafatali,
i te auala ki te tai, i tētahi itū o te Iolitana,
Kalilaia te fenua o tagata nukukehe!
16Ko nā tino nae nonofo i te pogihā
kua kilātou kitea he mālama lahi.
Ko kilātou nae nonofo i te fenua pōuli o te oti,
kua huluia i te mālama.”#Iha 9.1-2
17Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā ko te Mālō o te lagi kua tafapili mai.” #Mat 3.2
Kua Kalaga ia Iehu ki ni Tino Faifaiva e Toka Fa
(Mlk 1.16-20; Luk 5.1-11)
18Ka koi havali atu ia Iehu i tafa o te Vaitūloto ko Kalilaia, kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, nae togi to lā kupega i te vai, auā ko kilāua ni tino faifaiva. 19Na vāgana atu ai ia Iehu kia te kilāua, “Mulimuli mai kia te au oi fakaako atu ai koulua e au, ke fai ma tino faifaiva ke maua ai ia tagata.” 20I te taimi lava tēnā na tuku ai o lā kupega, kae kua mulimuli kia Iehu.
21Kua fano kehe atu ia Iehu mai kinā, ma na ia kitea ai hētahi kau uho e toka lua, ko Iakopo te ataliki o Hepetaio ma Ioane tona uho, nae i luga o to lātou vaka ma to lā tamana, e fonofono o lātou kupega. Na kalaga atu foki ia Iehu kia te kilāua, 22oi na tuku ai loa e kilāua te vaka ma to lā tamana, kae kua mulimuli kia Iehu.
Kua Akoako, Tālaki ma Fakamālōlō e Iehu ia Tagata
(Luk 6.17-19)
23Oi na fano ai ia Iehu ki nā koga uma o Kalilaia, kua akoako ia tagata i loto o nā hūnako ma folafola atu te Tala Lelei e uiga ki te Mālō o te Atua. Ma na fakamālōlō ai e ia nā tino nae maua i nā itūkāiga tauale kehekehe.#Mat 9.35; Mlk 1.39 24Kua halalau te tala e uiga kia Iehu ki itū uma o te fenua ko Hulia, ma na ōmamai ai ia tagata ma kaumai kia te ia nā tino nae maua i nā itūkāiga tauale kehekehe; nā tino nae ulufia e tēmoni, nā tino nae tauale tete, ma nā tino nae mate iētahi o lātou itū—ma na fakamālōlō uma ai kilātou e Iehu. 25Ma na mulimuli atu ai kia te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, ma mai te kogāfenua i tētahi itū o te Iolitana.
Селектирано:
Mataio 4: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 4
4
Ko te Fakaohōhoga o Iehu
(Mlk 1.12-13; Luk 4.1-13)
1Oi na tataki ai ia Iehu e te Agaga ki te vao ke fakaohōho e te Tiāpolo. #Epe 2.18; 4.15 2E fagafulu ia ao ma pō na fakalāina ai ia Iehu, oi na lagona ai e ia te fia kaia. 3Ma na hau ai te Tiāpolo kua lea vē mai kia Iehu, “Kāfai koe ko te Ataliki o te Atua, fakatonu la nā fatu iēnei ke liu ma falaoa.”
4Kae na tali atu ia Iehu, “Lea mai te tuhituhiga paia, ‘E hē ko nā meakai oioti te ola ai te tagata, kae ko nā kupu uma e vāgana mai ai te Atua.’ ” #Teu 8.3
5Oi na kave ai ia Iehu e te Tiāpolo ki Ieluhalema te Kakai Paia, kua fakatū i luga o te mea pito maualuga o te Mālumalu, 6#Hal 91.11-12ma na lea vē atu ai te Tiāpolo ki ei, “Kāfai koe ko te Ataliki o te Atua, oho la ki lalo, auā e leamai te tuhituhiga paia:
‘Ka fakatonu e te Atua ana āgelu
ke kilātou puipuia koe;
ka kilātou hapahapaia koe i o lātou lima,
kae ke nahe ogohia nā vae o koe i nā fatu.’ ”
7Na tali atu ia Iehu, “Kae ko te tuhituhiga paia e lea mai foki, ‘Nahe kē tofotofoa te Aliki tō Atua.’ ”#Teu 6.16
8Oi na toe kave ai e te Tiāpolo ia Iehu ki luga o he mauga maualuga, kua fakahino ki ei ia mālō uma o te lalolagi ma te lahi lele o to lātou tamaokāiga. 9Kua lea atu te Tiāpolo, “Ko nā mea uma lele iēnei ka fōki atu e au mo koe, kāfai koe e tōtuli ki lalo oi ifo mai kia te au.”
10Na tali mai ia Iehu, “Hatani, fano kehe! E lea mai te tuhituhiga paia,
‘Ifo atu ki te Aliki tō Atua
ma kaukauna oioti kia te ia!’ ” #Teu 6.13
11Oi na fano kehe ai te Tiāpolo, kae kua ōmamai nā āgelu oi fehoahoani kia Iehu.
Kua Kāmata te Gāluega a Iehu i Kalilaia
(Mlk 1.14-15; Luk 4.14-15)
12I te lagonaga e Iehu ko Ioane kua kave ki te falepuipui, oi na fano ai ki Kalilaia. #Mat 14.3; Mlk 6.17; Luk 3.19-20 13E hēki nofo ia Iehu i Nahaleta kae kua fano oi nofo i Kapenaumi, he tamā kakai i tafa o te Vaitūloto ko Kalilaia, i te fenua o Hepulona ma Nafatali.#Ioa 2.12 14Na tupu te mea tēnei ke taunuku ai te kupu a te pelofeta ko Ihaia,
15“Te fenua o Hepulona ma te fenua o Nafatali,
i te auala ki te tai, i tētahi itū o te Iolitana,
Kalilaia te fenua o tagata nukukehe!
16Ko nā tino nae nonofo i te pogihā
kua kilātou kitea he mālama lahi.
Ko kilātou nae nonofo i te fenua pōuli o te oti,
kua huluia i te mālama.”#Iha 9.1-2
17Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā ko te Mālō o te lagi kua tafapili mai.” #Mat 3.2
Kua Kalaga ia Iehu ki ni Tino Faifaiva e Toka Fa
(Mlk 1.16-20; Luk 5.1-11)
18Ka koi havali atu ia Iehu i tafa o te Vaitūloto ko Kalilaia, kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, nae togi to lā kupega i te vai, auā ko kilāua ni tino faifaiva. 19Na vāgana atu ai ia Iehu kia te kilāua, “Mulimuli mai kia te au oi fakaako atu ai koulua e au, ke fai ma tino faifaiva ke maua ai ia tagata.” 20I te taimi lava tēnā na tuku ai o lā kupega, kae kua mulimuli kia Iehu.
21Kua fano kehe atu ia Iehu mai kinā, ma na ia kitea ai hētahi kau uho e toka lua, ko Iakopo te ataliki o Hepetaio ma Ioane tona uho, nae i luga o to lātou vaka ma to lā tamana, e fonofono o lātou kupega. Na kalaga atu foki ia Iehu kia te kilāua, 22oi na tuku ai loa e kilāua te vaka ma to lā tamana, kae kua mulimuli kia Iehu.
Kua Akoako, Tālaki ma Fakamālōlō e Iehu ia Tagata
(Luk 6.17-19)
23Oi na fano ai ia Iehu ki nā koga uma o Kalilaia, kua akoako ia tagata i loto o nā hūnako ma folafola atu te Tala Lelei e uiga ki te Mālō o te Atua. Ma na fakamālōlō ai e ia nā tino nae maua i nā itūkāiga tauale kehekehe.#Mat 9.35; Mlk 1.39 24Kua halalau te tala e uiga kia Iehu ki itū uma o te fenua ko Hulia, ma na ōmamai ai ia tagata ma kaumai kia te ia nā tino nae maua i nā itūkāiga tauale kehekehe; nā tino nae ulufia e tēmoni, nā tino nae tauale tete, ma nā tino nae mate iētahi o lātou itū—ma na fakamālōlō uma ai kilātou e Iehu. 25Ma na mulimuli atu ai kia te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, ma mai te kogāfenua i tētahi itū o te Iolitana.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust