Kur 12
12
1Nyakubaho akagambira Musa na Arooni omu nsi ya Misiri ati: 2Okwezi oku nikwija kubabeera okw'okubanza omu gandi meezi. Kuryaguma kubabeere okw'okubanza omu mwaka. 3Mbwenu gambira omutwe gwona ogw'Abaisiraeli oti: Aha kiro kya ikumi eky'omu kwezi, buri muntu ayereetere omwana gw'entaama nk'oku emiryango ya baishebo eri; buri ka omwana gw'entaama gumwe. 4Ab'omuri egyo ka ku baraabe bari bakye, batarikuhezaho omwana gw'entaama, buri muntu agukwatane na mutaahi we ohereraine nawe, nk'omubaro gw'abantu oku guri, nimubariirira omwana gw'entaama nk'okurya kwa buri muntu oku kuri. 5Ogwo mwana gwanyu gw'entaama gube ogutaine kamogo, guri empaya y'omwaka gumwe; nimugwiha omu ntaama nari omu mbuzi. 6Kandi mugurinde okuhitsya aha kiro kya ikumi na bina eky'oku kwezi, eki oruteerane rwona orw'omutwe gw'Abaisiraeli ruraitireho omu mwabazyo abaana baarwo b'entaama. 7Bwanyima baiheho eshagama bagisiigye aha nti z'emiryango zombi n'aha bisasi by'amaju agu baraariiremu. 8Ekyo kiro barye enyama yaagwo eyokize, nibagiriisa emigaati etatumbisiibwe n'emboga zirikushaarira. 9Mutagirya eri mbisi, nari eteekirwe n'amaizi, kureka eyokize embumburi n'omutwe gwayo n'ebivune byayo n'eby'omunda byayo.
10Kandi mutagira ei mwatsigaho okuhitsya omu kasheeshe. Eraatsigareho okuhitsya omu kasheeshe mugihehemberere. 11Oku nikwo muraagirye: Mube mwezirikire, enkaito ziri omu bigyere, enkoni zaanyu ziri omu ngaro, kandi mugirye n'obwira. Obwo nibwo bugyenyi bw'Okuhingurwaho Mukama. 12Manya ekyo kiro niinyija kuraba omu nsi ya Misiri, nyite emijigaijo yaamwo yoona ey'abantu n'ey'amatungo, kandi nfubire emandwa za Misiri zoona, Nyowe Nyakubaho. 13Egyo shagama niyo eraabe akamanyiso k'okworeka amaju gu murimu. Kandi ku ndaagireebe, niinyija kubahingura, habure orufu rwabahikaho ku ndaabe nincwekyereza ensi ya Misiri. 14Eryo izooba muryaguma muriijukye, murikorereho omugyenzo gw'obugyenyi bw'okuhimbisizaho Nyakubaho. Muryaguma muririnde riri ekiragiro ky'ebiro byona omu busingye bwanyu bwona.
Eby'obugyenyi bw'emigaati etatumbisiibwe.
15Muryamara ebiro mushanju nimurya emigaati etatumbisiibwe. Aha kiro ky'okubanza muryaiha ekitumbisa omu maju gaanyu. Manya okwiha aha kiro ky'okubanza okuhitsya aha kya mushanju, ku harigira owaarya omugaati gutumbisiibwe, ogwo muntu aryacuubwa omuri Isiraeli. 16Aha kiro ky'okubanza muryagira oruteerane rurikwera, n'aha kiro kya mushanju nabwo murugire. Omuri ebyo biro hatarigira omurimo gwakorwa, kureka ebi buri muntu ashemereire kurya nibyo murishemeza byonka.
17Kandi muryaguma murinde Obugyenyi bw'emigaati etatumbisiibwe, ahabw'okuba ahari eryo izooba nibwo naiha ebimbuuro byanyu omu nsi ya Misiri. N'ahabw'ekyo muryaguma mukore omugyenzo gw'ekyo kiro guri ekiragiro ky'ebiro byona omu busingye bwanyu bwona, 18Omu kwezi kw'okubanza aha kiro kya ikumi na bina eky'okwo kwezi omu mwabazyo, muryarya emigaati etatumbisiibwe, kandi mugumizemu mutyo okuhitsya aha kiro kya makumi abiri na kimwe eky'okwo kwezi omu mwabazyo. 19Hatarigira ekitumbisa kyashangwa omu maju gaanyu omuri ebyo biro mushanju; ahabw'okuba ku harigira owaarya ekitumbisiibwe aryacuubwa omu ihanga ry'Abaisiraeli, yaaba ari omunyaihanga obashuuhuukiiremu, nari omuzaarwa waamwo. 20Mutarirya ekitumbisiibwe kyona; kureka omu maka gaanyu goona murye emigaati etatumbisiibwe.
Musa okuragiira Abaisiraeli eby'Okuhingurwaho
21Bwanyima Musa akeeta abakuru b'omu Baisiraeli boona, yaabagira ati: Mwetooranire abaana b'entaama nk'oku emiryango yaanyu eri; haza mwite omwana gw'entaama ogw'Okuhingurwaho. 22Mukwate omushamato gw'enyaweera, mugujabikye omu shagama eri omu rwabya, egyo shagama mugisiigye aha bisasi n'aha nti z'emiryango; kandi hatagira omuriimwe owaashohora kuruga omu nju ye butakaseesire. 23Manya Mukama naija kurabaho kwita Abanyamisiri. Ku araareebe eshagama aha kisasi n'aha nti z'emiryango naija kuhingura ogwo muryango, tarikwija kwikiriza omucwekyerezi kutaaha omu maju gaanyu kubaita. 24Muryaguma murinde ogwo mugyenzo, gube ekiragiro ekibateereirweho imwe n'abaana baanyu ebiro byona. 25Kandi ku murihika omu nsi ei Nyakubaho aribaha nk'oku yaaraganiise, muryaguma mukore ogwo mugyenzo. 26Haza abaana baanyu ku baribabuuza bati: Ogu mugyenzo gu murikukora nigumanyisa ki? 27Mubagire muti: N'ekitambo ky'okwijuka Okuhingura kwa Nyakubaho, ahabw'okuba akahingura amaju g'Abaisiraeli omuri Misiri obu yaita Abanyamisiri akasaasira amaju gaitu; abantu bakainika emitwe yaabo bakaramya.
28Mpaho Abaisiraeli bagyenda bakora batyo, kandi batwaza nk'oku Mukama yaaragiire Musa na Arooni.
Ekibonaboneso kya ikumi: okwita emijigaijo
29Omu itumbi Nyakubaho akaita emijigaijo yoona ey'omu nsi ya Misiri okwiha aha mujigaijo gwa Faraaho, owaabaire ari aha ngoma, okuta aha mujigaijo gw'enkwatwa eyaabaire eri omu kihome, kandi n'emijigaijo yoona ey'amatungo. 30Reero Faraaho yaimuka omuri ekyo kiro, we n'abaaheereza be boona n'Abanyamisiri boona. Haabaho okucura kuhango omuri Misiri ahabw'okuba tiharabaireho nju n'emwe etarafiirwemu muntu. 31Atyo atuma, beeta Musa na Arooni nyekiro. Ku baija abagira ati: Nimwimukye, mundugire omu bantu, imwe n'Abaisiraeli mugyende muhereeze Nyakubaho nk'oku mwagambire. 32Mutware amasyo gaanyu g'ente n'ag'entaama, nk'oku mwagambire, haza mugyende kandi naanye munshabire emigisha. 33Abanyamisiri barigitirira abo bantu kubarugira omu nsi ahonaaho, ahabw'okuba bakagira bati: Twena nitwija kufa tuhweho. 34Abo bantu nikwo kutwara eisyanga ryabo eritakatumbisiibwe, bakatwara n'enyungu zaabo ezigoya bazishembire omu minagiro yaabo, bakazeekorera aha mabega. 35Kandi abo Baisiraeli bakaba baakozire nk'oku Musa yaabagambiire; ahabw'okuba bakaba baashabire Abanyamisiri amahunde g'efeeza n'ag'ezaabu n'ebijwaro. 36Na Nyakubaho yaareetera abo bantu kugirirwa Abanyamisiri embabazi, baikiriza kubaha ebi baabashabire. Baanyaga batyo Abanyamisiri.
Abaisiraeli okwimutsya orugyendo
37Mpaho Abaisiraeli abashaija obusiriira nka mukaaga, otabariiremu bakazi n'abaana, baimutsya orugyendo baaruga Rameseesi, baahika Sukooti. 38N'ebindi bimbuuro by'ebijwangi byagyenda nabo, n'amatungo maingi munonga ag'ente n'ag'entaama. 39Kandi baateeka emigaati etatumbisiibwe ey'eisyanga ri baihire Misiri. Manya rikaba ritatumbisiibwe ahabw'okuba bakabingwa omuri Misiri buguru butakora ha nsi, tibaabaasa kwetwara, nobu kwakuba okwekomera entanda.
40Obunaku bu Abaisiraeli baatwire omuri Misiri bukahika emyaka magana ana na makumi ashatu. 41Reero aha muheru gw'egyo myaka magana ana na makumi ashatu, buzimazima ekyo kiro, ebimbuuro bya Nyakubaho byona byaruga omu nsi ya Misiri. 42Ekyo kiro Nyakubaho akaraaza enyonyoozi aha riisho, arinzire abantu be kubaiha omu nsi ya Misiri. N'ahabw'ekyo ekyo kiro, Abaisiraeli boona, omu busingye bwabo bwona, nikyo baijukiraho oku Nyakubaho yaaraarize enyonyoozi aha riisho arinzire.
Ebiragiro by'Okuhingurwaho
43Bwanyima Nyakubaho akagambira Musa na Arooni ati: Eki nikyo kiragiro ky'Okuhingurwaho. Hatarigira munyamahanga owaarya aha by'obugyenyi bwakyo. 44Kwonka omuhuuku weena owaaguzirwe empiiha, naikirizibwa kuburyaho mwaherize kumushara. 45Hatarigira omushuuhuuki nari omuntu orikukorera ebihembo owaikirizibwa kuburyaho. 46Buryaguma buriirwe omu nju emwe. Mutarishohoza enyama yaabwo aheeru y'egyo nju. Kandi mutarihenda eigufa ry'embaagwa yaabwo. 47Eihanga ry'Abaisiraeli ryona riryakora omugyenzo gwabwo. 48Reero omunyaihanga obashuuhuukiiremu ku aryenda kukora omugyenzo gw'Okuhingurwaho ngu abone kuha Nyakubaho ekitiinwa, abantu be boona abashaija basharwe, mpaho abone kubutaaha. Obwo nibwo aritwazibwa nk'enzaarwa y'omu Baisiraeli. Kwonka otashazirwe weena tariikirizibwa kuburyaho. 49Enzaarwa n'omunyamahanga obashuuhuukiiremu baryategyekwa eiteeka rimwe. 50Abaisiraeli boona nikwo baakozire, baatwaza nk'oku Nyakubaho yaaragiire Musa na Arooni. 51Kandi buzimazima ekyo kiro, Nyakubaho yaiha Abaisiraeli omu nsi ya Misiri bari amahe n'amahe.
Abaisiraeli okuhonga emijigaijo
Селектирано:
Kur 12: RKK2008
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 12
12
1Nyakubaho akagambira Musa na Arooni omu nsi ya Misiri ati: 2Okwezi oku nikwija kubabeera okw'okubanza omu gandi meezi. Kuryaguma kubabeere okw'okubanza omu mwaka. 3Mbwenu gambira omutwe gwona ogw'Abaisiraeli oti: Aha kiro kya ikumi eky'omu kwezi, buri muntu ayereetere omwana gw'entaama nk'oku emiryango ya baishebo eri; buri ka omwana gw'entaama gumwe. 4Ab'omuri egyo ka ku baraabe bari bakye, batarikuhezaho omwana gw'entaama, buri muntu agukwatane na mutaahi we ohereraine nawe, nk'omubaro gw'abantu oku guri, nimubariirira omwana gw'entaama nk'okurya kwa buri muntu oku kuri. 5Ogwo mwana gwanyu gw'entaama gube ogutaine kamogo, guri empaya y'omwaka gumwe; nimugwiha omu ntaama nari omu mbuzi. 6Kandi mugurinde okuhitsya aha kiro kya ikumi na bina eky'oku kwezi, eki oruteerane rwona orw'omutwe gw'Abaisiraeli ruraitireho omu mwabazyo abaana baarwo b'entaama. 7Bwanyima baiheho eshagama bagisiigye aha nti z'emiryango zombi n'aha bisasi by'amaju agu baraariiremu. 8Ekyo kiro barye enyama yaagwo eyokize, nibagiriisa emigaati etatumbisiibwe n'emboga zirikushaarira. 9Mutagirya eri mbisi, nari eteekirwe n'amaizi, kureka eyokize embumburi n'omutwe gwayo n'ebivune byayo n'eby'omunda byayo.
10Kandi mutagira ei mwatsigaho okuhitsya omu kasheeshe. Eraatsigareho okuhitsya omu kasheeshe mugihehemberere. 11Oku nikwo muraagirye: Mube mwezirikire, enkaito ziri omu bigyere, enkoni zaanyu ziri omu ngaro, kandi mugirye n'obwira. Obwo nibwo bugyenyi bw'Okuhingurwaho Mukama. 12Manya ekyo kiro niinyija kuraba omu nsi ya Misiri, nyite emijigaijo yaamwo yoona ey'abantu n'ey'amatungo, kandi nfubire emandwa za Misiri zoona, Nyowe Nyakubaho. 13Egyo shagama niyo eraabe akamanyiso k'okworeka amaju gu murimu. Kandi ku ndaagireebe, niinyija kubahingura, habure orufu rwabahikaho ku ndaabe nincwekyereza ensi ya Misiri. 14Eryo izooba muryaguma muriijukye, murikorereho omugyenzo gw'obugyenyi bw'okuhimbisizaho Nyakubaho. Muryaguma muririnde riri ekiragiro ky'ebiro byona omu busingye bwanyu bwona.
Eby'obugyenyi bw'emigaati etatumbisiibwe.
15Muryamara ebiro mushanju nimurya emigaati etatumbisiibwe. Aha kiro ky'okubanza muryaiha ekitumbisa omu maju gaanyu. Manya okwiha aha kiro ky'okubanza okuhitsya aha kya mushanju, ku harigira owaarya omugaati gutumbisiibwe, ogwo muntu aryacuubwa omuri Isiraeli. 16Aha kiro ky'okubanza muryagira oruteerane rurikwera, n'aha kiro kya mushanju nabwo murugire. Omuri ebyo biro hatarigira omurimo gwakorwa, kureka ebi buri muntu ashemereire kurya nibyo murishemeza byonka.
17Kandi muryaguma murinde Obugyenyi bw'emigaati etatumbisiibwe, ahabw'okuba ahari eryo izooba nibwo naiha ebimbuuro byanyu omu nsi ya Misiri. N'ahabw'ekyo muryaguma mukore omugyenzo gw'ekyo kiro guri ekiragiro ky'ebiro byona omu busingye bwanyu bwona, 18Omu kwezi kw'okubanza aha kiro kya ikumi na bina eky'okwo kwezi omu mwabazyo, muryarya emigaati etatumbisiibwe, kandi mugumizemu mutyo okuhitsya aha kiro kya makumi abiri na kimwe eky'okwo kwezi omu mwabazyo. 19Hatarigira ekitumbisa kyashangwa omu maju gaanyu omuri ebyo biro mushanju; ahabw'okuba ku harigira owaarya ekitumbisiibwe aryacuubwa omu ihanga ry'Abaisiraeli, yaaba ari omunyaihanga obashuuhuukiiremu, nari omuzaarwa waamwo. 20Mutarirya ekitumbisiibwe kyona; kureka omu maka gaanyu goona murye emigaati etatumbisiibwe.
Musa okuragiira Abaisiraeli eby'Okuhingurwaho
21Bwanyima Musa akeeta abakuru b'omu Baisiraeli boona, yaabagira ati: Mwetooranire abaana b'entaama nk'oku emiryango yaanyu eri; haza mwite omwana gw'entaama ogw'Okuhingurwaho. 22Mukwate omushamato gw'enyaweera, mugujabikye omu shagama eri omu rwabya, egyo shagama mugisiigye aha bisasi n'aha nti z'emiryango; kandi hatagira omuriimwe owaashohora kuruga omu nju ye butakaseesire. 23Manya Mukama naija kurabaho kwita Abanyamisiri. Ku araareebe eshagama aha kisasi n'aha nti z'emiryango naija kuhingura ogwo muryango, tarikwija kwikiriza omucwekyerezi kutaaha omu maju gaanyu kubaita. 24Muryaguma murinde ogwo mugyenzo, gube ekiragiro ekibateereirweho imwe n'abaana baanyu ebiro byona. 25Kandi ku murihika omu nsi ei Nyakubaho aribaha nk'oku yaaraganiise, muryaguma mukore ogwo mugyenzo. 26Haza abaana baanyu ku baribabuuza bati: Ogu mugyenzo gu murikukora nigumanyisa ki? 27Mubagire muti: N'ekitambo ky'okwijuka Okuhingura kwa Nyakubaho, ahabw'okuba akahingura amaju g'Abaisiraeli omuri Misiri obu yaita Abanyamisiri akasaasira amaju gaitu; abantu bakainika emitwe yaabo bakaramya.
28Mpaho Abaisiraeli bagyenda bakora batyo, kandi batwaza nk'oku Mukama yaaragiire Musa na Arooni.
Ekibonaboneso kya ikumi: okwita emijigaijo
29Omu itumbi Nyakubaho akaita emijigaijo yoona ey'omu nsi ya Misiri okwiha aha mujigaijo gwa Faraaho, owaabaire ari aha ngoma, okuta aha mujigaijo gw'enkwatwa eyaabaire eri omu kihome, kandi n'emijigaijo yoona ey'amatungo. 30Reero Faraaho yaimuka omuri ekyo kiro, we n'abaaheereza be boona n'Abanyamisiri boona. Haabaho okucura kuhango omuri Misiri ahabw'okuba tiharabaireho nju n'emwe etarafiirwemu muntu. 31Atyo atuma, beeta Musa na Arooni nyekiro. Ku baija abagira ati: Nimwimukye, mundugire omu bantu, imwe n'Abaisiraeli mugyende muhereeze Nyakubaho nk'oku mwagambire. 32Mutware amasyo gaanyu g'ente n'ag'entaama, nk'oku mwagambire, haza mugyende kandi naanye munshabire emigisha. 33Abanyamisiri barigitirira abo bantu kubarugira omu nsi ahonaaho, ahabw'okuba bakagira bati: Twena nitwija kufa tuhweho. 34Abo bantu nikwo kutwara eisyanga ryabo eritakatumbisiibwe, bakatwara n'enyungu zaabo ezigoya bazishembire omu minagiro yaabo, bakazeekorera aha mabega. 35Kandi abo Baisiraeli bakaba baakozire nk'oku Musa yaabagambiire; ahabw'okuba bakaba baashabire Abanyamisiri amahunde g'efeeza n'ag'ezaabu n'ebijwaro. 36Na Nyakubaho yaareetera abo bantu kugirirwa Abanyamisiri embabazi, baikiriza kubaha ebi baabashabire. Baanyaga batyo Abanyamisiri.
Abaisiraeli okwimutsya orugyendo
37Mpaho Abaisiraeli abashaija obusiriira nka mukaaga, otabariiremu bakazi n'abaana, baimutsya orugyendo baaruga Rameseesi, baahika Sukooti. 38N'ebindi bimbuuro by'ebijwangi byagyenda nabo, n'amatungo maingi munonga ag'ente n'ag'entaama. 39Kandi baateeka emigaati etatumbisiibwe ey'eisyanga ri baihire Misiri. Manya rikaba ritatumbisiibwe ahabw'okuba bakabingwa omuri Misiri buguru butakora ha nsi, tibaabaasa kwetwara, nobu kwakuba okwekomera entanda.
40Obunaku bu Abaisiraeli baatwire omuri Misiri bukahika emyaka magana ana na makumi ashatu. 41Reero aha muheru gw'egyo myaka magana ana na makumi ashatu, buzimazima ekyo kiro, ebimbuuro bya Nyakubaho byona byaruga omu nsi ya Misiri. 42Ekyo kiro Nyakubaho akaraaza enyonyoozi aha riisho, arinzire abantu be kubaiha omu nsi ya Misiri. N'ahabw'ekyo ekyo kiro, Abaisiraeli boona, omu busingye bwabo bwona, nikyo baijukiraho oku Nyakubaho yaaraarize enyonyoozi aha riisho arinzire.
Ebiragiro by'Okuhingurwaho
43Bwanyima Nyakubaho akagambira Musa na Arooni ati: Eki nikyo kiragiro ky'Okuhingurwaho. Hatarigira munyamahanga owaarya aha by'obugyenyi bwakyo. 44Kwonka omuhuuku weena owaaguzirwe empiiha, naikirizibwa kuburyaho mwaherize kumushara. 45Hatarigira omushuuhuuki nari omuntu orikukorera ebihembo owaikirizibwa kuburyaho. 46Buryaguma buriirwe omu nju emwe. Mutarishohoza enyama yaabwo aheeru y'egyo nju. Kandi mutarihenda eigufa ry'embaagwa yaabwo. 47Eihanga ry'Abaisiraeli ryona riryakora omugyenzo gwabwo. 48Reero omunyaihanga obashuuhuukiiremu ku aryenda kukora omugyenzo gw'Okuhingurwaho ngu abone kuha Nyakubaho ekitiinwa, abantu be boona abashaija basharwe, mpaho abone kubutaaha. Obwo nibwo aritwazibwa nk'enzaarwa y'omu Baisiraeli. Kwonka otashazirwe weena tariikirizibwa kuburyaho. 49Enzaarwa n'omunyamahanga obashuuhuukiiremu baryategyekwa eiteeka rimwe. 50Abaisiraeli boona nikwo baakozire, baatwaza nk'oku Nyakubaho yaaragiire Musa na Arooni. 51Kandi buzimazima ekyo kiro, Nyakubaho yaiha Abaisiraeli omu nsi ya Misiri bari amahe n'amahe.
Abaisiraeli okuhonga emijigaijo
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
The Bible with Apocrypha in Runyankore-Rukiga, new revised joint translation © The Bible Society of Uganda, 2008.