ܝܘܢܢ 3
3
ܝܵܘܢܵܢ ܒܹܐܙܵܠܵܐ ܠܢܝܼܢܘܹܐ
1ܗ̇ܝܓܵܗ ܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܝܵܘܢܵܢ ܒܓܵܗܵܐ ܕܬܲܪܬܹܝ، ܒܹܐܡܵܪܵܐ، 2”ܩܘܼܡ ܙܹܠ݇ ܠܢܝܼܢܘܹܐ، ܡܕܝܼܢ݇ܬܵܐ ܓܘܼܪܬܵܐ، ܘܡܲܟܪܸܙ ܐܸܠܘܼܗ̇ ܚܲܒܪܵܐ ܕܒܹܐܡܵܪܵܐ ܝܘܸܢ ܐܸܠܘܼܟ݂.“ 3ܗܲܕܟ݂ܵܐ، ܩܝܼܡ ܠܹܗ ܝܵܘܢܵܢ، ܘܐ݇ܙܝܼܠ ܠܹܗ ܠܢܝܼܢܘܹܐ، ܒܚܲܒܪܵܐ ܕܡܵܪܝܵܐ. ܢܝܼܢܘܹܐ ܡܕܝܼܢ݇ܬܵܐ ܪܘܝܼܚܬܵܐ ܝܗ݇ܘܵܐ، ܐܲܝܟ݂ ܚܕܵܪܬܵܐ ܕܬܠܵܬܵܐ ܝܵܘܡܵܢܹ̈ܐ. 4ܫܘܼܪܹܐ ܠܹܗ ܝܵܘܢܵܢ ܒܸܥܒ݂ܵܪܵܐ ܓܵܘ ܡܕܝܼܢ݇ܬܵܐ، ܚܕܝܼܪܹܗ ܚܲܕ ܝܵܘܡܵܐ، ܡܲܩܘܘܼܚܹܐ ܒܹܐܡܵܪܵܐ، ”ܡ̣ܢ ܒܵܬ݇ܪ ܐܲܪܒܥܝܼ ܝܵܘܡܵܢܹ̈ܐ، ܢܝܼܢܘܹܐ ܒܸܬ ܦܵܝܫܵܐ ܡܘܼܚܪܸܒ݂ܬܵܐ.“ 5ܗܘܼܡܸܢܗܘܿܢ ܐ݇ܢܵܫܹ̈ܐ ܕܢܝܼܢܘܹܐ ܒܐܲܠܵܗܵܐ. ܩܪܹܐ ܠܗܘܿܢ ܨܵܘܡܵܐ، ܘܠܒ݂ܝܼܫ ܠܗܘܿܢ ܣܲܩܹ̈ܐ، ܡ̣ܢ ܓܘܼܪܲܝܗܝ ܗܲܠ ܙܥܘܿܪܲܝܗܝ. 6ܟܲܕ ܡܛܹܐ ܠܹܗ ܚܲܒܪܵܐ ܠܡܲܠܟܵܐ ܕܢܝܼܢܘܹܐ، ܩܝܼܡ ܠܹܗ ܡ̣ܢ ܟܘܼܪܣܝܹܗ، ܫܘܼܠܸܚ ܠܹܗ ܓ̰ܘܼܒܹܗ ܡܲܠܟܵܝܬܵܐ، ܠܒ݂ܝܼܫ ܠܹܗ ܣܲܩܵܐ ܘܝ݇ܬܝܼܒ݂ ܠܹܗ ܥܲܠ ܩܸܛܡܵܐ. 7ܗ̇ܝܓܵܗ ܡܘܼܦܪܸܣ ܠܹܗ ܦܘܼܩܕܵܢܵܐ ܒܢܝܼܢܘܹܐ، ܒܹܐܡܵܪܵܐ، ”ܒܦܘܼܣܩܵܢܵܐ ܕܡܲܠܟܵܐ ܘܓܘܼܪ̈ܵܢܘܼܗܝ: ܒܲܪܢܵܫܵܐ ܘܚܲܝܘܬܵܐ، ܘܒܸܩܪܵܐ ܘܦܸܣܩܵܐ، ܠܵܐ ܛܵܥܡܝܼ ܡܸܢܕܝܼ؛ ܠܵܐ ܐܵܟ݂ܠܝܼ ܐܘܼܦ ܠܵܐ ܡ̈ܝܼܵܐ ܫܵܬܝܼ. 8ܐܸܠܵܐ ܦܵܝܫܝܼ ܟܘܼܣܝܹܐ ܒܣܲܩܵܐ، ܒܲܪܢܵܫܵܐ ܘܪܸܣܩܵܐ. ܒܚܲܝܠܵܢܘܼܬܵܐ ܩܵܪܝܼ ܠܐܲܠܵܗܵܐ. ܘܟܠ ܚܲܕ ܕܵܐܹܪ ܡ̣ܢ ܐܘܼܪ̈ܚܵܬܹܗ ܒܝܼܫܹ̈ܐ، ܘܡ̣ܢ ܛܠܘܼܡܝܵܐ ܕܐܝܼܬ ܥܲܠ ܐܝܼܕܹܗ. 9ܡܵܢܝܼ ܝܵܕܹܥ، ܩܵܘܡܵܐ ܕܪܵܟܹܟ݂ ܠܸܒܵܐ ܕܐܲܠܵܗܵܐ، ܘܒܪ̈ܲܚܡܘܼܗܝ ܕܵܐܹܪ ܡ̣ܢ ܚܸܡܬܵܐ ܕܟܲܪܒܹܗ، ܘܠܵܐ ܛܵܠܩܲܚ.“ 10ܟܲܕ ܚܙܹܐ ܠܹܗ ܐܲܠܵܗܵܐ ܡܸܢܕܝܼ ܕܥܒ݂ܝܼܕ ܠܗܘܿܢ، ܘܕܵܐܟ݂ܝܼ ܕܝܼܪܗܘܿܢ ܡ̣ܢ ܐܘܼܪ̈ܚܵܬܲܝܗܝ ܒܝܼܫܹ̈ܐ، ܪܘܼܚܸܡ ܠܹܗ ܥܲܠܲܝܗܝ ܘܠܵܐ ܛܘܼܠܩܲܝ ܠܹܗ ܐܲܝܟ݂ ܕܝܼܗ݇ܘܵܐ ܐ݇ܡܝܼܪܵܐ.
Селектирано:
ܝܘܢܢ 3: ABTAB
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Aramaic Bible Translation Assyrian Bible © 2025 Aramaic Bible Translation
ܝܘܢܢ 3
3
ܝܵܘܢܵܢ ܒܹܐܙܵܠܵܐ ܠܢܝܼܢܘܹܐ
1ܗ̇ܝܓܵܗ ܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܝܵܘܢܵܢ ܒܓܵܗܵܐ ܕܬܲܪܬܹܝ، ܒܹܐܡܵܪܵܐ، 2”ܩܘܼܡ ܙܹܠ݇ ܠܢܝܼܢܘܹܐ، ܡܕܝܼܢ݇ܬܵܐ ܓܘܼܪܬܵܐ، ܘܡܲܟܪܸܙ ܐܸܠܘܼܗ̇ ܚܲܒܪܵܐ ܕܒܹܐܡܵܪܵܐ ܝܘܸܢ ܐܸܠܘܼܟ݂.“ 3ܗܲܕܟ݂ܵܐ، ܩܝܼܡ ܠܹܗ ܝܵܘܢܵܢ، ܘܐ݇ܙܝܼܠ ܠܹܗ ܠܢܝܼܢܘܹܐ، ܒܚܲܒܪܵܐ ܕܡܵܪܝܵܐ. ܢܝܼܢܘܹܐ ܡܕܝܼܢ݇ܬܵܐ ܪܘܝܼܚܬܵܐ ܝܗ݇ܘܵܐ، ܐܲܝܟ݂ ܚܕܵܪܬܵܐ ܕܬܠܵܬܵܐ ܝܵܘܡܵܢܹ̈ܐ. 4ܫܘܼܪܹܐ ܠܹܗ ܝܵܘܢܵܢ ܒܸܥܒ݂ܵܪܵܐ ܓܵܘ ܡܕܝܼܢ݇ܬܵܐ، ܚܕܝܼܪܹܗ ܚܲܕ ܝܵܘܡܵܐ، ܡܲܩܘܘܼܚܹܐ ܒܹܐܡܵܪܵܐ، ”ܡ̣ܢ ܒܵܬ݇ܪ ܐܲܪܒܥܝܼ ܝܵܘܡܵܢܹ̈ܐ، ܢܝܼܢܘܹܐ ܒܸܬ ܦܵܝܫܵܐ ܡܘܼܚܪܸܒ݂ܬܵܐ.“ 5ܗܘܼܡܸܢܗܘܿܢ ܐ݇ܢܵܫܹ̈ܐ ܕܢܝܼܢܘܹܐ ܒܐܲܠܵܗܵܐ. ܩܪܹܐ ܠܗܘܿܢ ܨܵܘܡܵܐ، ܘܠܒ݂ܝܼܫ ܠܗܘܿܢ ܣܲܩܹ̈ܐ، ܡ̣ܢ ܓܘܼܪܲܝܗܝ ܗܲܠ ܙܥܘܿܪܲܝܗܝ. 6ܟܲܕ ܡܛܹܐ ܠܹܗ ܚܲܒܪܵܐ ܠܡܲܠܟܵܐ ܕܢܝܼܢܘܹܐ، ܩܝܼܡ ܠܹܗ ܡ̣ܢ ܟܘܼܪܣܝܹܗ، ܫܘܼܠܸܚ ܠܹܗ ܓ̰ܘܼܒܹܗ ܡܲܠܟܵܝܬܵܐ، ܠܒ݂ܝܼܫ ܠܹܗ ܣܲܩܵܐ ܘܝ݇ܬܝܼܒ݂ ܠܹܗ ܥܲܠ ܩܸܛܡܵܐ. 7ܗ̇ܝܓܵܗ ܡܘܼܦܪܸܣ ܠܹܗ ܦܘܼܩܕܵܢܵܐ ܒܢܝܼܢܘܹܐ، ܒܹܐܡܵܪܵܐ، ”ܒܦܘܼܣܩܵܢܵܐ ܕܡܲܠܟܵܐ ܘܓܘܼܪ̈ܵܢܘܼܗܝ: ܒܲܪܢܵܫܵܐ ܘܚܲܝܘܬܵܐ، ܘܒܸܩܪܵܐ ܘܦܸܣܩܵܐ، ܠܵܐ ܛܵܥܡܝܼ ܡܸܢܕܝܼ؛ ܠܵܐ ܐܵܟ݂ܠܝܼ ܐܘܼܦ ܠܵܐ ܡ̈ܝܼܵܐ ܫܵܬܝܼ. 8ܐܸܠܵܐ ܦܵܝܫܝܼ ܟܘܼܣܝܹܐ ܒܣܲܩܵܐ، ܒܲܪܢܵܫܵܐ ܘܪܸܣܩܵܐ. ܒܚܲܝܠܵܢܘܼܬܵܐ ܩܵܪܝܼ ܠܐܲܠܵܗܵܐ. ܘܟܠ ܚܲܕ ܕܵܐܹܪ ܡ̣ܢ ܐܘܼܪ̈ܚܵܬܹܗ ܒܝܼܫܹ̈ܐ، ܘܡ̣ܢ ܛܠܘܼܡܝܵܐ ܕܐܝܼܬ ܥܲܠ ܐܝܼܕܹܗ. 9ܡܵܢܝܼ ܝܵܕܹܥ، ܩܵܘܡܵܐ ܕܪܵܟܹܟ݂ ܠܸܒܵܐ ܕܐܲܠܵܗܵܐ، ܘܒܪ̈ܲܚܡܘܼܗܝ ܕܵܐܹܪ ܡ̣ܢ ܚܸܡܬܵܐ ܕܟܲܪܒܹܗ، ܘܠܵܐ ܛܵܠܩܲܚ.“ 10ܟܲܕ ܚܙܹܐ ܠܹܗ ܐܲܠܵܗܵܐ ܡܸܢܕܝܼ ܕܥܒ݂ܝܼܕ ܠܗܘܿܢ، ܘܕܵܐܟ݂ܝܼ ܕܝܼܪܗܘܿܢ ܡ̣ܢ ܐܘܼܪ̈ܚܵܬܲܝܗܝ ܒܝܼܫܹ̈ܐ، ܪܘܼܚܸܡ ܠܹܗ ܥܲܠܲܝܗܝ ܘܠܵܐ ܛܘܼܠܩܲܝ ܠܹܗ ܐܲܝܟ݂ ܕܝܼܗ݇ܘܵܐ ܐ݇ܡܝܼܪܵܐ.
Селектирано:
:
Нагласи
Сподели
Копирај
Дали сакаш да ги зачуваш Нагласувањата на сите твои уреди? Пријави се или најави се
Aramaic Bible Translation Assyrian Bible © 2025 Aramaic Bible Translation