Популарни Библиски стихови од Mateus 24

Сподели

Niyator na yatori tammaü eda pipiye yalemat na eda tawola raho yael mäni hamamaü. Nga dari na yalematara e hasingisingi eda tohongari na haühühür ra ebwe rru.

Titiro Maho ra hataingehiri Farüyeri Dios ra larau hori kaü uwawori uruteri farüya bwa urutael yalemat nga labwe pari longolongo, nga ifiri mena nga erau bwitoho ileileri farüyeri yalemat.

Haubwe longolongo habulohosori mauri nihalepami ma titiini mauri nitaawa. Nga dari na hau tawai fangiyengi ifiri titiro har. Marahar ra hataingehiri na ebwe faülüyehi, nga e tai nifaari na e mori bwito ileileri farüyeri yalemat.

Farüye ra larau mauri fängääni nga farüyael king nga la buho fängääni. Ebwe wol rangitaari farüye nga ebwe üsühehi farüye wori pipiyeri farüye. Uruteri marahar ra e weya hapurotaheri hamatahi diye bwa erau fadafad.

Rangi ma masalo ra ebwe tawolaraho, nga ramai ra e tawau süya bwa ebwe tawolaraho.

E pipiye yalematara labwe bwitoho lada dölü bwa la hädi ramai nga la dölü bwa, ‘Ngaangu Mesias!’, nga erau pipiye yalemat na labwe sapal.

“Ifiri mena na larau dubulihemi lada hädihemiraho bwa labwe hahalihemi nga la riihemi. Ngaangu sapir na urutael yalemat lada dongahirihemi. Ifiri mena nga e rau pipiye marahara e rau peitaraho yael hatödü lada hatawadi fängäniye titiroil, nga la haranaro fängääni. Nga eda para pipiya dautongiri profeta ra larau bwitoho lada hosowayel towuri yalemat.

Hesus eda haüül bwa, “Hau halihiye bwa yalemat ete hosowahami.

Ira sahü söüri na hami-mo nga haubwe faaülü ra haubwe hawerewere hami söhü, bwa Raüri Yalematara ebwe bwitoho niyatora haü tei mangiya bwa ebwe bwitoho ma irang.

Haubwe halihihemi bwa haü tahüra lanera ebwe bwitoho yami Tamorü.

“E tawol demarü yalemat re e hüra hale lane meta ma yato meta na ebwe faülüyehi merer. Anghelari weirengi la tahüra nga Raüröü nga e tahüra. Har demarü Papa na e hüra.

Haubwe hüra bwa e wol marahara doutongiri mesias ma doutongiri profeta ra labwe bwitoho lada faaülü kamarari yarüdü nga la faülüüni titiro halülüdü bwa ebwe süya bwa labwe hosowael yalemat, nga la hosowael marahara Dios e tiwereil ifiri na ebwe süya ngariil.

Bwitohori Raüri Yalematara ebwe weya-mo e faülüyehi ifiri yatori Noa. Imowari na e bulotahe farüya nga yalemat la mwangaü nga la ürü nga la liili eda tohongari lanewe Noah e taütahe üsüri ark . Yalemat la tahüra na e faülüyehi eda tohongari na e bulotahe farüya lada ppari maanaho. Ira sahü souri na ebwe faülüyehi ifiri na ebwe wehitafaari Raüri Yalemat.