Популарни Библиски стихови од Mareka 10

Сподели

Kakuli na, Mwan'a Mutu, na kasibili, ha ni si ka tela ku t'o sebelezwa, kono ni tile ku t'o sebeleza batu, ni ku fa bupilo bwa ka kuli ku liululwe batu kaufela.”

Jesu a ba talima, mi a li ku bona, “Ze pala kwa batu, ku Mulimu ha li pali, kakuli ku yena linto kaufela li bunolo.”

Mi Jesu a li ku yena, “U zamaye! Tumelo ya hao i ku folisize!” Honafo, a bona hape, mi a latelela Jesu.

Hakulicwalo, mutu a si ke a kauhanya se si kopanyizwe ki Mulimu.”

Jesu a mu talima ka lilato, mi a li ku yena, “Kanti u sa tokwa nto i liñwi feela. Zamaya, u y'o lekisa tutu ya hao kaufela, mi mali, u a fe babotana. Kihona u ta ba ni bufumu kwa lihalimu. Ku zwa fo, u tahe, u ni latelele!”

Jesu a mu buza, a li, “U bata kuli ni ku ezezeñi?” Mutu wa sibofu a mu alaba, a li, “Mulen'a ka, ni bata ku bona hape!”

Kono ku mina ha ku cwalo. Ya lata ku ba yo mutuna mwahal'a mina, a be sikombwa sa mina.

Kaniti na mi bulelela kuli, ‘Ya sa amuheli Mubuso wa Mulimu sina mwanana, h'a na ku kena ku ona ni hanyinyani.’ ”

Kono ba bañata ba ba li ba pili ka nako ye, ba ta ba ba mafelelezo, mi ba bañata ba ba li ba mafelelezo ka nako ye, ba ta ba bona ba pili.”

Ku zwa kwa makalelo, Mulimu h'a bupa linto kaufela, u ezize banna ni basali. Kabakaleo, munna u ka tuhela ndat'ahe ni m'ahe, a kumalele musal'a hae. Cwale bubeli bwa bona, se ba ta fetuha mutu a li muñwi. Cwale ha i sa li ba babeli, kono se li mutu a li muñwi.