Популарни Библиски стихови од 1 CORINTIOS 13

Сподели

No benne' nži'ile' lježe': Ẕbeze' ẕen ḻaže', na' nake' ži'i ḻaže'. Bi ẕge'ele' lježe'. Bi ẕka'n ẕen kwine', na' bi žon kwine' benne' blo. Bi žone' da' kegle, na' bi ẕdan ḻaže'e yeḻa' gape. Bi ẕža'atie', na' bi žejsá' ḻaže'e da' ẕinnj da' ben no benne' chie'.

Ẕzoele' bíte'teze da' gon lježe' chie'. Žejḻé'teze' che lježe', na' žx̱en ḻáže'teze' gon lježe' da' nak chawe'. Ẕbézteze' ẕen ḻaže'.

Bi žebele' kate' no benne' žone' da' kegle. Žebele' kate' no benne' ẕnne' da' nak dot da' li.

Na'a, nníta'tezgak yeḻa' žejḻé' che Dios, na' yeḻa' žx̱en ḻaže' Dios, na' yeḻa' nži'il. Zej nnita' da' chonne ki, san da' záka'že naken yeḻa' nži'il.

Yeḻa' nži'il batkle te chen. Te che da' nzi' ḻo na'gak benách ka' wcháḻjgake' ḻo wláz Dios. Žin ža katen' biž gata' ḻo na'gak benách ka' wcháḻjgake' diža' yoble da' bi zej nsedle', na' te che yeḻa' žejní'il chegak benách ka'.

Ḻa'kze ẕchaḻja' x̱tíža'gak benách ka' da' bi nsedla', na' ḻezka' x̱tíža'gak wbás che ya'abá ka', san cha' bi nži'ila' lježa', dan' ẕchaḻjan' bi záka'žen ka žax̱to' da' žon to bžejw da' ẕkwežžon o da' žon to ya da' ẕtiḻžon ḻen lježen.

Ḻa'kze nzi' ḻo na'a wchaḻja' ḻo wláz Dios, na' nich chejni'ila' yógo'te da' zej ngachen', na' yógo'te diža' che yeḻa' žejní'il, na' ḻa'kze nak dot ḻi ḻaže' kan žejḻi'a che Dios, na' zejte gak yeká'a ya'a ẕen ka', san cha' bi nži'ila' lježa', bi be zaka'a neda'.

Ḻa'kze chisa' dot da' de chia' nich wawa' benách yache' ka', na' ḻa'kze wdía' beḻa' žen chia' ga wzeygak benách ka' ḻen dan' naka' toze ḻen Benne' Criston', san cha' bi nži'ila' lježa', bi yebéḻenla' dan' žona'.

Katen' goka' x̱kwide', bchaḻja' ka to x̱kwide', na' wlék yichja' ka to x̱kwide', na' wzá' ḻaža'a ka to x̱kwide'. Kate' bgola', na' bka'na' da' zej naken che bi' kwide' chia'.