Romanɛ 13
13
Kɛtɔkpuesi Kpɛkpɛ Kɔ Bagɛaŋɛabha
1Anɔnyanɔ akpɛ kɛtɔkpuesi kɔ bagɛaŋɛabha pɛ ba gbanɔ anɔ, alasɛ kabhaŋɛŋa kanyaka ma gɛ odinu sɛ Kpaya yɛ edzua lɛ. Bukusi ɛŋakɔ nɛ petee gɛ lɛ Kpaya yɛ edzu ɛlɛ. 2Nɛ kɛlɛm nɛɛ, anɔɔ nɛ gɛ alɔ kititi nɛ kabhaŋɛŋɛa lɛ nɛ shu enu anɔ gɛ alɔ kititi nɛ kɛdɔnɔ nɛ gɛ Kpaya edzu nɛ shu, klɛ banɔ nɛ gɛ ba bhɛtɛ ana nɛɛ ba ba mɛna kebhuikukulu kɔ balɛ nahwɛ shua. 3Alasɛ bagɛ ba ŋa kabha ne di vunɔ kanya kanyaka kɔ bagɛ abhɛtɛ kɛdzyɔgo, pɔ kɔ bagɛ babhɛtɛ kizizi. Ɔpɛ sɛ tɛ kifu taa za wɔm nɛ aanɔ nɛ gɛ aŋɛabha? Kɛlɛ alɛ bhɛtɛ kɛgɛ bɔ klɛ aba kpɛ wɔ nɛa bha. 4Alasɛ yɛ enu Kpaya axwɛdɛ gɛ aba bhɛtɛ wɔ mɔmɔ. Pɔ onu gɛ ɔbhɛtɛ kizizi, sii fu, alasɛ edi vunɔ kɛpamɛ nɛ tite ko. Yɛ enu Kpaya axwɛdɛ, gɛ evunɔ Kpaya obulo sɛ tɛ amɛna butɔtɛtɛta kɔ agɛ abhɛtɛ kizizi. 5Klɛso, ki bisi sɛ tɛ ozhinɔ ishuesi kɔ bagɛ ba ŋɛabha, anɛ sɛ butɔtɛtɛta tite so pɔ alasɛ kana gɛ wɔ idzyi nɛm alɛ nɛ tsyɛ so. 6Klɛso tsyɛ pɛ nɔ buya kadzyɔ, alasɛ bagɛ ba ŋɛabha balɛ nu Kpaya baxwɛdɛ, gɛ ba yɛkɔ balɛ kibe nɛ petee akpɛ anɔ gbɛgbanɔ mɛ. 7Buya anɔnyanɔɛ bhɛ gɛ lɛ wɔshu nɛ ɔkɔ yɛ: Onu gɛ kadzyɔ alɛ wɔshu, buya kadzyɔ; onu gɛ kinu ɔdzyɔ kɛlɛ alɛ ɔdzyɔ; kinu tɛyɛyɔkɔ nɛ anɔɛbui mɛ, kɛlɛ alɛ yɛkɔ nɛ Anɔɛbui mɛ, kinu tɛkpɛkpɛ nɛabha, kɛlɛ alɛ kpɛ anɔ nɛabha.
Ɖɔ Anɔ, Alasɛ Kiwi Nɛ Tsuuba
8Nɔ tɛ kɔ anɔnyanɔ kɛbhɛ za wɔnɔ shu, ɔyɛkɔdɛ ɔhayɛ ɖuɖɔɛ bhɛ, alasɛ anɔɔ nɛ gɛ aɖɔ yɛɔhayɛ nɛɛ abhɛtɛ ɔshã nɛabha. 9Ɛshã nɛ sɛ, “Tɛ dɛ ɔmam,” “Ti yi anɔ,” “Ti zuru,” “Tɛ nya nɛ ɔhayɛ shu,” klɛ ɛshã kanyaka gɛ ɔzɔ bɔ za, ba yɛkɔ ɛlɛ akpɛ torikpo aɖɔ asɛ: “Ɖɔ wɔhayɛ anasɛ wɔnahwɛ shu.” 10Tɛɖuɖɔ tɛ zi kɛdɔ nɛ ɔhayɛ shu. Klɛso nɛɛ, tɛɖuɖɔ nɛ nu ɔshã nɛa bha bhɛbhɛtɛ.
11Klɛ bhɛtɛ kɛɛnɛ sɛ no nu kibee nɛ mɛ so. Ɔɖɔ nɛ mɛ ɔna sɛ tɛ nɔ nyɛmɛ denɔ wɔnɔ tra nɛ mɛ, alasɛ bulɔ tɛyɛyɛkɛkɔ nɛ tsobunɔ lɔ ɔtsɔ̃ nɛ dɛ kana gɛ bu yɛkɛŋa putɔnɔ. 12Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ. 13Kɔ lɔ za nɛ ɛkpã gɛ ɛlɛshu danɛ, ansɛ kemuze mɛ lɔ lɛ, anɛ nɛ kɛdɔŋa gbɛgbla anɛ bulu bubuku mɛ, anɛ azhuzhɔlɛbui anɛ ishuabha bubugɔ mɛ, anɛ nɛ ebui wũwlãnkɛ anɛ kawɔ̃kpɛ mɛ. 14Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.
Селектирано:
Romanɛ 13: tcd
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© Ghana Institute of Linguistics, Literacy and Bible Translation
Romanɛ 13
13
Kɛtɔkpuesi Kpɛkpɛ Kɔ Bagɛaŋɛabha
1Anɔnyanɔ akpɛ kɛtɔkpuesi kɔ bagɛaŋɛabha pɛ ba gbanɔ anɔ, alasɛ kabhaŋɛŋa kanyaka ma gɛ odinu sɛ Kpaya yɛ edzua lɛ. Bukusi ɛŋakɔ nɛ petee gɛ lɛ Kpaya yɛ edzu ɛlɛ. 2Nɛ kɛlɛm nɛɛ, anɔɔ nɛ gɛ alɔ kititi nɛ kabhaŋɛŋɛa lɛ nɛ shu enu anɔ gɛ alɔ kititi nɛ kɛdɔnɔ nɛ gɛ Kpaya edzu nɛ shu, klɛ banɔ nɛ gɛ ba bhɛtɛ ana nɛɛ ba ba mɛna kebhuikukulu kɔ balɛ nahwɛ shua. 3Alasɛ bagɛ ba ŋa kabha ne di vunɔ kanya kanyaka kɔ bagɛ abhɛtɛ kɛdzyɔgo, pɔ kɔ bagɛ babhɛtɛ kizizi. Ɔpɛ sɛ tɛ kifu taa za wɔm nɛ aanɔ nɛ gɛ aŋɛabha? Kɛlɛ alɛ bhɛtɛ kɛgɛ bɔ klɛ aba kpɛ wɔ nɛa bha. 4Alasɛ yɛ enu Kpaya axwɛdɛ gɛ aba bhɛtɛ wɔ mɔmɔ. Pɔ onu gɛ ɔbhɛtɛ kizizi, sii fu, alasɛ edi vunɔ kɛpamɛ nɛ tite ko. Yɛ enu Kpaya axwɛdɛ, gɛ evunɔ Kpaya obulo sɛ tɛ amɛna butɔtɛtɛta kɔ agɛ abhɛtɛ kizizi. 5Klɛso, ki bisi sɛ tɛ ozhinɔ ishuesi kɔ bagɛ ba ŋɛabha, anɛ sɛ butɔtɛtɛta tite so pɔ alasɛ kana gɛ wɔ idzyi nɛm alɛ nɛ tsyɛ so. 6Klɛso tsyɛ pɛ nɔ buya kadzyɔ, alasɛ bagɛ ba ŋɛabha balɛ nu Kpaya baxwɛdɛ, gɛ ba yɛkɔ balɛ kibe nɛ petee akpɛ anɔ gbɛgbanɔ mɛ. 7Buya anɔnyanɔɛ bhɛ gɛ lɛ wɔshu nɛ ɔkɔ yɛ: Onu gɛ kadzyɔ alɛ wɔshu, buya kadzyɔ; onu gɛ kinu ɔdzyɔ kɛlɛ alɛ ɔdzyɔ; kinu tɛyɛyɔkɔ nɛ anɔɛbui mɛ, kɛlɛ alɛ yɛkɔ nɛ Anɔɛbui mɛ, kinu tɛkpɛkpɛ nɛabha, kɛlɛ alɛ kpɛ anɔ nɛabha.
Ɖɔ Anɔ, Alasɛ Kiwi Nɛ Tsuuba
8Nɔ tɛ kɔ anɔnyanɔ kɛbhɛ za wɔnɔ shu, ɔyɛkɔdɛ ɔhayɛ ɖuɖɔɛ bhɛ, alasɛ anɔɔ nɛ gɛ aɖɔ yɛɔhayɛ nɛɛ abhɛtɛ ɔshã nɛabha. 9Ɛshã nɛ sɛ, “Tɛ dɛ ɔmam,” “Ti yi anɔ,” “Ti zuru,” “Tɛ nya nɛ ɔhayɛ shu,” klɛ ɛshã kanyaka gɛ ɔzɔ bɔ za, ba yɛkɔ ɛlɛ akpɛ torikpo aɖɔ asɛ: “Ɖɔ wɔhayɛ anasɛ wɔnahwɛ shu.” 10Tɛɖuɖɔ tɛ zi kɛdɔ nɛ ɔhayɛ shu. Klɛso nɛɛ, tɛɖuɖɔ nɛ nu ɔshã nɛa bha bhɛbhɛtɛ.
11Klɛ bhɛtɛ kɛɛnɛ sɛ no nu kibee nɛ mɛ so. Ɔɖɔ nɛ mɛ ɔna sɛ tɛ nɔ nyɛmɛ denɔ wɔnɔ tra nɛ mɛ, alasɛ bulɔ tɛyɛyɛkɛkɔ nɛ tsobunɔ lɔ ɔtsɔ̃ nɛ dɛ kana gɛ bu yɛkɛŋa putɔnɔ. 12Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ. 13Kɔ lɔ za nɛ ɛkpã gɛ ɛlɛshu danɛ, ansɛ kemuze mɛ lɔ lɛ, anɛ nɛ kɛdɔŋa gbɛgbla anɛ bulu bubuku mɛ, anɛ azhuzhɔlɛbui anɛ ishuabha bubugɔ mɛ, anɛ nɛ ebui wũwlãnkɛ anɛ kawɔ̃kpɛ mɛ. 14Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.
Селектирано:
:
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© Ghana Institute of Linguistics, Literacy and Bible Translation