Популарни Библиски стихови од Ex 7

Сподели

K'ari' ri Jehová xubij chire ri Moisés: Ninya' q'ij chawe chi ja rat ri yabe pa nuk'exel chuwech ri rey y ja ri animal Aarón jari' ri xtibin-apo ri ch'abel ri nawajo' chi nrak'axaj.

Jak'a yin kan xtinkowirisaj k'a ri ránima ri rey, stape' kan xtinben k'a k'iy ruwech meyel taq banobel re wawe' pan Egipto. Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón. Kan chikijujunal k'a rije' xkik'eq-qa ri kich'ame'y y xe'ok kumetz, jak'a ri richin ri Aarón xerubeq' ri kichin rije'.

Roma ri', rix xtiwetamaj k'a ruwech achike ri Jehová, roma rik'in re ch'ame'y re k'o pa nuq'a' xtinneq-qa re ya' richin re raqen-ya' Nilo y xtok k'a kik'.

Wi ta ri rey xtubij chiwe chi tik'utu' jun nimalej banobel chuwech. Rat xtabij k'a chire ri Aarón chi tuchapa' ri ch'ame'y y tuk'aqa' pan ulew, chuwech-apo ri rey y ri ch'ame'y kan xtok kumetz, xcha' ri Dios. Y xebe k'a ri Moisés y ri Aarón rik'in ri rey y kan xkiben k'a ronojel ri rubin ri Jehová Dios chike. Ri Aarón xuk'eq-qa ri ruch'ame'y chuwech ri rey y chikiwech ri aj-raqen ri yesamej rik'in, y ri ch'ame'y ri' xok kumetz.