Саалтыр 2

1Давид псалома.

Тоҕо норуоттар айманаллар,

омуктар кураанахха куомуннаһаллар?

2Сир ыраахтааҕылара сэриилэһээри тэринэллэр,

кинээстэр бииргэ түмсэн киксэллэр,

Айыы Тойону уонна Кини Ыраахтааҕытын утараннар:

3«Сыаптаабыттарын быһа тардыахха,

бохсубуттарын булгу охсуохха!» – дэһэллэр.

4Халлааннарга Олорооччу күлэр,

Айыы Тойон кинилэри элэк оҥостор.

5Онтон Кини абаран-сатаран этиэҕэ,

уордайан, кинилэри уолутуоҕа:

6«Мин Бэйэм талбыт Ыраахтааҕыбын

сибэтиэй хайам Сион үрдүнэн туруорбутум».

7 Айыы Тойон ыйааҕын Мин иһитиннэриэм:

Кини эттэ: «Эн Миэхэ Уолум буолаҕын,

Мин бүгүн Эйигин төрөттүм;

8Миигиттэн көрдөс – Мин Эйиэхэ бары норуоттары биэриэм,

сири, сиксигиттэн саҕалаан, Эйиэхэ бас биллэриэм.

9Эн кинилэри тимир торуосканан сууһартыаҥ,

күөс охсооччу иһитинии үлтүрүтэлиэҥ».

10Онон билигин, ыраахтааҕылар, өйдөнүҥ;

сир судьуйалара, эһиги үөрэниҥ.

11 Айыы Тойоҥҥо куттанан туран үлэлээҥ,

Кини иннигэр долгуйан туран үөрүҥ-көтүҥ;

12Уолугар эһиги сүгүрүйүҥ#2:12 Былыргы еврей тылынан суруллубут тиэкис ис хоһооно манна чуолкайа суох. –

Кинини кыыһырдан суолга быстарбат туһугар,

бэрт сотору Кини уора-кылына уоттуу оргуйуоҕа.

Киниэхэ эрэнээччилэр бука бары дьоллоохтор.

Селектирано:

Саалтыр 2: СБК

Нагласи

Сподели

Копирај

Дали сакаш да ги зачуваш Нагласувањата на сите твои уреди? Пријави се или најави се

Дознај повеќе за Сибэтиэй Биибилийэ кинигэлэрэ