Деяния 25
25
Павел Нанқихтысюлӷӣ Римым Умӣлыхпига̄нун
1Феста ка̄сями Кесариямун иглыӷутиналюни, пиңают аӷныӷыт атуӷлюки аӷуляқыхкақ Иерусалимымун. 2Таўани первосвященнигытлъю, иглыӷутистыңиталъю Иудеит уңипикатка̄т, Павел сыӷлылӣҳқӣҳлъяка̄нилюку Иудеяның. 3Сягиқутка̄т Фестымун, Павел тагитысқылъюку Иерусалимымун қаюҳлъяк аксяқлъюку туқусюка̄т тумаңани. 4Иўырңа Фестым пикӣ: «Павел кылыңакақаҳпут Кесариями. Қантаӷақун утыӷниӷьяҳқа̄гуңа, 5иглыӷутистыхпыси малихнакаңатңа. Ынңа̄талъ таўани сямың анахусимакан апыӷнакаңат».
6Феста Иерусалимымытаӷақақ пиңаюның иңлюлык налиӷмың қуля аӷнық, та̄хкын Кесарияткақ. Уна̄миңани нанқихтивигым ақумутахкынкун ақумлюни ақфастыка̄ Павел. 7Тагисятху, Иерусалимыӷмӣт Иудеит каңлъюқаҳлъюку анахута̄таҳлъягуманика̄т иўырңа ипапиҳқыпагниңиткӣт анахутылъҳи. 8Павел мысиӷақақ: «Қа̄ткиганъыӷитанка Иудеит Лӣлиҳтӯсӣт, сыӷлытун пиңигатуңа Храмыми, сыӷлытун пимаңитақа Римым Умӣлыхпига̄».
9Фестым ыфқуҳсюглюки Иудеит а̄птыка̄ Павел: «Иерусалимыми хўаңамнун нанқихтысюхсӣн?»
10Павелым кӣмсиқа̄: «Нака̄! Хўа̄ Умӣлыхпига̄м нанқихтивигани ныкывӷа̄ңа ынка̄м тама̄кын апалъюқлъюку хўани нанқихсяҳқа̄гуңа. Лӣсимакңўа̄ӷан Иудеянун анахутылъҳитуңа. 11Анахусимакума Римым лӣлиҳтӯся̄н пилъҳани рыпалъ туқусяҳқа̄люңа, анагнақна̄нӷитақа туқулъық. Иўырңа Иудеит анахунъилъҳат тымңиңукан, китум алңунак Иудеянун сястыкаңаңа, та̄на ю̄к қа̄ткунъа̄нӷитуқ Римым Лӣлиҳтӯся̄мнъун. Римым Умӣлыхпига̄нун нанқихтысюхтуңа».
12Фестым агӷилгуткулъҳӣт агӷинъыӷмың та̄қсямың Павелым пиюкылъҳаның, Павел пика̄: «Нанқихтысюгулӷӣтын Умӣлыхпигаӷмун, Умӣлыхпигаӷмун агляҳлъықутын».
Фестым А̄пқаңа Павел Умӣлыгмун Агриппамун
13Та̄м киңуңӣҳа̄ның Умӣлык Агриппа ка̄ткақ Кесариямун кылъқылъюку наяни Вереника, қуякналюку Правитель Феста. 14Тама̄нсималюкык Фестым уңипамсюгутка̄ Агриппа Павелымың. Пика̄: «Правителыңуҳсялӷӣңа Феликсым ю̄к анусимиңлъяӷвигмытыстақыфта̄ ма̄ни. 15Иерусалимымылъюңа первосвященнигытлъю, иглыӷутистыңиталъю Иудеит уңипа̄та̄тңа Павелым анахутылъҳаның. Та̄хкын а̄пта̄тңа хўаңамнун туқутыстысқылъюку, 16иўырңа кӣмсиқақанка: “Хўаңкута Римыӷмӣни килъю алңунак нанқихтыхпынаки туқусигатапут. Лӣлиҳтӯсяпут хўатын пика̄гут: ‘Сыӷлытун пиника̄т, сивуклъюни апыҳтысяҳқа̄гуқ ипа пиматаңа анахунъистыт нагатыстыклъюки’. Та̄хкын лӣгикылъықаҳпут сялъыҳқаҳпут”. 17Ынка̄м Павелым анахунъистыңи тагиляӷа̄сята ага уна̄миңани ақумыхка̄гуңа нанқихтивихкун, тагитыстыкақақалъю Павел. 18Анахунистыңи ныкывӯлъютың сыӷлытун пилъҳи апыӷьяқмыхтыки сюмыҳтаӷа̄ткылъымтун сыӷлыҳтутканӷитыфтут. 19Та̄ўаңинаҳақ а̄ҳтӣра̄ӷумакаңат ухпықилъыӷмыхның, та̄налъю ю̄к а̄тқылӷӣ Иисусымың туқуманилюку, иўырңа Павелым сягиқуткақа̄ уңува̄манилюку. 20Лӣсимакыпагунӷитутымның тама̄кут, Павел а̄птақа нанқихтысюгутаңа Иерусалимыми. 21Иўырңа Павелым кӣмсиӷа̄ңа: “Нанқихтысюхтуңа Умӣлыхпигаӷмун. Кылыңакыстиңа кынляңа агляҳтыстылъыҳпынун лъңанун”. Ынка̄м анусимиңлъяӷвигмун канаҳтыснықихтақа кынляңа агляҳтыстылъыҳқамнун Умӣлыхпигаӷмун».
22Агриппам пика̄ Феста: «Хўаңалъю нагасюгақа Павел». Пика̄: «Уна̄ми нагалъықан».
23Уна̄миңани Агриппамлъю, Вереникамлъю ӣтқак қырңуӷутфихлъягмун ынңа̄талъ а̄шаӷўа̄ӷлютык умӣлгым а̄тка̄мың, малихтыстыклъюки умӣлгитлъю пилъюўаҳтыт, иглыӷутистыңилъю Кесариям. Та̄хкын Фестым итҳутысқыхка̄ Павел. 24Фестым пикӣ: «Умӣлыгми Агриппами, лъпысилъю қамахлъюси хўа̄нлыңуӷни, уна ю̄к ысҳақыси, Павелыңӯқ. Қамахлъютың Иудеит ма̄нлыңӯт, Иерусалимымылңӯтлъю қикыҳқукыхкақа̄т хўаңамкун рыпалъ акилӷӯткыхкақа̄т туқусяҳқа̄нилюку. 25Иўырңа нанқихсяқыхка сямың апалъӣтыфтуқ туқусяҳқа̄люни. Лъминың нанқихтысюка̄таңаның Умӣлыхпигаӷмун агляҳтысналюку пӣқақа. 26Иўырңа посланиятхун сямың ипапиҳқыңъалӷӣмың апыӷьяҳқӣтуңа Умӣлыхпигаӷмун ӯмың югмың аюқылӷӣмың. Ынка̄м тагитақа сивухпысинун, кияң лъпынун Умӣлыгми Агриппами! Ныӷьюкақа а̄пқуӷа̄қумтыху сямың письмосиҳқамың на̄лъкыфикнаюкамкун. 27Хўаңамни тымңиңӯқ агляҳтыстыкумкун анусимиңлъяӷақ Умӣлыхпигаӷмун сямың анахутылъыӷмың апалъюңуна̄н».
Селектирано:
Деяния 25: ess2
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.
Деяния 25
25
Павел Нанқихтысюлӷӣ Римым Умӣлыхпига̄нун
1Феста ка̄сями Кесариямун иглыӷутиналюни, пиңают аӷныӷыт атуӷлюки аӷуляқыхкақ Иерусалимымун. 2Таўани первосвященнигытлъю, иглыӷутистыңиталъю Иудеит уңипикатка̄т, Павел сыӷлылӣҳқӣҳлъяка̄нилюку Иудеяның. 3Сягиқутка̄т Фестымун, Павел тагитысқылъюку Иерусалимымун қаюҳлъяк аксяқлъюку туқусюка̄т тумаңани. 4Иўырңа Фестым пикӣ: «Павел кылыңакақаҳпут Кесариями. Қантаӷақун утыӷниӷьяҳқа̄гуңа, 5иглыӷутистыхпыси малихнакаңатңа. Ынңа̄талъ таўани сямың анахусимакан апыӷнакаңат».
6Феста Иерусалимымытаӷақақ пиңаюның иңлюлык налиӷмың қуля аӷнық, та̄хкын Кесарияткақ. Уна̄миңани нанқихтивигым ақумутахкынкун ақумлюни ақфастыка̄ Павел. 7Тагисятху, Иерусалимыӷмӣт Иудеит каңлъюқаҳлъюку анахута̄таҳлъягуманика̄т иўырңа ипапиҳқыпагниңиткӣт анахутылъҳи. 8Павел мысиӷақақ: «Қа̄ткиганъыӷитанка Иудеит Лӣлиҳтӯсӣт, сыӷлытун пиңигатуңа Храмыми, сыӷлытун пимаңитақа Римым Умӣлыхпига̄».
9Фестым ыфқуҳсюглюки Иудеит а̄птыка̄ Павел: «Иерусалимыми хўаңамнун нанқихтысюхсӣн?»
10Павелым кӣмсиқа̄: «Нака̄! Хўа̄ Умӣлыхпига̄м нанқихтивигани ныкывӷа̄ңа ынка̄м тама̄кын апалъюқлъюку хўани нанқихсяҳқа̄гуңа. Лӣсимакңўа̄ӷан Иудеянун анахутылъҳитуңа. 11Анахусимакума Римым лӣлиҳтӯся̄н пилъҳани рыпалъ туқусяҳқа̄люңа, анагнақна̄нӷитақа туқулъық. Иўырңа Иудеит анахунъилъҳат тымңиңукан, китум алңунак Иудеянун сястыкаңаңа, та̄на ю̄к қа̄ткунъа̄нӷитуқ Римым Лӣлиҳтӯся̄мнъун. Римым Умӣлыхпига̄нун нанқихтысюхтуңа».
12Фестым агӷилгуткулъҳӣт агӷинъыӷмың та̄қсямың Павелым пиюкылъҳаның, Павел пика̄: «Нанқихтысюгулӷӣтын Умӣлыхпигаӷмун, Умӣлыхпигаӷмун агляҳлъықутын».
Фестым А̄пқаңа Павел Умӣлыгмун Агриппамун
13Та̄м киңуңӣҳа̄ның Умӣлык Агриппа ка̄ткақ Кесариямун кылъқылъюку наяни Вереника, қуякналюку Правитель Феста. 14Тама̄нсималюкык Фестым уңипамсюгутка̄ Агриппа Павелымың. Пика̄: «Правителыңуҳсялӷӣңа Феликсым ю̄к анусимиңлъяӷвигмытыстақыфта̄ ма̄ни. 15Иерусалимымылъюңа первосвященнигытлъю, иглыӷутистыңиталъю Иудеит уңипа̄та̄тңа Павелым анахутылъҳаның. Та̄хкын а̄пта̄тңа хўаңамнун туқутыстысқылъюку, 16иўырңа кӣмсиқақанка: “Хўаңкута Римыӷмӣни килъю алңунак нанқихтыхпынаки туқусигатапут. Лӣлиҳтӯсяпут хўатын пика̄гут: ‘Сыӷлытун пиника̄т, сивуклъюни апыҳтысяҳқа̄гуқ ипа пиматаңа анахунъистыт нагатыстыклъюки’. Та̄хкын лӣгикылъықаҳпут сялъыҳқаҳпут”. 17Ынка̄м Павелым анахунъистыңи тагиляӷа̄сята ага уна̄миңани ақумыхка̄гуңа нанқихтивихкун, тагитыстыкақақалъю Павел. 18Анахунистыңи ныкывӯлъютың сыӷлытун пилъҳи апыӷьяқмыхтыки сюмыҳтаӷа̄ткылъымтун сыӷлыҳтутканӷитыфтут. 19Та̄ўаңинаҳақ а̄ҳтӣра̄ӷумакаңат ухпықилъыӷмыхның, та̄налъю ю̄к а̄тқылӷӣ Иисусымың туқуманилюку, иўырңа Павелым сягиқуткақа̄ уңува̄манилюку. 20Лӣсимакыпагунӷитутымның тама̄кут, Павел а̄птақа нанқихтысюгутаңа Иерусалимыми. 21Иўырңа Павелым кӣмсиӷа̄ңа: “Нанқихтысюхтуңа Умӣлыхпигаӷмун. Кылыңакыстиңа кынляңа агляҳтыстылъыҳпынун лъңанун”. Ынка̄м анусимиңлъяӷвигмун канаҳтыснықихтақа кынляңа агляҳтыстылъыҳқамнун Умӣлыхпигаӷмун».
22Агриппам пика̄ Феста: «Хўаңалъю нагасюгақа Павел». Пика̄: «Уна̄ми нагалъықан».
23Уна̄миңани Агриппамлъю, Вереникамлъю ӣтқак қырңуӷутфихлъягмун ынңа̄талъ а̄шаӷўа̄ӷлютык умӣлгым а̄тка̄мың, малихтыстыклъюки умӣлгитлъю пилъюўаҳтыт, иглыӷутистыңилъю Кесариям. Та̄хкын Фестым итҳутысқыхка̄ Павел. 24Фестым пикӣ: «Умӣлыгми Агриппами, лъпысилъю қамахлъюси хўа̄нлыңуӷни, уна ю̄к ысҳақыси, Павелыңӯқ. Қамахлъютың Иудеит ма̄нлыңӯт, Иерусалимымылңӯтлъю қикыҳқукыхкақа̄т хўаңамкун рыпалъ акилӷӯткыхкақа̄т туқусяҳқа̄нилюку. 25Иўырңа нанқихсяқыхка сямың апалъӣтыфтуқ туқусяҳқа̄люни. Лъминың нанқихтысюка̄таңаның Умӣлыхпигаӷмун агляҳтысналюку пӣқақа. 26Иўырңа посланиятхун сямың ипапиҳқыңъалӷӣмың апыӷьяҳқӣтуңа Умӣлыхпигаӷмун ӯмың югмың аюқылӷӣмың. Ынка̄м тагитақа сивухпысинун, кияң лъпынун Умӣлыгми Агриппами! Ныӷьюкақа а̄пқуӷа̄қумтыху сямың письмосиҳқамың на̄лъкыфикнаюкамкун. 27Хўаңамни тымңиңӯқ агляҳтыстыкумкун анусимиңлъяӷақ Умӣлыхпигаӷмун сямың анахутылъыӷмың апалъюңуна̄н».
Селектирано:
:
Нагласи
Сподели
Спореди
Копирај
Дали сакаш да ги зачуваш Нагласувањата на сите твои уреди? Пријави се или најави се
© 2022, Wycliffe Bible Translators, Inc. All rights reserved.