Популарни Библиски стихови од Mattha 2

Сподели

The' cum ïntae tha hoose, the' saen tha wee wean wi hïs mither Mary, an the' bood doon an wurshipt hïm. Then the' apent thair kïsts an the' set afore hïm thair gifts o gowld an frankincense an myrrh.

Eftèr Jesus wus boarn ïn Bethlehem ïn Judea, durin tha time that Herod wus Kïng, spaemen frae tha East cum tae Jerusalem an the' axt, “Whar ïs tha yin that haes bin boarn Kïng o tha Jews? Fer we hae saen hïs starn ïn tha East an hae cum fer tae woarship hïm.”

Whaniver the' saa tha starn, the' wur hairt gled.

An bein warnt ïn a draim no tae gae bak tae Herod, the' tuk anither róad bak hame. An eftèr the' went awa, an angel o tha Loard appeart tae Joseph ïn a draim. “Git up,” he toul hïm, “tak aff tae Egypt wi tha wean an hïs mither. Bide thair til A gie ye tha wurd, fer Herod ïs aboot tae hunt oot tha wean fer tae dae awa wi hïm.”