Популарни Библиски стихови од Mateus 28

Сподели

Hau raho iyoloil sawori uruteri farüya hauda faülüül bwa ebwe iil lei tabwei, nga hau hori iiteri Papa ma Raurou ma Ngörü Liya ifiri yami hatütüül, nga hau kaüül bwa labwe tabweni uruteri marahawe i hauhemi bwa haubwe faülü. Ngaangu ra ibwe pülühemi söhü eda tohongari ileileri farüyeri yalemat.”

Hesus eda haleparaho iyoloil eda haüül bwa, “Dios e mori hariyei uruteri ppouri weirengi ma weidarop.

Anghel eda haüül faifire hara bwa, “Hau tawai matahü. I hüra bwa hau kupeti Hesus we la siforungeri kurus. E tai mire ihar bwa eda mori simwatahe ma ifiri made, eda weya sahü-mo e dölü bwa ebwe faülüyehi. Hau bwitoho bwa haubwe habaühü-mo e woro irang.

Hesus eda haüül bwa, “Hau tawai matahü. Hau bwitiwo hauda haüül marahara bwidi bwa labwe bwitahe Kalilea, bwa ihira na labwe käkäneyai ma irang.”

Marahara tamorul paderei lada welifängääni ma marahara tarapari yalemat bwa labwe habaühü hale meta na labwe faülü; lada akka tarapari mwanne lada hariil lei matarahi nga la haüül bwa, “Haubwe dölü bwa marahawe lei tabwer la bwitahe nibwongi lada hamwararaho podür ifiri na hami hau madülü. Nga sahü nga kafernor eda longolongo mena, ira nga hamami hai dowara titirongari haida haüye bwa e tawol tammaü na hau faülü, eda tawai wol na haubwe fangiyengi irang.” Lei matarahi hara lada hädi mwannera lada raho lada tapa-mo la haüül bwa labwe dölü. Titiror na eda miretiwo nipatael lei Yudea eda tohotoho me laneiya.