Популарни Библиски стихови од SALMOS 139

Сподели

Wká'n ẕenkza' Le' dan' ẕente nak da' žono', na' žebanla' ka naken. Dot ḻaža'a nnézkzela' naken ki.

Bwíakze neda', X̱ana' Dios, na' bwia da' yo'on yichj ḻáẕda'wa'. Bwia neda' nich nnezlo' da' ẕza' ḻaža'a. Bwia cha' zoaḻen to da' ẕinnj neda'. Bzoa neda' ḻo nez chawe' chio' dan' zoan to chi'ize.

Le' beno' da' ka' zej yo'on ḻo beḻa' žen chia'. Le' bzo'o neda' ḻo ḻe'e x̱na'a.

Bḻe'elo' beḻa' žen chia' kate' wyá'n. Yógo'te da' ki bzojon' ḻe'e yiche chio', na' wdé na' wyá'n, na' yógo'ten gókgaken kan zej nyejwn.

X̱ana' Dios, ba bwíakzo' neda' na' binlo nónbi'o neda'.

¿Gaẕ gak cha'a zi'to' gan bi zoakze Be' La'y chio'? ¿Gaẕ gak wẕonnja' gan bi zoakzo' Le'?

Nnézkzelo' kate' ži'a, na' kate' ẕzo ža'a. Zíto'le nnézkzelo' da' yo'o yichj ḻáẕda'wa'.

Kate' bi na' wchaḻja', ba nnézkzelo' Le', X̱ana' Dios, yógo'te da' nnia'.

Ẕwíakzo' da' žona', na' da' žezá' ḻaža'a. Nnézkzelo' yógo'te da' žona'.