Ɛ́séɖɔ̀ 17
17
Ní sɔ̀ sɔ́ɔ́ múɛ
(Nɔ̀ɓà 20:1-13)
1Ti ɓɛ́ Éézùɖùɛ̀-nyɔ̀ séín ɓěɔ̀ sɔ̀ìn ma ɓó Sĩ́ìn Gbǎùn-fúɖúáɔ̀ kɔ̃ daíɛɛ, wa nyu ma sɔ̀ pá ɖò mú mu pá ɖò mú kà Bounɓoɔ̀ nyuɛ ma wa gbo cɛ̃ɛ kɛ. Ti wa nyini ma ɖé pá ɖò kɔ̃̀ nyɛ́nɛ́ mɔ̀ Wɛ̀ɖɛ̀fíɖììn kɛ múɛɛ, wa nyànàìn ma waà jàɖàìn-gbò ɓěɔ̀ dyi, kɛɛ náá-nì ɖò se ma ɓó páɔ̀ mú nì ɓó nyɔ ɓěɔ̀ bìì. 2Ɔ jèɛɛ, wa ɖú ma Mózè dúi jɛ̀ìn kpàǐ, ké wa ɖá, “Nyí à náá-nì.”
Ké Mózè ɖá, “Ɖɛ́ kɔ̃̀ jè ɓě nìà ḿ dúi jɛ̀ǐn nyɛ́? Ɖɛ́ kɔ̃̀ jè ɓě nìà Bounɓoɔ̀ mú dɔ̃̌uń wɛ̃́?”
3Kɛɛ ní-ná-tò nyu ma nyɔ ɓěɔ̀ mìɔ jèɛɛ, wa nì ma Mózè dúi jɛ̀ǐn kánáá pū, ké wa ɖá, “Ɖɛ́ kɔ̃̀ jè m̀ zà ma à ɖé Íjè-ɓòɖòɔ̀ kɔ̃, ɓɛ́ m̀ ké à kè à dyú ɓě kè à nyúà-ɖɛ̀ ɓě ní-ná-tò dyí ɖáɓáìn nyɛ́?”
4Hwɛ̀ ké Mózè pòìn ma Bounɓoɔ̀ kpéi, ké ɔ ɖá, “Xwɛ̌ ḿ mɛ nyu nyɔ ɓěɛ̀ jè kɛ́? Ɔ sèǎ ɖɛ tííwè ɓɛ́ wa kéá ḿ sɔ́ɔ́-kpò dyi taɓaìn.”
5Ké Bounɓoɔ̀ jǔ ma Mózè gɔ̃̌, ké ɔ ɖá, “Ɖú Éézùɖùɛ̀-dyù ɓěɔ̀ nyɔ vɛ̀nɛ̀ ɖíɛ́ ɓě dyí, ɓɛ́ m̀ ké nì kùì-kpà ɓɛ́ m̀ nàmàìn ma kà ɓó Náà-nìɔ̀ kɔ̃ɛɛ dyí ɖú, ɓɛ́ ɓě ké nyɔ ɓěɔ̀ dyúa zi. 6Ní mu ɖé m̀ dyúa dyi nyànàùn ɓó sɔ́ɔ́-kpò ɖò nì ɖé Hówèɖè-tòɖòɔ̀ gboɛɛ kɔ̃. M̀ mɛ nàmàìn nì kùì-kpàɔ̀ sɔ́ɔ́-kpòɔ̀, nìí, ní mu sɔ́ɔ́-kpòɔ̀ mú sɔ̀ùn, ɓɛ́ nyɔ ɓěɔ̀ ké ní ná.” Ɔ jèɛɛ, Mózè nyu ma ɖɛ nìà kɛ ɓó Éézùɖùɛ̀-nyɔ̀ vɛ̀nɛ̀ ɓěɔ̀ dyéɖé waí. 7Ké Mózè jǔìn ma páɔ̀ Mɛ̀wíɖíɓà-nyɛ̀nɛ̀ kɔ̃̀ xwíníín mɔ̀à jɛ-wùɖù kɛ, sepóɛɖé Éézùɖùɛ̀-nyɔ̀ ɓěɔ̀ jɛ̀ìn ma Mózè dúi jè. Ké ɔ jǔìn ma páɔ̀ nyɛ́nɛ́ ɖò ɖe. Nyɛ́nɛ́ɔ̀ mɔ̀ Másàà kɔ̃̀ xwíníín mɔ̀à mú-dɔ̃̌-dɔ̃̌ kɛ, sepóɛɖé wa dɔ̃̌ ma Bounɓoɔ̀ mú, ké wa ɖá, “Bounɓoɔ̀ nì à hwìɛ̀ɛ̀, mɔɔ ɔ se à hwìɛ̀ nìì?”
To kpá Àmáɖɛ̀-nyɔ̀ ɓěɔ̀ kè Éézùɖùɛ̀-nyɔ̀ ɓěɔ̀ pṹa
8Ti ɓɛ́ Éézùɖùɛ̀-nyɔ̀ ɓěɔ̀ nì ma ɓó Wɛ̀ɖɛ̀fíɖììn-pàɔ̀ múɛɛ, púɛɛ, Àmáɖɛ̀-nyɔ̀ ɓěɔ̀ dyi, ké wa po ma Éézùɖùɛ̀-nyɔ̀ ɓěɔ̀ to kɔ̃. 9Ké Mózè cɛ̃ɛ ma Jasúé gbo, ké ɔ ɖá, “Ɖú Éézùɖùɛ̀-gàà ɓěɔ̀ ɖíɛ́ ɓě dyí, ɓɛ́ ɓě ké mu, ɓɛ́ ɓě ké Àmáɖɛ̀-nyɔ̀ ɓěɔ̀ gbo vɔ̃. Ní mu ɖé toɖoɔ̀ dya dyi nyànàùn ɓó gàɖàà, ɓɛ́ kùì-kpà ɓɛ́ Gèɖèpɔ́ɔ̀ ɖá ḿ mɛ ɓéɖéà xwaa ké ḿ xwa nì.” 10Ɔ jèɛɛ, Jasúé vɔ̃ ma Àmáɖɛ̀-nyɔ̀ ɓěɔ̀ gbo kà Mózè nyuɛ ma kà cɛ̃ɛ kɛ. Ké Mózè kè Eɖóún ɔ kè Húɔ̀ mu ma ɖé toɖoɔ̀ dya. 11Ké Mózè tò ma ɔ sɔ̃ɔ̀ dyií. Ti ɓɛ́ Mózèɛ̀ sɔ̃ɔ̀ nì ma dyiíɛɛ, nìí, Éézùɖùɛ̀-nyɔ̀ ɓěɔ̀ nììn sɔ̃ nì ma ɖé kɔ̃in. Kɛɛ ɔ dyi sɔ̃ ɓíɖíi dyà nyɛ̀nɛ̀ɛ̀ ní, Àmáɖɛ̀-nyɔ̀ ɓěɔ̀ nììn sɔ̃ nì ɖé kɔ̃in. 12Ti ɓɛ́ Mózèɛ̀ sɔ̃ɔ̀ ɖǎ ma mú nyíníɛɛ, Eɖóún kè Húɔ̀ ɖú ma sɔ́ɔ́-kpò ɖò dyí, ké wa dèɛ̀ ma ɔ xwíɖíi, ké ɔ kòɛ̀ ma kɔ̃. Ké Eɖóún kè Húɔ̀ kpɔ̃ ma ɔ sɔ̃ ɓěɔ̀ dyi, ké wa tòɛ̀ dyií. Nyɔ dyúáɖò nì ma wáká ɖò kɔ̃, ké nyɔ dyúáɖò nì ma wáká tɔ̀ɔ̀ kɔ̃. Ké wa kpɔ̃ ma ɔ sɔ̃ ɓěɔ̀ dyií dyi tee, ké ɔ dyɛ̀ìn ma dyóɖó-dyi-kpá-tì. 13Ké Jasúé ɖáɓá ma Àmáɖɛ̀-sòjà ɓěɔ̀ gàsíà dyí. Kǎà ɔ nyu ma wa toún ɖuɛ.
14Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá, “Céè to-ɖu-ɖu nìà kɛ jè ɖé ɖɛ-dyi-dè-cèè-ɖɛ̀ ɖò mú, ɓɛ́ ɔ ké ɖɛ ɖò ké nyɔǔn hwìɖǐi nìɛɛ jǔ. Ké m̀ mɛ cɛ̃ɛ Jasúé gbo kà ní mu Àmáɖɛ̀-nyɔ̀ ɓěɔ̀ jè ɓóɖó-kpàà kɔ̃ dyi sámáùn cá kɛ.” 15Ké Mózè po ma sáa-kɔ̃-zàìn-gbàà ɖò, ké ɔ jǔɛ̀n ma Bounɓoɔ̀ mɔ̀ ní kɔ́ɖɔ̀-nyɛ̀nɛ̀. 16Ké ɔ ɖá, “Ɓě tò Bounɓoɔ̀ kɔ́ɖɔ̀ɔ̀ dyií, sepóɛɖé Bounɓoɔ̀ mu Àmáɖɛ̀-nyɔ̀ ɓěɔ̀ gbo vɔ̃ùn kánáá pū.”#17:16 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè.
Селектирано:
Ɛ́séɖɔ̀ 17: ƁB02
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bassa Bible © Bible Society Liberia, 2002.
Ɛ́séɖɔ̀ 17
17
Ní sɔ̀ sɔ́ɔ́ múɛ
(Nɔ̀ɓà 20:1-13)
1Ti ɓɛ́ Éézùɖùɛ̀-nyɔ̀ séín ɓěɔ̀ sɔ̀ìn ma ɓó Sĩ́ìn Gbǎùn-fúɖúáɔ̀ kɔ̃ daíɛɛ, wa nyu ma sɔ̀ pá ɖò mú mu pá ɖò mú kà Bounɓoɔ̀ nyuɛ ma wa gbo cɛ̃ɛ kɛ. Ti wa nyini ma ɖé pá ɖò kɔ̃̀ nyɛ́nɛ́ mɔ̀ Wɛ̀ɖɛ̀fíɖììn kɛ múɛɛ, wa nyànàìn ma waà jàɖàìn-gbò ɓěɔ̀ dyi, kɛɛ náá-nì ɖò se ma ɓó páɔ̀ mú nì ɓó nyɔ ɓěɔ̀ bìì. 2Ɔ jèɛɛ, wa ɖú ma Mózè dúi jɛ̀ìn kpàǐ, ké wa ɖá, “Nyí à náá-nì.”
Ké Mózè ɖá, “Ɖɛ́ kɔ̃̀ jè ɓě nìà ḿ dúi jɛ̀ǐn nyɛ́? Ɖɛ́ kɔ̃̀ jè ɓě nìà Bounɓoɔ̀ mú dɔ̃̌uń wɛ̃́?”
3Kɛɛ ní-ná-tò nyu ma nyɔ ɓěɔ̀ mìɔ jèɛɛ, wa nì ma Mózè dúi jɛ̀ǐn kánáá pū, ké wa ɖá, “Ɖɛ́ kɔ̃̀ jè m̀ zà ma à ɖé Íjè-ɓòɖòɔ̀ kɔ̃, ɓɛ́ m̀ ké à kè à dyú ɓě kè à nyúà-ɖɛ̀ ɓě ní-ná-tò dyí ɖáɓáìn nyɛ́?”
4Hwɛ̀ ké Mózè pòìn ma Bounɓoɔ̀ kpéi, ké ɔ ɖá, “Xwɛ̌ ḿ mɛ nyu nyɔ ɓěɛ̀ jè kɛ́? Ɔ sèǎ ɖɛ tííwè ɓɛ́ wa kéá ḿ sɔ́ɔ́-kpò dyi taɓaìn.”
5Ké Bounɓoɔ̀ jǔ ma Mózè gɔ̃̌, ké ɔ ɖá, “Ɖú Éézùɖùɛ̀-dyù ɓěɔ̀ nyɔ vɛ̀nɛ̀ ɖíɛ́ ɓě dyí, ɓɛ́ m̀ ké nì kùì-kpà ɓɛ́ m̀ nàmàìn ma kà ɓó Náà-nìɔ̀ kɔ̃ɛɛ dyí ɖú, ɓɛ́ ɓě ké nyɔ ɓěɔ̀ dyúa zi. 6Ní mu ɖé m̀ dyúa dyi nyànàùn ɓó sɔ́ɔ́-kpò ɖò nì ɖé Hówèɖè-tòɖòɔ̀ gboɛɛ kɔ̃. M̀ mɛ nàmàìn nì kùì-kpàɔ̀ sɔ́ɔ́-kpòɔ̀, nìí, ní mu sɔ́ɔ́-kpòɔ̀ mú sɔ̀ùn, ɓɛ́ nyɔ ɓěɔ̀ ké ní ná.” Ɔ jèɛɛ, Mózè nyu ma ɖɛ nìà kɛ ɓó Éézùɖùɛ̀-nyɔ̀ vɛ̀nɛ̀ ɓěɔ̀ dyéɖé waí. 7Ké Mózè jǔìn ma páɔ̀ Mɛ̀wíɖíɓà-nyɛ̀nɛ̀ kɔ̃̀ xwíníín mɔ̀à jɛ-wùɖù kɛ, sepóɛɖé Éézùɖùɛ̀-nyɔ̀ ɓěɔ̀ jɛ̀ìn ma Mózè dúi jè. Ké ɔ jǔìn ma páɔ̀ nyɛ́nɛ́ ɖò ɖe. Nyɛ́nɛ́ɔ̀ mɔ̀ Másàà kɔ̃̀ xwíníín mɔ̀à mú-dɔ̃̌-dɔ̃̌ kɛ, sepóɛɖé wa dɔ̃̌ ma Bounɓoɔ̀ mú, ké wa ɖá, “Bounɓoɔ̀ nì à hwìɛ̀ɛ̀, mɔɔ ɔ se à hwìɛ̀ nìì?”
To kpá Àmáɖɛ̀-nyɔ̀ ɓěɔ̀ kè Éézùɖùɛ̀-nyɔ̀ ɓěɔ̀ pṹa
8Ti ɓɛ́ Éézùɖùɛ̀-nyɔ̀ ɓěɔ̀ nì ma ɓó Wɛ̀ɖɛ̀fíɖììn-pàɔ̀ múɛɛ, púɛɛ, Àmáɖɛ̀-nyɔ̀ ɓěɔ̀ dyi, ké wa po ma Éézùɖùɛ̀-nyɔ̀ ɓěɔ̀ to kɔ̃. 9Ké Mózè cɛ̃ɛ ma Jasúé gbo, ké ɔ ɖá, “Ɖú Éézùɖùɛ̀-gàà ɓěɔ̀ ɖíɛ́ ɓě dyí, ɓɛ́ ɓě ké mu, ɓɛ́ ɓě ké Àmáɖɛ̀-nyɔ̀ ɓěɔ̀ gbo vɔ̃. Ní mu ɖé toɖoɔ̀ dya dyi nyànàùn ɓó gàɖàà, ɓɛ́ kùì-kpà ɓɛ́ Gèɖèpɔ́ɔ̀ ɖá ḿ mɛ ɓéɖéà xwaa ké ḿ xwa nì.” 10Ɔ jèɛɛ, Jasúé vɔ̃ ma Àmáɖɛ̀-nyɔ̀ ɓěɔ̀ gbo kà Mózè nyuɛ ma kà cɛ̃ɛ kɛ. Ké Mózè kè Eɖóún ɔ kè Húɔ̀ mu ma ɖé toɖoɔ̀ dya. 11Ké Mózè tò ma ɔ sɔ̃ɔ̀ dyií. Ti ɓɛ́ Mózèɛ̀ sɔ̃ɔ̀ nì ma dyiíɛɛ, nìí, Éézùɖùɛ̀-nyɔ̀ ɓěɔ̀ nììn sɔ̃ nì ma ɖé kɔ̃in. Kɛɛ ɔ dyi sɔ̃ ɓíɖíi dyà nyɛ̀nɛ̀ɛ̀ ní, Àmáɖɛ̀-nyɔ̀ ɓěɔ̀ nììn sɔ̃ nì ɖé kɔ̃in. 12Ti ɓɛ́ Mózèɛ̀ sɔ̃ɔ̀ ɖǎ ma mú nyíníɛɛ, Eɖóún kè Húɔ̀ ɖú ma sɔ́ɔ́-kpò ɖò dyí, ké wa dèɛ̀ ma ɔ xwíɖíi, ké ɔ kòɛ̀ ma kɔ̃. Ké Eɖóún kè Húɔ̀ kpɔ̃ ma ɔ sɔ̃ ɓěɔ̀ dyi, ké wa tòɛ̀ dyií. Nyɔ dyúáɖò nì ma wáká ɖò kɔ̃, ké nyɔ dyúáɖò nì ma wáká tɔ̀ɔ̀ kɔ̃. Ké wa kpɔ̃ ma ɔ sɔ̃ ɓěɔ̀ dyií dyi tee, ké ɔ dyɛ̀ìn ma dyóɖó-dyi-kpá-tì. 13Ké Jasúé ɖáɓá ma Àmáɖɛ̀-sòjà ɓěɔ̀ gàsíà dyí. Kǎà ɔ nyu ma wa toún ɖuɛ.
14Hwɛ̀ ké Bounɓoɔ̀ cɛ̃ɛ ma Mózè gbo, ké ɔ ɖá, “Céè to-ɖu-ɖu nìà kɛ jè ɖé ɖɛ-dyi-dè-cèè-ɖɛ̀ ɖò mú, ɓɛ́ ɔ ké ɖɛ ɖò ké nyɔǔn hwìɖǐi nìɛɛ jǔ. Ké m̀ mɛ cɛ̃ɛ Jasúé gbo kà ní mu Àmáɖɛ̀-nyɔ̀ ɓěɔ̀ jè ɓóɖó-kpàà kɔ̃ dyi sámáùn cá kɛ.” 15Ké Mózè po ma sáa-kɔ̃-zàìn-gbàà ɖò, ké ɔ jǔɛ̀n ma Bounɓoɔ̀ mɔ̀ ní kɔ́ɖɔ̀-nyɛ̀nɛ̀. 16Ké ɔ ɖá, “Ɓě tò Bounɓoɔ̀ kɔ́ɖɔ̀ɔ̀ dyií, sepóɛɖé Bounɓoɔ̀ mu Àmáɖɛ̀-nyɔ̀ ɓěɔ̀ gbo vɔ̃ùn kánáá pū.”#17:16 Vɔ́sì nìà kɛ kpa kòɛ̀ ɖò-ɖò ɖé Báɓò ɖíɛ́ ɓě mú, sepóɛɖé ɔ Híìbúɖúù-wùɖùɔ̀ kàmà múin wɔ̃́uń jè.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Bassa Bible © Bible Society Liberia, 2002.