Sawmus 122
122
Piriyepkawnabay adahan Jerusalém
1Nah batek ka aynsima ku aysaw igkis awnasevun: “Uyay atak givinekut Kiyavwiye Uhokri.”
2 Ayteke nikwe usuh aytwe, usuh danuh atan avitit Jerusalém.
3Jerusalém in paha paytwempu kehka adahanikwa Uhokri gihiyegavu pahadguhwene atan givetunat adahan igkis darihwekne gikak.
4Atan mpuse paytwempuyenevwi izhaewyenevwi aytanekuye adahan kabeyhene Kiyavwiye Uhokri, ku samah gikiswanawni.
5Ay gikivarakis kavinene. Ay igkisme hiyekne akak taraksaki, igis hiyepne ba gihiyegavukis wadityewatma.
6Piriyepkawnabay adahan Jerusalém kahadbe pasamrakinenwa ay nivit. Numawkan madikte hiyeg ku pariye batekyevwi akak Jerusalém igkis utipnekuye kabaykanek.
7Kahadbe kadahan pasamrakinenwa ay avit paytwempu kiyaranene, hawata ariku mpuse paytviyene.
8Nah batek gikakkis nukebyuvwi aynenevwi, hawata gikakkis nukagmadavu, inneki keh nah ayap git Kiyavwiye: “Numawkan pasamrakinenwa ay avit Jerusalém.”
9Hawata akiw nah ka nubetkisima akak Kiyavwiye Uhokri givin ku pariye misakwa ay gibetkis Jerusalémyenevwi. Inneki keh numawkan ku igkis batekvitnenekwa, mmanawa in kis gidahankis.
Селектирано:
Sawmus 122: pluPB
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.