मत्ती 17
17
यीशु रूप बदलण
मरकुस 9:2-13; लूका 9:28-36
1तढ़ेया छेआ रोज पता, यीशु पतरस, याकूब त तसे भाई यूहन्ना अपफ जोई साते यक उचे फाट पुठ घिन गा। तेन्हि जोई होर कोई नेओथ। 2तठि तेन्के सामणि यीशु रूप बदली गा त तसे मुंह दिसे ईं दुफार, होर तसे झिणे डंगे ईं हच्छे भोई गे। 3तोउं तेन्हि अचानक मूसा त एलिय्याह तेस जोई बोके कते काए। 4त पतरसे यीशु जे बोलु, “ए प्रभु, हें इठि भुण ठीक असु। अगर तें इच्छा असी त अउं इठि टाई डेरा लान्ता; यक तोउ जे, यक मूसा जे त यक एलिय्याह जे।” 5से होता बोलुण लगो थिआ कि यक चमकता बदेए तेन्के पुठे एई गा, त तेस बदेए केआं यक अवाज आई: “ए में ट्यारा कुआ भो, जेस हेर अउं खुश असा। असे शुणे!” #मत्ती 3:17; 12:18; मरकुस 1:11; लूका 3:22 6चेले ईं शुण कइ उटेऊ बिशे, किस कि से सुआ डर गो थिए। 7पर यीशु भेएड़ एई कइ से छुए, त बोलु, “खड़ भो! डरे नोउ।” 8त जपल तेन्हि टीर उघाड़े त यीशु छड़ दी कइ होर कोई न काए। 9तोउं फाट पुठा उन्निया एन्ते एन्ते यीशु तेन्हि जे सावधान कराई कइ बोलु, “जपल तकर मनखे कुआ मरो तेन्हि अन्तरा दुबारी जी न घियाल, तपल तकर जे कुछ तुसी काउ, तसे बारे केसे जे बि ना बोलुण।” 10तोउं तसे चेली तेस केआं पुछु, “त फिर गुरुजी! धर्मशास्त्री किस बोते कि एलिय्याहे पेहले एणे जरूरी असु?” 11त यीशु बोलु, “आं एलिय्याह सच्चे एन्ता त सोब किछ सुसुर कता। 12पर अउं तुसी जे बोता कि एलिय्याह एई बि गो असा, पर मेह्णु से न पिछाणा। पर तेन्हि जीं चहु तीं तेस जोई किउ। तिहांणि मनखे कुआ बि से भुंजान्ते।”#मत्ती 11:14 13तोउं चेली समझु कि से तेन्हि एलिय्याह बारे नेईं, बल्कि चुसुणे बाड़ा यूहन्ने बारे बताण लगो थिआ।
यीशु दुष्ट आत्माई भुंजो यक कुआ सुसुरेरण
मरकुस 9:14-29; लूका 9:37-43
14जपल यीशु त तसे चेले हुसुड़े केईं पुजे त यक मेह्णु यीशु भेएड़ आ, त उटेऊ बिश कइ बोलुण लगा, 15“ए प्रभु, में कुआ पुठ दाह कर! तस मिर्गी एन्ती, त सुआ कष्ट अन्तर रेहन्ता; से घड़ी घड़ी आग त पाणि अन्तर झड़ता। 16मेईं से तुं चेली केईं अण्हतो थिआ, पर एन्हि से सुसुरेरि न बटा।” 17त यीशु बोलु, “ए अविश्वासी त हठि मेह्णुओ! अउं कपल तकर तुसी जोई बिश्ता? कपल तकर तुं सेहन्ता? तस इठि मोउं केईं घिन आई।” 18तोउं यीशु दुष्ट आत्मा डराई कइ निसण जे निआंग दिती त से तेसे अन्तरा निस गई; त कुआ तिखेईंए सुसुरी गा।
19पता चेली अकेले यीशु भेएड़ एई कइ बोलु, “असी से किस न निशाण बटी?” 20तेन तेन्हि जे बोलु, “अपु कमजोर विश्वासे बझई जोई तुसी से किढ़ न बटी। किस कि अउं तुसी जे बोता, अगर तुस शरहेउ रो जतु बि पक्का विश्वास कर कइ इस फाट जे बोलियेल, ‘इठिआ खिसक कइ ओठि गा’, त से घेई घेन्ता। त कोई बि बोक तुं लिए मुश्किल न भुन्ति।#मत्ती 21:21; मरकुस 11:23; 1 कुरिन्थ 13:2 21[पर इस किस्मी दुष्ट आत्मा बजन प्रार्थना त ब्रते न निस्ती।]”
अपु मरणे बारे यीशु दोकी भविष्य वाणि
मरकुस 9:30-32; लूका 9:43-45
22पता जपल यीशु त तसे चेले गलील राज्य अन्तर कठे भुए, त यीशु तेन्हि जे बोलु, “मनखे कुआ जे अउं भो, मनखे हथे टोवेई घेण असा। 23से मोउं मार छते, तोउं अउं टेके रोजे दुबारी जी घेन्ता।” ई शुण कइ से उदास भोई गे।
यीशु देहरे मामला देण
24जपल यीशु त तसे चेले कफरनहुम शेहर पुजे, त देहरे मामला नेणे बाड़ी पतरस केआं पुछु, “तुं गुरु देहरे मामला न देन्ता ना?” 25तेन बोलु, “आं, देन्ता।” तोउं, जपल से गी आ, त यीशु पेहलाई तस केईआं पुछु “तु की सोचता? धरती राजे मामला केस केआं नेन्ते? अपु गभुर केआं या पराई केआं?” 26पतरसे तेस जे बोलु, “पराई केआं।” त यीशु तेस जे बोलु, “त गभुर मामला देण केआं बच गे। 27तोउं बि तेन्हि नाराज ना करण जे तु तथे भेएड़ घेई कइ मछली टाण जे कांटा छड़। त जे पेहला मछली टआल; तसे आसी उघाड़। तठि तोउ यक चोउर तोड़े चन्नी मेलकी मेता। तेस घिन कइ में त अपु बदले तेन्के धे दी छड़।”
Селектирано:
मत्ती 17: pgg
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2023 (Active) Wycliffe Bible Translators, Inc. All rights reserved.