Популарни Библиски стихови од ܡܓܰܠܝܘܢ ܕܠܘܩܐ 23

Сподели

ܘܗܺܝّܶܗ ܝܶܫܽܘܥ ܐܳܡܰܪ ܗ̄ܘܰܐ: ”ܐܰܒܳܐ، ܫܒܰܩ ܐܰ‌ܠّܶܗ (ܗ̄ܰܚ̈ܛܳܗܰܬّ̥ܶܗ) ܡܺܐܝܕ̥ܶܗ ܕܠ݄ܐ ܟ݄ܐܕ̥ܥܺܝ ܡ݄ܢ ܟܣܰܝܡܺܝ.“ ܘ݄ܡܦܰܠܰܓّ̥ܶܗ ܗ̄ܰܠܒܽܘܫ̈ܰܝܕ̥ܶܗ ܘ݄ܡܚܰܠܰܩّܶܗ ܐܰܥܠܰܝّܶܗ ܩܰܪܥܳܐ.

ܘܐܡ݄ܪ ܠܶܗ ܠܶܗ ܝܶܫܽܘܥ: ”ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܐܰܕܝܰܘܡܰܐ ܐܰܥܡܺܝ ܓܕܳܗ̄ܘܰܬ ܒܽܗ̄ܘ ܦܰܪܕܰܝܣܳܐ.“

ܘܐܡ݄ܪ ܠܶܗ ܠܝܶܫܽܘܥ: ”ܕܟܰܪ ܠܺܝ، ܡܳܪܝ، ܗ̄ܺܝ ܢܰܩܠܐ ܕܳܐܬ̥ܰܬ ܒܺܗ̄ܝ ܡܰܠܟܽܘܬ̥ܰܝܕ̥ܳܟ̥.“

ܘܡܰܙܥܰܩ ܠܶܗ ܝܶܫܽܘܥ ܒܩܳܠܳܐ ܥܶܠܳܝܳܐ ܘܐܡ݄ܪ ܠܶܗ: ”ܝܰܐ ܗ̄ܽܘ ܐܰܒܰܝܕ̥ܺܝ، ܒܺܐܝܕ̥̈ܳܬ̥ܳܟ̥ ܓܡܰܚ݄ܬ ܐ̱ܢܳܐ ܗ̄ܺܝ ܪܽܘܚܰܝܕ̥ܺܝ.“ ܗܰܬ̥ܶܐ ܐܡܺܝܪܳܐ ܠܶܗ ܘ݄ܫܠܶܡ (ܬܰܝ݄ܡ).

ܘܺܗ̄ܝ ܢܰܩܠܐ ܕܰܐܬ̥݄ܢ ܠܕܽܘܟܬ̥ܳܐ ܕ݄ܟܡ݄ܩܪܳܝܳܐ ܩܰܪܩܰܦܬܳܐ، ܨܠܽܒّ̥ܶܗ ܬܰܡܳܐ، ܘܠܰܗ̄ܢ݄ܟ ܗ̄ܰܣّܰܝܳܡ̈ܶܐ ܕܰܒّܺܝܫ̈ܳܬ̥ܳܐ، ܚܰܕ̱ ܡܽܗ̄ܘ ܝܰܡܺܝܢܰܝܕ̥ܶܗ ܘܚܰܕ̱ ܡܽܗ̄ܘ ܣܶܡܳܠܰܝܕ̥ܶܗ.

ܘܠܰܐܦ ܫܳܥܬ̥ܳܐ ܫܶܬ̥ (ܦܰܠܓܶܗ ܕܝܰܘܡܳܐ) ܗܰܘܺܝ ܥܰܡܛܳܢܳܐ ܥܰܠ ܟܽܘܠܰܗ ܗ̄ܺܝ ܐܰܪܥܳܐ ܗܳܠ ܫܳܥܬ̥ܳܐ ܬܫܰܥ (ܬܠ݄ܬ̥ ܒ݄ܬ̥݄ܪ ܦܰܠܓܶܗ ܕܝܰܘܡܳܐ). ܘܥܰܬܺܝܡܳܐ ܗ̄ܺܝ ܫܶܡܫܳܐ، ܘܫܺܝܩ ܗ̄ܽܘ ܣܰܬܪܳܐ ܕܽܗ̄ܘ ܬܰܪܥܳܐ ܕܽܗ̄ܘ ܗܰܝܟܠܳܐ ܡܽܗ̄ܘ ܦܰܠܓܳܐ.

ܘܺܗ̄ܝ ܢܰܩܠܐ ܕ݄ܚܙܶܐ ܠܶܗ ܗ̄ܽܘ ܩܶܢܛܪܽܘܢܳܐ ܗ̄ܽܘ ܡܶܕܶܐ ܕܗܰܘܺܝ، ܡܫܰܒܰܚ ܠܶܗ ܠܰܐ‌ܠܳܗܳܐ ܘܐܡ݄ܪ ܠܶܗ: ”ܒ݄ܫܪܳܪܳܐ ܗ̄ܽܘ ܓܰܒ̥ܪܰܢܳܐ ܙܰܕܺܝܩܳܐ ܗ̄ܘܰܐ.“