Lizsij dih Gaihcij 35
35
Yajgoz ciuq Cangqdiq raengq yienghmwnq bae Bwzdwzliq
1Cangqdiq doiq Yajgoz naeuz: “Mwngz ij buen bae Bwzdwzliq youq, caemh ij youq mwnq caeb aen daiz dajbwiz he hawj gou. Gou couh dwg mwh mwngz deuz daeggo mwngz mwhde yienh hawj mwngz raen dih Cangqdiq hax.”
2-3Yiengq Yajgoz couh doiq gij vunz ndaw ranz de caeuq gij vunz caeuq de doxcaeuq youq hih naeuz: [3]“Gyoengqraeuz ij dajlwh mwnqneix bae Bwzdwzliq, bae mwnq caeb aen daiz dajbwiz he hawj Cangqdiq, bwiz Cangqdiq, couh dwg boux youq mwh gou miz nanh he de bang gou, caemh mboujguenj gou bae daengz mwnqlawz, de cungj caeuq gou youq hih Cangqdiq. Raeuz seizneix ij bae baiq de, [2b]hoeng faenhsou ij youq ndaw lwgra Cangqdiq bienqbaenz boux vunz cengh he cij ndaej. Yiengq faenhsou ij dawz sojmiz hih you vwt deuz, caiq swiq ndang lawh buh cij ndaej.”
4Yajgoz doiq gyoengq vunz yienghneix naeuz le, gyoengqde couh dawz sojmiz hih you caeuq gyoengqde daiq dih ngaexrwz gyau hawj Yajgoz. Yajgoz couh dawz doenghgij neix haem youq laj go faex hung gaenh Siqgiemq mwnq he.
5Haem ndaej le, gyoengqde couh buen bae lo. Bae hih mwhde, Cangqdiq loengh hawj gij singz seiqhenz he hih vunz cungj lau hwj dungxmbouq ndangsaenz liux, cungj mij vunz gamj bae boenq gyoengqde.
6Yajgoz daiq gyoengq vunz de bae daengz dieg Gyahnamz dih Luqswh. (Luqswh couh dwg Bwzdwzliq). 7De youq mwnq caeb aen daiz dajbwiz he, couh an mwnq dieg mwnq heuh Ihlwz-Bwzdwzliq (couh dwg ‘Bwzdwzliq dih Cangqdiq’ dih iqswh), aenvih de ndoj deuz daeggo de hih mwhmwnq, Cangqdiq youq mwnq yienh hawj de raen goq.
8Gajlaeng, meh daj lij iq cix daiq Liqbwzgyah hung he, couh dwg Dijbohlah, de rai lo, moek youq laj go faex baixnamz Bwzdwzliq he. Yiengq go faex mwnq couh heuh Yaqlwnz-Bahguj. (‘Yaqlwnz-Bahguj’ couh dwg ‘youq laj go faex daej’ dih iqswh.)
Cangqdiq caiq yienh hawj Yajgoz raen
9Yajgoz dajlwh Bahdanj-Yaqlanz ma daengz Bwzdwzliq le, Cangqdiq caiq yienh hawj de raen, caemhcaiq soengq fuk hawj de 10naeuz: “Gaxgonq gij coh mwngz heuh Yajgoz, hoeng, daj seizneix doxbae, mbouj caiq heuh Yajgoz laem lo; heuh Hijswzlez ndaej lo.” Couh yienghneix, Cangqdiq gaij coh hawj Yajgoz heuh Hijswzlez. (‘Hijswzlez’ couh dwg ‘boux caeuq Cangqdiq doxbanj’ dih iqswh.)
11Cangqdiq caiq doiq de naeuz: “Gou dwg akak rengzrengz gaiqgaiq cungj ndaej guh daengz dih Cangqdiq. Mwngz ij miz lwglwg lanlan; doengh daih lwglan gajlaeng mwngz ij bienqbaenz aen guekgya he, gajlaeng, vanzlij caiq bienqbaenz haujlai haujlai aen guekgya. Gij lwglan mwngz caemh miz haujlai vunz ndaej dang vuengz. 12Gou ij dawz gou soengq hawj Yaqbwzlahhanj caeuq Hijsaj dih dieg hax, soengq hawj mwngz caeuq doengh daih gajlaeng mwngz.” 13Cangqdiq gangj daengz dineix le, couh daj mwnq bae lo.
14Gajlaeng Yajgoz couh youq mwnq dieg Cangqdiq yienh hawj de raen, caeuq de gangj vah hih mwnq dieg mwnq, laeb ngauq rin he, laeb ma guh gijnenqbeih, caiq raix laeuj, raix youz makmbi hwnjbae bwiz. 15Aenvih Cangqdiq youq mwnq doiq Yajgoz gangj vah, yiengq Yajgoz vanzlij dwg heuh mwnq dieg neix heuh Bwzdwzliq.
Lahgyez rai ndangdumz
16Yajgoz daiq gyoengq vunz de dajlwh Bwzdwzliq bae. Youq mwnq dieg liz Hijfazdah vanzlij miz duenh roen laem, Lahgyez daengz mwh seng lwg he lo, hoeng, ngaiz deng hojseng. 17Youq mwh de cienfanh in, cienfanh hojyouq hih mwhde, meh ciepseng de doiq de naeuz: “Mwngz gaejyungh lau; mwngz caiq ndaej daeglwg he lo.” 18Mwh de ijvanh rai gatcaw, hoenzsaenz ijvanh bae hih mwhde, de an coh hawj laeq lwg de heuh Benqngozniz (couh dwg ‘laeq lwg siengsim’ dih iqswh), hoeng Yajgoz dauq an coh hawj laeq lwg neix heuh Benqyajminj. (‘Benqyajminj’ couh dwg ‘laeq lwg youq fawz gvaz#35:18 Fawz gvaz daiqbiuj miz gienz, vunz caemh soenhgingq he. gou’ dih iqswh.)
19Gajlaeng, Lahgyez rai le, moek youq henz roen bae Hijfazdah he. (Hijfazdah couh dwg Bwzliqhaengz.) 20Yajgoz youq henz moh Lahgyez laeb baj sigbei he guh beimoh. Baj beimoh neix daengz seizneix vanzlij youq henz moh de.
21Hijswzlez (couh dwg Yajgoz) vanzlij dwg giqcuz ganjroen, bae daengz aen dap Hijdwz dih baixnamz he dap bungz youq.
22Hijswzlez vanzlij youq mwnq dieg mwnq hih mwhde, daeglwg daeuz de Lijbenq engqgya bae caeuq Bizlah ninz. Bizlah couh dwg yahnoix Hijswzlez. Gajlaeng ngaiz Hijswzlez rox.
Gyoengq lwg Yajgoz
Yajgoz itgungh miz cibngeih daeglwg. 23Liqyaq soj seng dih lwg miz daeglwg daeuz Yajgoz Lijbenq, vanzlij miz Sihmenj, Liqveiq, Youzdaq, Hijcazgyah caeuq Sihbuqlwnz.
24Lahgyez soj seng dih lwg miz Yozswz caeuq Benqyajminj.
25Dahhoiq Lahgyez, heuh Bizlah, seng miz Danq caeuq Nazfuzdahliq.
26Dahhoiq Liqyaq, heuh Sizbwz, seng miz Gyahdwz caeuq Yaqsez.
Doengh gyoengq lwg neix dwg Yajgoz youq Bahdanj-Yaqlanz seng he.
Hijsaj rai gvaqseiq
27Yajgoz bae daengz Manqliq, (mwnq dieg neix gaenh Gihlez-Yaqbah; Gihlez-Yaqbah couh dwg Hihbwzlwnz), bae laeng daxboh de, couh dwg mwnq daxgoeng de Yaqbwzlahhanj doz youq goq hih mwnq dieg mwnq. 28Hijsaj ndaej souhyienz raixcaix; de souh ndaej bakbet bi 29cij an'an onjonj rai gvaqseiq. Gajlaeng, song daeglwg de, Hijsauj caeuq Yajgoz, dawz de bae moek lo.
Селектирано:
Lizsij dih Gaihcij 35: YBNT
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© New Bridge Publishing Company Limited
Lizsij dih Gaihcij 35
35
Yajgoz ciuq Cangqdiq raengq yienghmwnq bae Bwzdwzliq
1Cangqdiq doiq Yajgoz naeuz: “Mwngz ij buen bae Bwzdwzliq youq, caemh ij youq mwnq caeb aen daiz dajbwiz he hawj gou. Gou couh dwg mwh mwngz deuz daeggo mwngz mwhde yienh hawj mwngz raen dih Cangqdiq hax.”
2-3Yiengq Yajgoz couh doiq gij vunz ndaw ranz de caeuq gij vunz caeuq de doxcaeuq youq hih naeuz: [3]“Gyoengqraeuz ij dajlwh mwnqneix bae Bwzdwzliq, bae mwnq caeb aen daiz dajbwiz he hawj Cangqdiq, bwiz Cangqdiq, couh dwg boux youq mwh gou miz nanh he de bang gou, caemh mboujguenj gou bae daengz mwnqlawz, de cungj caeuq gou youq hih Cangqdiq. Raeuz seizneix ij bae baiq de, [2b]hoeng faenhsou ij youq ndaw lwgra Cangqdiq bienqbaenz boux vunz cengh he cij ndaej. Yiengq faenhsou ij dawz sojmiz hih you vwt deuz, caiq swiq ndang lawh buh cij ndaej.”
4Yajgoz doiq gyoengq vunz yienghneix naeuz le, gyoengqde couh dawz sojmiz hih you caeuq gyoengqde daiq dih ngaexrwz gyau hawj Yajgoz. Yajgoz couh dawz doenghgij neix haem youq laj go faex hung gaenh Siqgiemq mwnq he.
5Haem ndaej le, gyoengqde couh buen bae lo. Bae hih mwhde, Cangqdiq loengh hawj gij singz seiqhenz he hih vunz cungj lau hwj dungxmbouq ndangsaenz liux, cungj mij vunz gamj bae boenq gyoengqde.
6Yajgoz daiq gyoengq vunz de bae daengz dieg Gyahnamz dih Luqswh. (Luqswh couh dwg Bwzdwzliq). 7De youq mwnq caeb aen daiz dajbwiz he, couh an mwnq dieg mwnq heuh Ihlwz-Bwzdwzliq (couh dwg ‘Bwzdwzliq dih Cangqdiq’ dih iqswh), aenvih de ndoj deuz daeggo de hih mwhmwnq, Cangqdiq youq mwnq yienh hawj de raen goq.
8Gajlaeng, meh daj lij iq cix daiq Liqbwzgyah hung he, couh dwg Dijbohlah, de rai lo, moek youq laj go faex baixnamz Bwzdwzliq he. Yiengq go faex mwnq couh heuh Yaqlwnz-Bahguj. (‘Yaqlwnz-Bahguj’ couh dwg ‘youq laj go faex daej’ dih iqswh.)
Cangqdiq caiq yienh hawj Yajgoz raen
9Yajgoz dajlwh Bahdanj-Yaqlanz ma daengz Bwzdwzliq le, Cangqdiq caiq yienh hawj de raen, caemhcaiq soengq fuk hawj de 10naeuz: “Gaxgonq gij coh mwngz heuh Yajgoz, hoeng, daj seizneix doxbae, mbouj caiq heuh Yajgoz laem lo; heuh Hijswzlez ndaej lo.” Couh yienghneix, Cangqdiq gaij coh hawj Yajgoz heuh Hijswzlez. (‘Hijswzlez’ couh dwg ‘boux caeuq Cangqdiq doxbanj’ dih iqswh.)
11Cangqdiq caiq doiq de naeuz: “Gou dwg akak rengzrengz gaiqgaiq cungj ndaej guh daengz dih Cangqdiq. Mwngz ij miz lwglwg lanlan; doengh daih lwglan gajlaeng mwngz ij bienqbaenz aen guekgya he, gajlaeng, vanzlij caiq bienqbaenz haujlai haujlai aen guekgya. Gij lwglan mwngz caemh miz haujlai vunz ndaej dang vuengz. 12Gou ij dawz gou soengq hawj Yaqbwzlahhanj caeuq Hijsaj dih dieg hax, soengq hawj mwngz caeuq doengh daih gajlaeng mwngz.” 13Cangqdiq gangj daengz dineix le, couh daj mwnq bae lo.
14Gajlaeng Yajgoz couh youq mwnq dieg Cangqdiq yienh hawj de raen, caeuq de gangj vah hih mwnq dieg mwnq, laeb ngauq rin he, laeb ma guh gijnenqbeih, caiq raix laeuj, raix youz makmbi hwnjbae bwiz. 15Aenvih Cangqdiq youq mwnq doiq Yajgoz gangj vah, yiengq Yajgoz vanzlij dwg heuh mwnq dieg neix heuh Bwzdwzliq.
Lahgyez rai ndangdumz
16Yajgoz daiq gyoengq vunz de dajlwh Bwzdwzliq bae. Youq mwnq dieg liz Hijfazdah vanzlij miz duenh roen laem, Lahgyez daengz mwh seng lwg he lo, hoeng, ngaiz deng hojseng. 17Youq mwh de cienfanh in, cienfanh hojyouq hih mwhde, meh ciepseng de doiq de naeuz: “Mwngz gaejyungh lau; mwngz caiq ndaej daeglwg he lo.” 18Mwh de ijvanh rai gatcaw, hoenzsaenz ijvanh bae hih mwhde, de an coh hawj laeq lwg de heuh Benqngozniz (couh dwg ‘laeq lwg siengsim’ dih iqswh), hoeng Yajgoz dauq an coh hawj laeq lwg neix heuh Benqyajminj. (‘Benqyajminj’ couh dwg ‘laeq lwg youq fawz gvaz#35:18 Fawz gvaz daiqbiuj miz gienz, vunz caemh soenhgingq he. gou’ dih iqswh.)
19Gajlaeng, Lahgyez rai le, moek youq henz roen bae Hijfazdah he. (Hijfazdah couh dwg Bwzliqhaengz.) 20Yajgoz youq henz moh Lahgyez laeb baj sigbei he guh beimoh. Baj beimoh neix daengz seizneix vanzlij youq henz moh de.
21Hijswzlez (couh dwg Yajgoz) vanzlij dwg giqcuz ganjroen, bae daengz aen dap Hijdwz dih baixnamz he dap bungz youq.
22Hijswzlez vanzlij youq mwnq dieg mwnq hih mwhde, daeglwg daeuz de Lijbenq engqgya bae caeuq Bizlah ninz. Bizlah couh dwg yahnoix Hijswzlez. Gajlaeng ngaiz Hijswzlez rox.
Gyoengq lwg Yajgoz
Yajgoz itgungh miz cibngeih daeglwg. 23Liqyaq soj seng dih lwg miz daeglwg daeuz Yajgoz Lijbenq, vanzlij miz Sihmenj, Liqveiq, Youzdaq, Hijcazgyah caeuq Sihbuqlwnz.
24Lahgyez soj seng dih lwg miz Yozswz caeuq Benqyajminj.
25Dahhoiq Lahgyez, heuh Bizlah, seng miz Danq caeuq Nazfuzdahliq.
26Dahhoiq Liqyaq, heuh Sizbwz, seng miz Gyahdwz caeuq Yaqsez.
Doengh gyoengq lwg neix dwg Yajgoz youq Bahdanj-Yaqlanz seng he.
Hijsaj rai gvaqseiq
27Yajgoz bae daengz Manqliq, (mwnq dieg neix gaenh Gihlez-Yaqbah; Gihlez-Yaqbah couh dwg Hihbwzlwnz), bae laeng daxboh de, couh dwg mwnq daxgoeng de Yaqbwzlahhanj doz youq goq hih mwnq dieg mwnq. 28Hijsaj ndaej souhyienz raixcaix; de souh ndaej bakbet bi 29cij an'an onjonj rai gvaqseiq. Gajlaeng, song daeglwg de, Hijsauj caeuq Yajgoz, dawz de bae moek lo.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
© New Bridge Publishing Company Limited