Популарни Библиски стихови од Juan 1

Сподели

Conoje c'u ri' ri xquic'ulu y xquicoj rubi', xya'taj chique quebu'an e ralc'o'al ri Dios.

Che ri jekebal lo re ruwachulew, xex chi c'o lo wi ri Tzij; ri Tzij xex chi c'o lo wi ruc' ri Dios yey ri Tzij e ri Dios.

Ri K'ijsak cawon chupa ri k'eku'm, y ri k'eku'm na cuch'ij ta c'ana uchupic.

Ec'u wa Tzij xu'an achi, xjeki' c'u chikaxo'l ri'oj, y xkil runimal uchomalil. Y wa unimal uchomalil e ri xuya ri Dios che Rire ruma xew Uc'ajol ri', yey Rire lic c'o unimal rutzil c'u'xaj y sakil K'ijsak ruc'.

Ruma ne Rire, ri Dios xu'an ronoje ri c'o che ruwachulew. We tamaji Rire, na cu'an ta ri' ri Dios janipa ri c'olic. Ruc' c'u Rire c'o wi ri c'aslemal, yey wa c'aslemal e K'ijsak chique ri ticawex.

Chuca'm k'ij c'ut ri Juan xril pan ri Jesús e ri' catajin roponic ruc' y jewa' xubi'ij: «Chiwilape', wa' e ri K'apoj Bexex re ri Dios, ri quesan re ri quimac ri ticawex che ronoje ruwachulew.

Tob Rire e 'anayom re ronoje ri c'o che ruwachulew; echiri' xc'un che ruwachulew, tak ri winak na xqueta'maj ta uwach. Rire xc'un cuc' rutinamit, pero rutinamit na xquic'ul taj.

Ri sakil K'ijsak c'uninak che ruwachulew, e cak'alajisan runa'oj ri Dios chiquiwach tak ri ticawex.

Ri Tzij Pixab xya' ruma ri Moisés; no'j ri unimal rutzil uc'u'x ri Dios y ri K'ijsak e xk'alajin ruma ri Kanimajawal Jesucristo.