Популарни Библиски стихови од Mareka 14

Сподели

Ndate, u kona linto kaufela. A ku zwise sinwelo se sa manyando ku na. Nihakulicwalo, ku ezwe m'o latela wena, isiñi mo ni latela na!”

Mu tone, mi mu lapele kuli mu si ke mwa kena mwa muliko. Pilu ya mutu i lata ku eza hande, kono mubili wa hae wa fokola!”

Kaniti na mi bulelela kuli ko Litaba ze Nde li ta bulelwa mwa lifasi kaufela, musali yo u ta hupulwa ka kezo y'a ezize!”

Cwale a ba bulelela, a li, “Ni lobehile pilu, mane inge ni ta shwa. Mu siyale fa. Mu tone!”

Ha ne ba nze ba ca, Jesu a nga buhobe, mi a sin'o itumela ku Mulimu, a bu komauna, mi a bu fa balutiwa ba hae, a li, “A mu nge. Se ki mubili wa ka.”

Cwale a nga sinwelo sa waine, mi a sin'o itumela ku Mulimu, a ba fa sona. Mi ba nwela ku sona, kamukan'a bona. Kih'a li ku bona, “Se ki mali a ka, mali a tiisa bulikani bwa Mulimu, mi a sululelwa batu kaufela.”

Jesu a li kwa balutiwa ba hae, “Mu ka tuha mu ni sabela kamukan'a mina kakuli ku ñozwi kuli, ‘Ni ta bulaya mulisana, mi lingu li ka hasanela kai ni kai.’

A mu yeme, lu zamaye, kakuli ya ni beteka s'a fitile!”

Jesu a li ku yena, “Kaniti, ni li ku wena, ‘Bona busihu bo, mukombwe u si ka lila lwa bubeli, wena u ta be s'o ni latuzi halalu!’ ”