Romanɛ 5
5
Ishuyuyɔ Anɛ Same
1Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha, 2ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ. 3Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi; 4kanyɛtsitsi kamɛna Kpaya ahwɛ tutrɔ, klɛ yɛ ahwɛ tutrɔ laa mɛna kidzoenudidi. 5Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.
6Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu. 7Kɛ dɛ dozi sɛ tɛ anɔ teli etsi nɛ anɔnɛna tɔkpu, kɛ ba nyaa za sɛ anɔ teli ebe di asɛ tɛ etsi nɛ anɔdzyɔgoe tɔkpu. 8Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!
9Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha! 10Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ! 11Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.
Butsi Ganɔ Adam Abha, Ɛkpã Ganɔ Kristoa Bha
12Kɛlɛso, ansɛ gɛ buzizi tsoku kanɔ nɛ mɛ ganɔ anɔ terikpoa bha, klɛ butsi ba ganɔ buzizi mɛ, klɛ ganɔ kidzoe nɛa bha pɛ butsi ba kɔ anɔnyanɔ, alasɛ anɔnyanɔ abhɛtɛ buzizi so— 13alasɛ flogo tɛ ba ba kɔ ɔshã, buzizi tɛ yɛkɛ kanɔ nɛm. Pɔ ba taa kla buzizi onu gɛ ɔshã ɔɔma. 14Kɛɛ dzi kibinyɛbi tsyɛ, butsi lɛ denɔ Aɖamui be ɔbɔ nanɔ Mose be, ɔdɔnanɔ bagɛ ba dɛ bhɛtɛ buzizi kanyaka tsyɛ ganɔ ɔshã abha dɛda tsyɛ, anasɛ gɛ Aɖamu, gɛ edzi agɛ aba tɛ ba nɛ yɛ tɛzɛzam abhɛtɛ.
15Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ! 16Ɔyɛkɔ plɛnɔ, Kpaya kɛdɔkukɔ nɛ ti dzi ansɛ kɛgɛ de koeyi nɛ anɔ terikpoa lɛ nɛ buzizi mɛ: Kebhuikuklu aba nɛ buzizi turikpoe de klɛ bu mɛna kɛpɔbubu, pɔ kɛdɔkukɔ nɛ ba nɛ buzizi gelee de klɛ kɛ mɛna ishudɛdanɛ. 17Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.
18Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee. 19Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.
20Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na, 21sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.
Селектирано:
Romanɛ 5: tcd
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© Ghana Institute of Linguistics, Literacy and Bible Translation
Romanɛ 5
5
Ishuyuyɔ Anɛ Same
1Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha, 2ganɔ yɛa bha lɔ mɔ kidzo ganɔ tɛyɛykɛŋa pɛ bu tsoku eshutukubui didia nɛ mɛ gɛ bu li titi ɔtsɔ̃. Klɛ bu mɔ same nɛ kidzoenudidi nɛ Kpaya ishubhubhui mɛ. 3Ganɛ kana tite ko, pɔ bu mɔ same nɛ bulɔ baatɔ nɛ mɛ tsyɛ, alasɛ bu nyi sɛ butɔ bhɛtɛ kanyɛtsitsi; 4kanyɛtsitsi kamɛna Kpaya ahwɛ tutrɔ, klɛ yɛ ahwɛ tutrɔ laa mɛna kidzoenudidi. 5Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.
6Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu. 7Kɛ dɛ dozi sɛ tɛ anɔ teli etsi nɛ anɔnɛna tɔkpu, kɛ ba nyaa za sɛ anɔ teli ebe di asɛ tɛ etsi nɛ anɔdzyɔgoe tɔkpu. 8Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!
9Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha! 10Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ! 11Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.
Butsi Ganɔ Adam Abha, Ɛkpã Ganɔ Kristoa Bha
12Kɛlɛso, ansɛ gɛ buzizi tsoku kanɔ nɛ mɛ ganɔ anɔ terikpoa bha, klɛ butsi ba ganɔ buzizi mɛ, klɛ ganɔ kidzoe nɛa bha pɛ butsi ba kɔ anɔnyanɔ, alasɛ anɔnyanɔ abhɛtɛ buzizi so— 13alasɛ flogo tɛ ba ba kɔ ɔshã, buzizi tɛ yɛkɛ kanɔ nɛm. Pɔ ba taa kla buzizi onu gɛ ɔshã ɔɔma. 14Kɛɛ dzi kibinyɛbi tsyɛ, butsi lɛ denɔ Aɖamui be ɔbɔ nanɔ Mose be, ɔdɔnanɔ bagɛ ba dɛ bhɛtɛ buzizi kanyaka tsyɛ ganɔ ɔshã abha dɛda tsyɛ, anasɛ gɛ Aɖamu, gɛ edzi agɛ aba tɛ ba nɛ yɛ tɛzɛzam abhɛtɛ.
15Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ! 16Ɔyɛkɔ plɛnɔ, Kpaya kɛdɔkukɔ nɛ ti dzi ansɛ kɛgɛ de koeyi nɛ anɔ terikpoa lɛ nɛ buzizi mɛ: Kebhuikuklu aba nɛ buzizi turikpoe de klɛ bu mɛna kɛpɔbubu, pɔ kɛdɔkukɔ nɛ ba nɛ buzizi gelee de klɛ kɛ mɛna ishudɛdanɛ. 17Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.
18Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee. 19Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.
20Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na, 21sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.
Селектирано:
:
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© Ghana Institute of Linguistics, Literacy and Bible Translation