Популарни Библиски стихови од Genesis 17

Сподели

Umwo Ibulamu andaga na miaka milongo kenda na kenda, Zumbe amlailaga niyo agamba, “Ni miye Mnungu ywo udahi. Unitegeleze miye naho udamanye yakwelela mazuwa yose.

Howitangwe naho Ibulamu, nowitangwe Ibulahimu, kwaviya hikutenda tate ywa want'hu wengi wa si nyingi”.

“Neni didime dilagano dyangu kwako na kwa welekwa wako kwe cheleko kikwiza kunda lagano hediina uheelo. Neninde Mnungu ywako naho neninde Mnungu ywa welekwa wako.

“Naika lagano idi na weye, nakugamba nounde tate ywa want'hu wengi wa si nyingi.

Niyo Mnungu amgamba, “Bule. Mkaziyo Sala naakwelekele mwana kilume naho noumwink'he zina niye Isaka.” Neniike Ndagano yangu na Isaka hamwenga na welekwa wakwe, Ndagano ya mazuwa yose.

Nohwink'he weye na vyeleko vako isi ino mkwikala haluse enga watakwiza. Isi ino yose ya Kanani inde yenyu mazuwa yose, miye name neninde Mnungu ywawe.”

Ibulahimu afunamilaga hasi, kihanga chakwe kika sila mwe sanga, mna andaga akaseka uku akafanyanya akagamba, “ Ivo vadahika mt'hu kweleka mwana akanda mdala ywa miaka gana? Vadahika Sala mta miaka milongo kenda eleke mwana?”

Mnungu niyo agendeela kumgamba Ibulahimu, “Homwitange naho mkaziyo, Salai, kukongela ivi haluse noumwitange mkaziyo, Sala.

Nomvinilwe, naho nicho nekinde kilagiso che dilagano mwa miye na nyuwe.

“Lagano dyangu nedikint'he kwa mwanao Isaka akuunga elekwe ni mkazio Sala lupisi enga ulu mwaka ukwiza.”

Kila mwana wa kigosi ywa mazuwa mnane vaungwa avinilwe, hamwenga na watumwa welekwe mwe kaya zenyu, hegu watile kugulwa kwa matundu yenyu kulawa kwa watakwiza wadya hiyo welekwa wako. Kila elekwe mwe nyumba yako hata aguligwe kwa matundu aungwa avinilwe. Icho nekinde kilagio mwo mwili wako che dilagano dyangu dya mazuwa yose.