Популарни Библиски стихови од Ex 10

Сподели

Ri Jehová xubij k'a chire ri Moisés: Kabiyin chik jun bey rik'in ri rey, roma yin in banayon chi rija' y ri aj-raqen kikowirisan ri kánima, richin chi tikitz'eta' na ri nima'q taq nubanobal ri richin jun retal chikiwech rije'. Y richin chi rix nitzijoj chuqa' chike ri iwalk'ual y chike ri iwiy-imam, ronojel re xinben yin re wawe' pan Egipto. Ri nima'q taq nubanobal richin retal, richin chi rix kan tiwetamaj chuqa' chi ja yin Jehová, xcha'.

Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'. Ri Moisés keri' xuben y xpe k'a jun nimalej q'equ'm pa ruwi' chijun ri Egipto y keri' xuben oxi' q'ij. Man jun k'a xtz'eton ruwech ri rachpochel, y chi oxi' q'ij man jun xsilon-el ri akuchi ek'o-wi toq xq'equmer. Jak'a ri tinamit ri akuchi ek'o-wi ri winaqi' israelita kan k'o saqil kik'in.

Y keri' ri Moisés xutzeqej ri ruch'ame'y pa ruwi' ri Egipto, y ri Jehová xuben chi xpe jun nimalej kaq'iq' pa relebel-q'ij chire ri ruwach'ulew. Ri kaq'iq' ri' xuben jun q'ij y jun aq'a' y ri nimaq'a' ruka'n q'ij, ri kaq'iq' e ruk'amon k'a pe ri sak'. Y ri janila chi sak' ri' xe'oqaqa pa ruwi' chijun ri ruwach'ulew Egipto. Kan xeqaqa k'a pa ronojel ulew chijun ri ruwach'ulew ri'. Kan man jun bey k'a k'uluwachitajineq ta keri', ni man jun bey chuqa' chik xtibanatej.