Популарни Библиски стихови од Aj Rom 6

Сподели

Quꞌn atzin chojbꞌil ntzaj tuꞌn il, te kyimin. Me atzin toyaj qMan Dios ntzaj tqꞌoꞌn, jun chwinqil te jun majx, noq tuꞌn qmujbꞌil qibꞌ tukꞌa Crist, a Jesús, a qAjaw.

Ex atzin jaꞌlin, ntiꞌl tipin il kyibꞌaja, quꞌn ntiꞌ kyokliꞌn tiꞌjjo a ntqanin ojtxe kawbꞌil kyiꞌja, a kyimin; qalaꞌ noq tiꞌjjo t-xtalbꞌil qMan Dios.

Quꞌn ikytziꞌn, tej qkuꞌx toj aꞌ te jawsbꞌil aꞌ, ikytziꞌn tzeꞌnku ma qo kux muqet junx tukꞌa Crist, tej tkyim. Exsin tej qjatz toj aꞌ, tzaj tqꞌoꞌn qMan Dios jun akꞌaj chwinqil qe tzaluꞌn twutz txꞌotxꞌ, ikyxjo tzeꞌnku te Crist, tej tjaw anqꞌin juntl majl kyxol kyimnin, tuꞌn tipin tqoptzꞌajiyil qMan Dios.

Ex mi txi kyqꞌoꞌn kyxmilila te bꞌinchbꞌil il. Qalaꞌ, kyqꞌonx kyxmilila te Dios te bꞌinchbꞌil bꞌaꞌn, quꞌn ma chi kyima te il, noq tuꞌn akꞌaj kychwinqila, ex ma chi jatz anqꞌiꞌn juntl majl jaꞌlin, me te Dios.

Quꞌn bꞌiꞌn quꞌn, qa a ojtxe qten ntiꞌ tipin qibꞌaj, quꞌn nyakuj o jaw pejkꞌit twutz cruz junx tukꞌa Crist tuꞌn tkyimlin, tuꞌntzintla ntiꞌ tipin il toj qchwinqil jaꞌlin, ex tuꞌntzintla mi qo okine te taqꞌnil il tuꞌn qil

Exsin ikyx kyejiꞌy, kyqꞌonktzin kyibꞌa tzeꞌnku kyimnin te il, me itzꞌ te Dios, noq tuꞌn kymujbꞌil kyibꞌa tukꞌa, tuꞌn Crist, a Jesús.

Qatzin qa ikyjo, ¿Ma kukxpela qo bꞌinchiltzjo il, noq tuꞌn tkubꞌ tnajsin qMan Dios qil tuꞌn t-xtalbꞌil? ¡Mina! Quꞌn ma qo kyim toj twutz il, atxix tej xqo nimin, ex ntiꞌ toklin qiꞌj. ¿Tzeꞌntzin ttentz tuꞌn kukx tuꞌn qbꞌinchin il?

Quꞌn bꞌiꞌn kyuꞌn, qa ma chi oka te kyaqꞌnil jun xjal, il tiꞌj tuꞌn tkubꞌ kynimiꞌn. Exsin ikyxtzjo luꞌn, qa ma txi kyqꞌoꞌn kyibꞌa tuꞌn kybꞌinchiꞌn il, kchi okila te taqꞌnil il. Me noq tuꞌn kꞌwel kynimiꞌn il, kchi xel qꞌiꞌn tuꞌn toj kyimin. Qalaꞌ qa ma kubꞌ kynimiꞌn qMan Dios, kchi okila te tzꞌaqle tuꞌn.

Quꞌn ojtxe, taqꞌnil ilqetaqa. Me atzin jaꞌlin, chjonte Dios, ma txi kynimiꞌn tukꞌa tkyaqil kyanmiꞌn, a tumil xnaqꞌtzbꞌil, a saj qꞌoꞌn kyeꞌy. O chi tzaqpaja te tipin il; atziꞌn jaꞌlin ma chi oka te taqꞌnil bꞌaꞌn.