ПСАЛМИ 98

Песна на Бога. На праведниот Судија на сета вселена

1. Песна за спасение

1Воспејте Му на Господа нова песна, зашто направи чудесни дела. Неговата десница и Неговата света мишка Му извојуваа победа. 2Господ го објави Своето спасение, ја откри Својата правда пред народите. 3Си спомна за милоста и верноста кон Израелевиот Дом. Сите краишта на земјата го видоа спасението на нашиот Бог.

2. Сите луѓе да Го фалат Господа

4Воскликни Му на Господа, цела земјо; радувај се, викај весело и пеј! 5Запејте Му на Господа со псалтир, со псалтир и со глас на псалмопеење; 6со звуците на трубите и роговите: викајте радосно пред Царот - пред Господа!

3. Сета природа да Го фали Господа

7Нека шуми морето и што е во него, земјата и нејзините жители! 8Нека ракоплескаат реките, нека се радуваат ридовите, заедно со нив! 9Зашто Господ доаѓа, доаѓа да ѝ суди на земјата. Ќе ѝ суди на вселената по правда и на народите по правина.

Селектирано:

ПСАЛМИ 98: MKB

Нагласи

Сподели

Копирај