Kut 40
40
1Ku haahingwireho omwanya, omugabuzi w'omugabe wa Misiri ow'ebyokunywa, n'omuteeki we baashobya ahari mukama waabo omugabe wa Misiri. 2Faraaho yaagwerwa kubi abo bakungu be bombi, omugabuzi omukuru w'ebyokunywa, n'omuteeki we omukuru; 3yaabata omu kihome eky'omu nju y'omukuru w'abarinzi eki Yosefu yaabaire akomeirwemu. 4Omukuru w'abarinzi yaabakwatsa Yosefu kuguma naabaheereza, batyo baamara ebiro bari omu kihome.
5Ekiro kimwe omugabuzi w'ebyokunywa n'omuteeki ab'omugabe wa Misiri bombi bakaroota buri omwe ekirooto kye, kandi buri kirooto kiine amakuru gaakyo. 6Yosefu ku yaizire ahi bari omu kasheeshe, yaareeba baine obujune. 7Nawe nikwo kubuuza abo bakungu ba Faraaho, abaabaire bari hamwe nawe omu kihome ky'omu nju ya mukama we, ati: Ahabw'enki eri izooba mucuncubaire ahamaisho? 8Baamugarukamu bati: Turootsire ebirooto, kwonka tihariho w'okubirootorora. Yosefu nawe abagira ati: okurootorora ebirooto shi t'okwa Ruhanga? Naabeeshengyereza nimubingambire.
9Omugabuzi mukuru ow'ebyokunywa, atyo agambira Yosefu ekirooto ekye, ati: Omu kuroota kwangye ndeebire omuzaabibu, 10kandi ogwo muzaabibu guriho amataagi ashatu. Ku guginire guti, gwarabya, ebijuma by'omugimba byahiisa. 11Obwo ekikopo kya Faraaho kindi omu ngaro, ntyo ncwa ebyo bijuma, mbikamuurira omu kikopo kya Faraaho, haza nkimukwatsa. 12Yosefu amugira ati: Aga nigo makuru gaakyo: amataagi ashatu nibyo biro bishatu. 13Omu biro bishatu, Faraaho naija kukwiha omu kihome akugarure aha bukuru bwawe, obonetsye Faraaho ekikopo kye nka ira obu waabaire okiri omugabuzi we w'ebyokunywa. 14Mbwenu ku biraabe byakugyendeire gye, onyijukye, onkorere eky'embabazi naakweshengyereza, ongambire Faraaho, onyihise omuri eki kiju. 15Manya omu mazima nkaibwa omu nsi y'Abaheburaayo, kandi kunu tinkakoraga ekyakubareeteire kunteisa omu kihome.
16Omuteeki omukuru ku yaareebire okwo kurootorora kwaba okw'akaso karungi, nawe yaagira Yosefu ati: Naanye ndootsire nyekoreire ebiibo bishatu by'emigaati. 17Haza aha kiibo ky'aha mutwe gw'ebindi habaire hariho ebyokurya by'emiringo yoona ebiteekyeirwe Faraaho, kwonka enyonyi zibaire nizibirya nizibiiha aha kiibo ki nyekoreire. 18Yosefu agarukamu ati: Aga nigo makuru gaakyo. Ebiibo ebyo ebishatu nibyo biro bishatu. 19Omuri ebyo biro bishatu, Faraaho naija kukwiha omu kikome, akutemeho omutwe, akuhanikye aha kiti, amahungu gakushokoore. 20Mbwenu ekiro kya kashatu kikaba kiri eky'okwijuka okuzaarwa kwa Faraaho. Faraaho yaateekyera abaheereza be boona obugyenyi, kandi yaiha omu kihome omugabuzi we omukuru ow'ebyokunywa n'omuteeki we omukuru ab'omu baheereza be. 21Reero omugabuzi we omukuru ow'ebyokunywa yaamugarura omu bugabuzi bwe, yaabonetsya Faraaho ekikopo. 22Kwonka omuteeki omukuru yaamuhanika nk'oku Yosefu yaabarootororeire. 23Beitu omugabuzi omukuru ow'ebyokunywa, tiyaijuka Yosefu, yaamwebwa.
Ebirooto bya Faraaho
Селектирано:
Kut 40: RKK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kut 40
40
1Ku haahingwireho omwanya, omugabuzi w'omugabe wa Misiri ow'ebyokunywa, n'omuteeki we baashobya ahari mukama waabo omugabe wa Misiri. 2Faraaho yaagwerwa kubi abo bakungu be bombi, omugabuzi omukuru w'ebyokunywa, n'omuteeki we omukuru; 3yaabata omu kihome eky'omu nju y'omukuru w'abarinzi eki Yosefu yaabaire akomeirwemu. 4Omukuru w'abarinzi yaabakwatsa Yosefu kuguma naabaheereza, batyo baamara ebiro bari omu kihome.
5Ekiro kimwe omugabuzi w'ebyokunywa n'omuteeki ab'omugabe wa Misiri bombi bakaroota buri omwe ekirooto kye, kandi buri kirooto kiine amakuru gaakyo. 6Yosefu ku yaizire ahi bari omu kasheeshe, yaareeba baine obujune. 7Nawe nikwo kubuuza abo bakungu ba Faraaho, abaabaire bari hamwe nawe omu kihome ky'omu nju ya mukama we, ati: Ahabw'enki eri izooba mucuncubaire ahamaisho? 8Baamugarukamu bati: Turootsire ebirooto, kwonka tihariho w'okubirootorora. Yosefu nawe abagira ati: okurootorora ebirooto shi t'okwa Ruhanga? Naabeeshengyereza nimubingambire.
9Omugabuzi mukuru ow'ebyokunywa, atyo agambira Yosefu ekirooto ekye, ati: Omu kuroota kwangye ndeebire omuzaabibu, 10kandi ogwo muzaabibu guriho amataagi ashatu. Ku guginire guti, gwarabya, ebijuma by'omugimba byahiisa. 11Obwo ekikopo kya Faraaho kindi omu ngaro, ntyo ncwa ebyo bijuma, mbikamuurira omu kikopo kya Faraaho, haza nkimukwatsa. 12Yosefu amugira ati: Aga nigo makuru gaakyo: amataagi ashatu nibyo biro bishatu. 13Omu biro bishatu, Faraaho naija kukwiha omu kihome akugarure aha bukuru bwawe, obonetsye Faraaho ekikopo kye nka ira obu waabaire okiri omugabuzi we w'ebyokunywa. 14Mbwenu ku biraabe byakugyendeire gye, onyijukye, onkorere eky'embabazi naakweshengyereza, ongambire Faraaho, onyihise omuri eki kiju. 15Manya omu mazima nkaibwa omu nsi y'Abaheburaayo, kandi kunu tinkakoraga ekyakubareeteire kunteisa omu kihome.
16Omuteeki omukuru ku yaareebire okwo kurootorora kwaba okw'akaso karungi, nawe yaagira Yosefu ati: Naanye ndootsire nyekoreire ebiibo bishatu by'emigaati. 17Haza aha kiibo ky'aha mutwe gw'ebindi habaire hariho ebyokurya by'emiringo yoona ebiteekyeirwe Faraaho, kwonka enyonyi zibaire nizibirya nizibiiha aha kiibo ki nyekoreire. 18Yosefu agarukamu ati: Aga nigo makuru gaakyo. Ebiibo ebyo ebishatu nibyo biro bishatu. 19Omuri ebyo biro bishatu, Faraaho naija kukwiha omu kikome, akutemeho omutwe, akuhanikye aha kiti, amahungu gakushokoore. 20Mbwenu ekiro kya kashatu kikaba kiri eky'okwijuka okuzaarwa kwa Faraaho. Faraaho yaateekyera abaheereza be boona obugyenyi, kandi yaiha omu kihome omugabuzi we omukuru ow'ebyokunywa n'omuteeki we omukuru ab'omu baheereza be. 21Reero omugabuzi we omukuru ow'ebyokunywa yaamugarura omu bugabuzi bwe, yaabonetsya Faraaho ekikopo. 22Kwonka omuteeki omukuru yaamuhanika nk'oku Yosefu yaabarootororeire. 23Beitu omugabuzi omukuru ow'ebyokunywa, tiyaijuka Yosefu, yaamwebwa.
Ebirooto bya Faraaho
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.