Sawmus 111
111
Uhokri kabayhaki
1Kabayhanay Kiyavwiye Uhokri! Ay abet hiyeg givahdukawnikis nah kabayhanek Kiyavwiye Uhokri akak madikte batekka avititak nuyakni, payak gikakkis neras ku pariye ihpenevwi giwn.
2Adahan barewyevwi annut ku pariye gikehni! Nikwe ku pariye batekyevwi adahan ini gannu amawka igkis mpiksaw pukuhpin.
3Madikte ku pariye gikehni in areketni gidatni akak gikiytani; akka ku ignewa waditka akivara adahan avananekwa.
4Ig Kiyavwiye Uhokri ka isaksa wixwiy miyeh ini gannivwi barewyevwi. Ig kibeyne hawata ka gamnihrasima.
5Ig iki gimanakis neras ku pariye kiyathenevwi giw. Ig kawnata miyehti ku samah giwn.
6Ig hiyapkise gidatni gitkis izhaewyenevwi ku aysaw ig ike gitkis nawenyevwi hiyeg giwaxigkis.
7Ig ka kinisakti hawata madikte ku pariye gikehni in wadit. Madikte gikumadukan kis adahan hiyeg kamaxwa nivitit.
8In dahwa adahan avananekwa, mmanawa in kehka avigkutavrik hiyakemniki inyewatnene hawata avigkutavrik waditka.
9Kiyavwiye Uhokri awahkise amnihka giminkis gihiyegavu hawata ig kehe pahat ahegbetawka gikakkis adahan avananekwa. Ig barewvitye hawata ig ka gidatnisima.
10Adahan wis himaw hiyekemniye hiyeg, amawkan pitatye wis ihpenete Kiyavwiye Uhokri giwn.
Ig iki pukuhpaki gitkis hiyeg ku pariye ihpenevwi gikumadukan. Amawka Kiyavwiye Uhokri kabayhaka adahan avanenekwa!
Селектирано:
Sawmus 111: pluPB
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.