Популарни Библиски стихови од SALMOS 27

Сподели

Le kwez ža yeḻá' X̱anžon'. Le gon choch ḻáže'le, na' Ḻe' wzé choche' ḻe'e. O', le kwez ža yeḻá' X̱anžon'.

To da' ẕnnabla' X̱anžo Dios. Toze da' ẕdan ḻaža'a, dan' naken soa' liž X̱anžon' yógo'te ža soa' nbana', nich wláb ḻaža'a ka nak yeḻa' ẕen che X̱anžon', na' wcháḻjḻena' Ḻe' ḻo yodo' la'y chie'.

X̱anžo Dios nake' yeḻa' baní' chia', na' Benne' žeslé' neda'. Bi gak no benne' wchebe' neda'. X̱anžo Dios nake' Benne' žape chi'e neda'. Bi gak no benne' wzóe' neda' ḻo da' zedḻe'e.

X̱anžo Dios bchebe ḻaže'e ḻe'ela' da' chawe' chie' gan sóateza' nbana'. Chela' bi žejḻi'a da' ni, na' gat ni'a na'a.

Ḻe' wkache' chawe'e neda' ḻo latje la'y chie' kate' žin ža gak da' bi nak chawe'. Wkache' chawe'e neda' ḻo latjen' gan zoakze' Ḻe'. Wzóe' neda' to gan soa' chawe'.