မူၭ 8
8
8
ဆၧဒၪဆၧလၧယၫဘၪဆဲၫ့ဆၧၥၪမံၫ့လနၬ.
1ကဆါယဟိဝၩဒုၭနဲၪယၧၩဘဲၫယီၩ, ယိခွါ,ဆၧၥၪ 2မံၫ့လနၬလီၫ.- အဝ့ၫစံၭယၧၩ, စအၫမူၭဧ့,နဒၪဘၪဆၧ နီၪလဲၪ. ယစံၭဆၧၥၪမံၫ့လနၬလီၫ. ထီးနီၪလဖၧၫ့ ယ ဟိဝၩစံၭယၧၩ, ဆၧအထုၬနီၪဘၪယၡၩခမျၧးအံၫစရ့ 3လၭတၭ,ယလ့ၩဖၬလၧၩ့အဝ့ၫၥံၪအ့ၬ.- ဆၧလၧမုလ နံၩနီၪနီးၥံၪအၥံၫကျံၩဆၧနီၪ, မိကဲၪထၪ့ဆၧအိၩ့ယိၩ့, ကဆါယဟိဝၩစံၭဝ့ၫဒၪ. ၦအစွၪအီၪအၪစီၪ့တၭ, ခွံၬ ၡိၭခွံၬအဝ့ၫၥံၪ ထီးဒၪအလးလစီၪ့လါလါဆံၭၬ အီၪ လၩ့မါပံၭဆံၭၬ
ခးအံၫစရ့လၭအဆၧဂၭဂီၩ့.
4ခိၭနၪဆၧယီၩဆံၭ! ၦလၧအလီၩ့ၦဘၪၡၪ့ဘၪနၭ ဘဲၫၥိၭနၥံၪမိမၩဂၭဂီၩ့ ၦၡၪ့ဖိၪယၬဖိၪ လၧခးဖၧၩ့ၥံၪ 5ဧ့,ၦလၧအစံၭ,- ဘဲၫၥိၭပမိအၪ့ဆၫဘုၪၥံၪဂူၫၥံၪတၭ, လၩၥံၫအနံၩ မိဖီၩ့ခွံၬဆံၭယံၬခိၬလဲၪ. ဘဲၫၥိၭပမိဝဲ ထၪ့ဘုၪၥံၪဂူၫၥံၪအဖၫ့တၭ, မးၥံၫအနံၩနီၪမိဖီၩ့ခွံၬဆံၭ ယံၬခိၬလဲၪ. ၦလၧအမၩအ့ဖၭလၧအဆံၭး ဒဲၡက့လၭ လၧအဒိၪ,ဒဲမၩဆၧခံၫ့လၧအလတီၩဘၪ လၧအအၪ့ 6လီၫဆၧနီၪ,- ဘဲၫၥိၭၦမိဎွ့ၩ ၦၡၪ့ဖိၪလၧစ့ၩ ဒဲၦဘၪ ၡၪ့ဘၪယၬလၧခၪ့ဖံၭလဆီၫ့, ဒဲအၪ့ဆၫခွံၬဘုၪအၥိၪ 7လီၫ.- ယဟိဝၩဆိၪလၩ့အၥၭ လၧယၫကူၭအဎံၫအ 8လၩအကၠီၩ့, ယၥၭနၪ့အမၩဆၧနးမံၩ့အ့ၬ.- ထံၫၥံၪခး ၥံၪမိဝၭၡိၩ့ၡိၬဝ့ၫလၧအဝ့ၫနီၪအကၠီၩ့, ဒဲၦလၧအအီၪ လၧအဖၧၩ့မိၥၭအုၭကိၭဂၩဒ့ၭနီၪ, မွဲအ့ၬဧၪ.မိထၪ့ဝ့ၫ ထၧၫ့ဘံၪ့ယၫ ဘဲၫထံၫမိၡါအၥိၭနီၪ, မွဲအ့ၬဧၪ. ဒဲဘၪ ဆၧနၫ့ထၪ့ခွံၬဒဲလၩ့ၥံၭခွံၬဘဲၫအံဇံၭ အထံၫမိၡါအၥိၭ 9နီၪ,မွဲအ့ၬဧၪ.- ဆၧမိမၩအၥၭလၧမုလနံၩနီၪ, ကဆါ ယဟိဝၩစံၭဝ့ၫဒၪ. ယမိဒုၭလၩ့နုၬမု လၧမုထုၪ့တၭ, ယမိဒုၭခံၭလၩ့န့ ထံၫၥံၪခးၥံၪ လၧမုဆၫလခီၫလီၫ. 10ယမိအၪ့မၧၫ့နၥံၪမၩဘိၪ့အမုနံၩလဖၪ ကဲၪထၪ့ဆၧၥုၪ့ အုၭၥၭအုၭ, ဒဲနၥံၪအဆၧၥံၫကျံၩနီၪလၧဂၪ့ဆၧယၧၩ့ ဆၧတၭ,ယမိဒုၭအီၪၦကိၭဂၩဒ့ၭ လၧရၧၬအဆၧယၬ လၧအယးဒံၩ့တၭ, ယမိဒုၭလိၩ့ကယဲၦအခိၪလဂၩလါ လါတၭ, ယမိအီၪက့ၪအဝ့ၫ ဘဲၫၦဂၪ့ဝ့ၫလၧအဖိၪခွၫ လဂၩဎးအဂးအၥိၭနီၪတၭ, ဆၧအထုၬနီၪဘဲၫမုလနံၩ လၧအဘၪဆၧနၭနၭလ့ၬအၥိၭနီၪလီၫ.
11ယိခွါ, ယဟိဝၩစံၭဝ့ၫဒၪ,မုနံၩလဖၪမိဘၪလၧယမိ အၪ့မၧၫ့လၩ့ဆၧၥၭဝံလၩ့ဒိၩ လၧထံၫၥံၪခးၥံၪအဖၧၩ့ လီၫ.ဆၧၥၭဝံလၩ့ဒိၩလၧကိၪမွဲဂ့ၩ, ဆၧၥၭဝံအၥၭ လၧထံၫမွဲဂ့ၩ, မွဲအ့ၬး အ့ၪမွဲဆၧၥၭဝံလၩ့ဒိၩလၧဆၧ 12နါဂၧၫ့ယဟိဝၩအလူအထၫလီၫ.- တၭၦမိစဲၪ့ဝံၩ့ဝၩ့ ဆၧလၧမၫဆမံၭလစီၪ့ ဖိးလၧမၫဆမံၭ လစီၪ့ဒၪတၭ, အဝ့ၫၥံၪမိစဲၪ့ဝံၩ့ဝၩ့ ဆၧလၧမုဖၩလခီၫဖိးလၧမုထၪ့လ ခီၫ,ဘဲၫၥိၭအမိအၪ့ဎၬ ယဟိဝၩအလူနီၪလါနၫ့တၭ, 13ဒၪန့ဝ့ၫအ့ၬ.-ဆၧလၧမုလနံၩနီၪ,ၦမုၪနၩ့အဎံၫအလၩ လဖၪ,ဒဲၦဖိၪၥၪခွၫၥံၪနီၪ မိလၩ့ဘဲၩလၧဆၧၥူၫအၥၭ 14လၧထံၫအကၠီၩ့လီၫ.- ၦလၧအဆိၪလၩ့အၥၭလၧစမ့ရ အၫအဆၧဒဲၩဘၭအကၠီၩ့တၭ, စံၭဝ့ၫဒၪ,စဒၫ့ဧ့,နယွၩ မၧၫ့ဝ့ၫ,ဒဲဘံအၧၫၡံၫဘၫအဖၧၩ့ၥၭမၧၫ့ဝ့ၫလဖၪနီၪ, မိ လၩ့ထံၩဖါဝ့ၫတၭ, ဂဲထုၪ့လၧၩ့အ့ၬ.
Селектирано:
မူၭ 8: pwokyn2
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
Pwo Kayin Bible © Bible Society of Myanmar, 1883.