Sawmus 103
103
Kiyavwiye Uhokri kehnenekwa ku pariye kabay udahan
1Kiyavwiye Uhokri, numawkan madikte nuhiyekemni kabayhap! Numawkan nah kabayhap akak madikte nudatni!
2Numawkan madikte nuhiyekemni kabayhap, Kiyavwiye. Nah ka miyehkere pahatnama kabayka ku pariye pikehni nudahan.
3Pisnewa bayahminan ariw madikte nutaraksan hawata pis makniwhun ariw madikte nukahribdi.
4 Kibeyne, ig Kiyavwiye Uhokri amnihun ariw miyaka adahan nah ka biyuk giw. Ig ka gamnihrasima nukakuh. Ig hawata ka gabaysima nukakuh.
5Ku samah nah ay amadga inin, nah uti ka aynsima kabayka giwntak. Ig iki nawaygi, ig keh nah ka mab, ig keh nah tiviknene kewa avaknibe amerempiye.
6Ig Kiyavwiye Uhokri avanenekwa kehnenekwa ku pariye kabay udahanwiy. Ku wixwiy hiyepne mbeyne, ig parak abet uhawkanwiy.
7Minikwak ig ekke gihiyekemni git amekene Moís. Avim ini ig ekke gidatni gitkis hiyeg izhaewyenevwi.
8Ig Kiyavwiye Uhokri ignewa ka gamnihrasima, ka gabaysima. Ig ka giyaknisima ukakwiy; ig ahegbetnenekwa adahan kehne kabayka udahanwiy.
9Ig akka wotwiy utaraksanwiy, heneme ig ahegbet adahan bayahminawiy niw. Gidagoni ka dahwa adahan avanenekwatma.
10Wixwiy kis adahan ig hiyapkis ka aynsima mbeyne wotwiy avatra utaraksanwiy, heneme ig ka keh hene. Kibeyne ig amnihpewiy, ig ka katiwnisa utaraksanwiy wotwiy ku samah amawkan.
11Ku samah en ka aynsima aviyukan ariw waxri, hene hawata gamnihra ka aynsima ukakwiy wixwiy ku pariye kiyathig.
12Ku samah wahamavrik aviyukan ariw uvitkiyavrik, hene hawata aviyukan ig higih utaraksanwiy wowiy.
13Ku samah pahavwi igti ka gabaysima gikak gikamkayh, hene hawata ig Kiyavwiye Uhokri ka gabaysima gikakkis ku pariye kiyathig.
14Mmanawa ig hiyakni ku wixwiy yuma udatniwiy, wixwiy he wayk atabdabninenwa.
15Hiyeg amedgenevwi inin igkis kewa pamatkabe. Gikiytanikis kewa ivuriti akiytanibe.
16Ku aysaw kamaygviye huwit nit, in madikte kigise. In ka hiyapka akiw.
17Inme Kiyavwiye Uhokri gamnihra in dahwa adahan avanenekwa, adahan ig amnihne madikte hiyeg ku pariye kiyathenevwi ig. Ini gabay dahwa adahan akiwka akiwnek
18gikakkis hiyeg ku pariye wewnevwi akak gihiyekemni, ku pariye ihpenevwi gikumadukan.
19Ig Kiyavwiye Uhokri bat kumadukene aynte inurik. Ig kumaduka madikte hiyeg inurikyenevwi, hawata madikte hiyeg ay amadga inin.
20Yis ahj detyevwi, ku pariye ihpenevwi giwn, ku pariye kehnevwi gibetki, uyay kabayha Kiyavwiye Uhokri.
21Yisme gihiyegavu inurikyenevwi, yis gibukvig ku pariye kannivwiyevwi gidahan, uyay kabayhig.
22Hawata, yisme madikte ku pariye Kiyavwiye Uhokri gikehavan muwapuw amun gikumadukan, uyay kabayhig. Nah hawata kabayha Kiyavwiye Uhokri avititak nuyakni!
Селектирано:
Sawmus 103: pluPB
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.
Sawmus 103
103
Kiyavwiye Uhokri kehnenekwa ku pariye kabay udahan
1Kiyavwiye Uhokri, numawkan madikte nuhiyekemni kabayhap! Numawkan nah kabayhap akak madikte nudatni!
2Numawkan madikte nuhiyekemni kabayhap, Kiyavwiye. Nah ka miyehkere pahatnama kabayka ku pariye pikehni nudahan.
3Pisnewa bayahminan ariw madikte nutaraksan hawata pis makniwhun ariw madikte nukahribdi.
4 Kibeyne, ig Kiyavwiye Uhokri amnihun ariw miyaka adahan nah ka biyuk giw. Ig ka gamnihrasima nukakuh. Ig hawata ka gabaysima nukakuh.
5Ku samah nah ay amadga inin, nah uti ka aynsima kabayka giwntak. Ig iki nawaygi, ig keh nah ka mab, ig keh nah tiviknene kewa avaknibe amerempiye.
6Ig Kiyavwiye Uhokri avanenekwa kehnenekwa ku pariye kabay udahanwiy. Ku wixwiy hiyepne mbeyne, ig parak abet uhawkanwiy.
7Minikwak ig ekke gihiyekemni git amekene Moís. Avim ini ig ekke gidatni gitkis hiyeg izhaewyenevwi.
8Ig Kiyavwiye Uhokri ignewa ka gamnihrasima, ka gabaysima. Ig ka giyaknisima ukakwiy; ig ahegbetnenekwa adahan kehne kabayka udahanwiy.
9Ig akka wotwiy utaraksanwiy, heneme ig ahegbet adahan bayahminawiy niw. Gidagoni ka dahwa adahan avanenekwatma.
10Wixwiy kis adahan ig hiyapkis ka aynsima mbeyne wotwiy avatra utaraksanwiy, heneme ig ka keh hene. Kibeyne ig amnihpewiy, ig ka katiwnisa utaraksanwiy wotwiy ku samah amawkan.
11Ku samah en ka aynsima aviyukan ariw waxri, hene hawata gamnihra ka aynsima ukakwiy wixwiy ku pariye kiyathig.
12Ku samah wahamavrik aviyukan ariw uvitkiyavrik, hene hawata aviyukan ig higih utaraksanwiy wowiy.
13Ku samah pahavwi igti ka gabaysima gikak gikamkayh, hene hawata ig Kiyavwiye Uhokri ka gabaysima gikakkis ku pariye kiyathig.
14Mmanawa ig hiyakni ku wixwiy yuma udatniwiy, wixwiy he wayk atabdabninenwa.
15Hiyeg amedgenevwi inin igkis kewa pamatkabe. Gikiytanikis kewa ivuriti akiytanibe.
16Ku aysaw kamaygviye huwit nit, in madikte kigise. In ka hiyapka akiw.
17Inme Kiyavwiye Uhokri gamnihra in dahwa adahan avanenekwa, adahan ig amnihne madikte hiyeg ku pariye kiyathenevwi ig. Ini gabay dahwa adahan akiwka akiwnek
18gikakkis hiyeg ku pariye wewnevwi akak gihiyekemni, ku pariye ihpenevwi gikumadukan.
19Ig Kiyavwiye Uhokri bat kumadukene aynte inurik. Ig kumaduka madikte hiyeg inurikyenevwi, hawata madikte hiyeg ay amadga inin.
20Yis ahj detyevwi, ku pariye ihpenevwi giwn, ku pariye kehnevwi gibetki, uyay kabayha Kiyavwiye Uhokri.
21Yisme gihiyegavu inurikyenevwi, yis gibukvig ku pariye kannivwiyevwi gidahan, uyay kabayhig.
22Hawata, yisme madikte ku pariye Kiyavwiye Uhokri gikehavan muwapuw amun gikumadukan, uyay kabayhig. Nah hawata kabayha Kiyavwiye Uhokri avititak nuyakni!
Селектирано:
:
Нагласи
Копирај
Спореди
Сподели
Дали сакаш да ги зачуваш Нагласувањата на сите твои уреди? Пријави се или најави се
© 2018, Wycliffe Bible Translators, Inc. All rights reserved.