Mataio 15
15
Ko nā Akoakoga a nā Tupuna
(Mlk 7.1-13)
1Oi na ōmamai ai ni Falehaio ma ni faiākoga o te Tūlāfono mai i Ieluhalema kia Iehu ma fehili vē mai ki ei, 2“Heā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai kitātou, ka ko hēki kakai!”
3Na tali atu ia Iehu, “Heā foki la te hē uhitaki ai koutou ki nā fakatonuga a te Atua, kae mulimuli lava koutou ki autou akoakoga? 4Auā na vāgana te Atua, ‘Āva ki tō tamana ma tō mātua,’ ma ‘Ko ai lava e faia ni kupu kino ki tona tamana pe ki tona mātua, e tatau ke tāmate.’#Eho 20.12; 21.17; Teu 5.16; Lev 20.9 5Kae e akoako e koutou kāfai ni tino e iei ni a lātou mea e ono mafai ke fehoahoani ai ki o lātou tamana pe ki o lātou mātua, e lea koutou, ‘Ko te mea tēnei e mo te Atua,’ 6e hē tau āva la kilātou ki o lātou tamana.#15.6 o lātou tamana ko iētahi tuhituhiga e vē mai o lātou tamana pe ko nā mātua Ko te faiga tēnā a koutou, kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani. 7Ko koutou ni tino āmio pepelo! Kai te hako lele o Ihaia i tana vāloaga e uiga kia te koutou.
8Kua vāgana te Aliki,
‘Ko nā tino iēnei e viviki mai kia te au ia lātou kupu,
ka ko o lātou loto e mamao lele ma au.
9E hē aogā ke tāpuaki mai kilātou kia te au,
auā e akoako e kilātou ia tūlāfono a tagata
e vēia ni Tūlāfono e a aku!’ ”#Iha 29.13 (LXX)
Ko nā Mea e Hē Mamā ai he Tino
(Mlk 7.14-23)
10Oi na kalaga ai ia Iehu ki te kaifenua ke ōake kia te ia, ma na vāgana atu ai ki ei, “Fakalogo mai ke mālamalama koutou! 11E hē ko nā mea e fano ki loto o te gutu te hē mamā ai he tino i nā tu tau tāpuakiga; kae ko te mea e hau ki fafo mai te gutu.”
12Oi na ōmamai ai te kau hoko kia Iehu kua lea vē mai ki ei, “E kē iloa te tīgā o nā loto o te kau Falehaio ki nā mea nae lea ai koe?”
13Kae kua tali atu ia Iehu, “Ko nā lākau uma e hēki totōa e toku Tamana i te lagi ka laga uma ki luga. 14Koutou la nā popole kia te kilātou! E takitaki e kilātou nā tāuaho ka ko kilātou foki ni tāuaho; kāfai e takitaki e he tāuaho hētahi tāuaho, ka pakukū uma kilāua ki loto o he utu.”#Luk 6.39
15Oi na lea mai ai ia Petelu, “Fakamālamalama ake te uiga o tau fakakupuga tēnā.”
16Na vāgana atu ai ia Iehu kia te kilātou, “Koi tutuha lava te koutou hē mālamalama ma iētahi tino. 17Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe fano ai ki fafo o tona tino. 18Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino.#Mat 12.34 19Auā e hau mai te loto nā manatu kino e tupu ai te tāmate tino, te mulilua, ma iētahi uiga hē tāupulea; te kaihohoa, te talapepelo, ma te fai tala fakakino. 20Ko nā mea iēnā e hē mamā ai he tino. Ka ko te kai kae hē fufulua nā lima e vēia oi fakatonu ai koutou e kilātou ke fai—e hē ko he mea tēnā e hē mamā ai he tino.”
Ko te Fakatuatua o he Fafine
(Mlk 7.24-30)
21Kua fano kehe ia Iehu mai kinā ma kua fano ki te kogāfenua e pili ki nā kakai ko Tulo ma Haitonu. 22Oi na hau ai he fafine Kanana nae nofo i te kogāfenua tēnā, e tagi ma kalaga vē mai kia Iehu, “Te Aliki! Te Ataliki o Tavita, alofa mai kō kia te au. Ko taku tama teine e ulufia e he tēmoni oi e i he tūlaga kino lahi lele.”
23Kae na hēki tali lele ki ei ia Iehu. Ma na ōmamai ai ona hoko kua tauānau kia Iehu ma lea vē mai ki ei, “Uga kō te fafine ke fano kehe auā e taukekē ma mulimuli mai kia te kitātou!”
24Oi na tali atu ia Iehu, “Ko au na uga mai oioti ki nā tino o Ihalaelu iēia e vē ni māmoe kua gagalo!”
25Kae kua hau te fafine oi tōtuli i mua o Iehu ma lea vē mai ki ei, “Te Aliki, fehoahoani mai kō kia te au!”
26Na tali atu ia Iehu, “E hē ko he mea tatau ke kave te meakai a tamaiti oi togi ki nā maile.”
27Kua tali mai te fafine, “Io e hako te Aliki, kae e pa foki lava ki nā maile, e kakai ki nā matutuga e malili ki lalo o te laulau a to lātou matai.”
28Oi na tali atu ai ia Iehu, “Te māfine, e aloā te fakatuatua o koe e lahi! Ko te mea e fofou koe ki ei, ka vēnā lava ona fai mo koe.” I te taimi lava tēnā, na mālōlō ai tana tama teine.
Kua Fakamālōlō e Iehu te Tokalahi
29Kua fano kehe ia Iehu mai kinā, ma na fano ai oi kui atu fakatafatafa i te Vaitūloto ko Kalilaia. Na fano ai ki luga o he mauga ma na nofo ai ki lalo i kinā. 30Ma na ōmamai ai kia te ia he kaifenua tokalahi ma kaumai e kilātou nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, ma na fakanonofo ai tafapili kia Iehu; ma na fakamālōlō ai e ia kilātou uma. 31Na ofo lele ia tagata i te kiteaga e kilātou kua tautatala nā gūgū, kua mālolohi nā tino nae hē kātoatoa te mālohi, kua hāvavali nā pipili, ma kua pupula nā mata o nā tāuaho; oi na viviki ake ai kilātou ki te Atua o Ihalaelu.
Kua Fafaga e Iehu he Toka Fa Afe
(Mlk 8.1-10)
32Oi na fakapotopoto mai ai e Iehu ona hoko, ma na vāgana atu ai kia te kilātou, “Ko au te alofa ki nā tino iēnei, auā ko te tolu tēnei o aho koi kinei lava kilātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki iei he lātou mea e kai, auā nā he tino o kilātou e matapogia i luga o te auala.”
33Oi na lea atu ai nā hoko ki ei, “Ko fea nei te ka maua ai e kimātou i te togāvao tēnei ni meakai e lava ke fafaga ai te kaifenua tokalahi tēnei?”
34Kua fehili atu ia Iehu, “E fia autou falaoa?”
“E fitu ia falaoa ma ni nāi tamā ika,” na tali mai kilātou.
35Oi na fakatonu loa lava e Iehu te kaifenua ke nonofo ki lalo ki luga o te kelekele. 36Ma na tago ai ki nā falaoa e fitu ma nā ika, kua fakafetai ki te Atua; ma na tavaevae ai e ia ma fōki ki ona hoko. Oi na fakahoa ai e te kau hoko ki te kaifenua. 37Kua kakai uma kilātou ma kua mākokona. Oi na fakaputu ai e te kau hoko nā tōega ma na tūtumu ai nā polapola e fitu. 38Ko kilātou na kakai e toka fa afe ia tāulelea, kae hēki faitaua ai ia fafine ma tamaiti.
39Oi na uga ai e Iehu ia tagata ke olo ki o lātou kāiga, ka kua hopo ki luga o he vaka ma kua fano ki te kogāfenua ko Makatana.
Селектирано:
Mataio 15: TOKU
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust
Mataio 15
15
Ko nā Akoakoga a nā Tupuna
(Mlk 7.1-13)
1Oi na ōmamai ai ni Falehaio ma ni faiākoga o te Tūlāfono mai i Ieluhalema kia Iehu ma fehili vē mai ki ei, 2“Heā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai kitātou, ka ko hēki kakai!”
3Na tali atu ia Iehu, “Heā foki la te hē uhitaki ai koutou ki nā fakatonuga a te Atua, kae mulimuli lava koutou ki autou akoakoga? 4Auā na vāgana te Atua, ‘Āva ki tō tamana ma tō mātua,’ ma ‘Ko ai lava e faia ni kupu kino ki tona tamana pe ki tona mātua, e tatau ke tāmate.’#Eho 20.12; 21.17; Teu 5.16; Lev 20.9 5Kae e akoako e koutou kāfai ni tino e iei ni a lātou mea e ono mafai ke fehoahoani ai ki o lātou tamana pe ki o lātou mātua, e lea koutou, ‘Ko te mea tēnei e mo te Atua,’ 6e hē tau āva la kilātou ki o lātou tamana.#15.6 o lātou tamana ko iētahi tuhituhiga e vē mai o lātou tamana pe ko nā mātua Ko te faiga tēnā a koutou, kua fakahēaogā ai e koutou te fakatonuga a te Atua, kae ke mulimuli ai pea koutou ki autou tu māhani. 7Ko koutou ni tino āmio pepelo! Kai te hako lele o Ihaia i tana vāloaga e uiga kia te koutou.
8Kua vāgana te Aliki,
‘Ko nā tino iēnei e viviki mai kia te au ia lātou kupu,
ka ko o lātou loto e mamao lele ma au.
9E hē aogā ke tāpuaki mai kilātou kia te au,
auā e akoako e kilātou ia tūlāfono a tagata
e vēia ni Tūlāfono e a aku!’ ”#Iha 29.13 (LXX)
Ko nā Mea e Hē Mamā ai he Tino
(Mlk 7.14-23)
10Oi na kalaga ai ia Iehu ki te kaifenua ke ōake kia te ia, ma na vāgana atu ai ki ei, “Fakalogo mai ke mālamalama koutou! 11E hē ko nā mea e fano ki loto o te gutu te hē mamā ai he tino i nā tu tau tāpuakiga; kae ko te mea e hau ki fafo mai te gutu.”
12Oi na ōmamai ai te kau hoko kia Iehu kua lea vē mai ki ei, “E kē iloa te tīgā o nā loto o te kau Falehaio ki nā mea nae lea ai koe?”
13Kae kua tali atu ia Iehu, “Ko nā lākau uma e hēki totōa e toku Tamana i te lagi ka laga uma ki luga. 14Koutou la nā popole kia te kilātou! E takitaki e kilātou nā tāuaho ka ko kilātou foki ni tāuaho; kāfai e takitaki e he tāuaho hētahi tāuaho, ka pakukū uma kilāua ki loto o he utu.”#Luk 6.39
15Oi na lea mai ai ia Petelu, “Fakamālamalama ake te uiga o tau fakakupuga tēnā.”
16Na vāgana atu ai ia Iehu kia te kilātou, “Koi tutuha lava te koutou hē mālamalama ma iētahi tino. 17Ko koutou e hē mālamalama? Ho he mea e fano ki loto o te gutu o he tino, e fano ki loto o tona manava ma toe fano ai ki fafo o tona tino. 18Kae ko nā mea e hau ki fafo mai te gutu e hau mai te loto, ma ko nā mea iēnā e hē mamā ai he tino.#Mat 12.34 19Auā e hau mai te loto nā manatu kino e tupu ai te tāmate tino, te mulilua, ma iētahi uiga hē tāupulea; te kaihohoa, te talapepelo, ma te fai tala fakakino. 20Ko nā mea iēnā e hē mamā ai he tino. Ka ko te kai kae hē fufulua nā lima e vēia oi fakatonu ai koutou e kilātou ke fai—e hē ko he mea tēnā e hē mamā ai he tino.”
Ko te Fakatuatua o he Fafine
(Mlk 7.24-30)
21Kua fano kehe ia Iehu mai kinā ma kua fano ki te kogāfenua e pili ki nā kakai ko Tulo ma Haitonu. 22Oi na hau ai he fafine Kanana nae nofo i te kogāfenua tēnā, e tagi ma kalaga vē mai kia Iehu, “Te Aliki! Te Ataliki o Tavita, alofa mai kō kia te au. Ko taku tama teine e ulufia e he tēmoni oi e i he tūlaga kino lahi lele.”
23Kae na hēki tali lele ki ei ia Iehu. Ma na ōmamai ai ona hoko kua tauānau kia Iehu ma lea vē mai ki ei, “Uga kō te fafine ke fano kehe auā e taukekē ma mulimuli mai kia te kitātou!”
24Oi na tali atu ia Iehu, “Ko au na uga mai oioti ki nā tino o Ihalaelu iēia e vē ni māmoe kua gagalo!”
25Kae kua hau te fafine oi tōtuli i mua o Iehu ma lea vē mai ki ei, “Te Aliki, fehoahoani mai kō kia te au!”
26Na tali atu ia Iehu, “E hē ko he mea tatau ke kave te meakai a tamaiti oi togi ki nā maile.”
27Kua tali mai te fafine, “Io e hako te Aliki, kae e pa foki lava ki nā maile, e kakai ki nā matutuga e malili ki lalo o te laulau a to lātou matai.”
28Oi na tali atu ai ia Iehu, “Te māfine, e aloā te fakatuatua o koe e lahi! Ko te mea e fofou koe ki ei, ka vēnā lava ona fai mo koe.” I te taimi lava tēnā, na mālōlō ai tana tama teine.
Kua Fakamālōlō e Iehu te Tokalahi
29Kua fano kehe ia Iehu mai kinā, ma na fano ai oi kui atu fakatafatafa i te Vaitūloto ko Kalilaia. Na fano ai ki luga o he mauga ma na nofo ai ki lalo i kinā. 30Ma na ōmamai ai kia te ia he kaifenua tokalahi ma kaumai e kilātou nā pipili, nā tāuaho, nā tino e hē kātoatoa te mālohi, nā gūgū ma te tokalahi o nā tino tauale, ma na fakanonofo ai tafapili kia Iehu; ma na fakamālōlō ai e ia kilātou uma. 31Na ofo lele ia tagata i te kiteaga e kilātou kua tautatala nā gūgū, kua mālolohi nā tino nae hē kātoatoa te mālohi, kua hāvavali nā pipili, ma kua pupula nā mata o nā tāuaho; oi na viviki ake ai kilātou ki te Atua o Ihalaelu.
Kua Fafaga e Iehu he Toka Fa Afe
(Mlk 8.1-10)
32Oi na fakapotopoto mai ai e Iehu ona hoko, ma na vāgana atu ai kia te kilātou, “Ko au te alofa ki nā tino iēnei, auā ko te tolu tēnei o aho koi kinei lava kilātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki iei he lātou mea e kai, auā nā he tino o kilātou e matapogia i luga o te auala.”
33Oi na lea atu ai nā hoko ki ei, “Ko fea nei te ka maua ai e kimātou i te togāvao tēnei ni meakai e lava ke fafaga ai te kaifenua tokalahi tēnei?”
34Kua fehili atu ia Iehu, “E fia autou falaoa?”
“E fitu ia falaoa ma ni nāi tamā ika,” na tali mai kilātou.
35Oi na fakatonu loa lava e Iehu te kaifenua ke nonofo ki lalo ki luga o te kelekele. 36Ma na tago ai ki nā falaoa e fitu ma nā ika, kua fakafetai ki te Atua; ma na tavaevae ai e ia ma fōki ki ona hoko. Oi na fakahoa ai e te kau hoko ki te kaifenua. 37Kua kakai uma kilātou ma kua mākokona. Oi na fakaputu ai e te kau hoko nā tōega ma na tūtumu ai nā polapola e fitu. 38Ko kilātou na kakai e toka fa afe ia tāulelea, kae hēki faitaua ai ia fafine ma tamaiti.
39Oi na uga ai e Iehu ia tagata ke olo ki o lātou kāiga, ka kua hopo ki luga o he vaka ma kua fano ki te kogāfenua ko Makatana.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bible Society New Zealand Charitable Trust