Популарни Библиски стихови од Ex 16

Сподели

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'. Jari' toq ri Jehová xubij chire ri Moisés: Yin kan xtinben k'a chi xtiqaqa-pe aj-chikajil-wey. Kan xtiqaqa-pe achi'el nuben ri job y ri winaqi' kan xtikimol k'a ri janipe' nikitej jun q'ij. Yin ninwajo' yentejtobej rik'in re', q'alaj ri' wi nikiben ri ninbij chike.

Chiri' pa tz'iran ruwach'ulew ri winaqi' israelita xa yexebexot k'a chirij ri Moisés y chirij ri Aarón

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.