Популарни Библиски стихови од သျှင်လုကာ 10

Сподели

နားထောင်ကတ်ပါ၊ ငါက သင်ရို့ကို အဆိပ်ဟိရေမြွီဆိုးတိနန့် ကင်းမြှီးကောက်တိပိုင် မကောင်းဆိုးဝါးတိကို နင်းသတ်ဗျာလ် ငါရို့၏ရန်သူဖြစ်တေ မာရ်နတ်၏တန်ခိုးအားလုံးကို အောင်နိုင်ရေ အခွင့်အာဏာတိ ပီးအပ်ထားပြီးဗျာလ် ဖြစ်တေ။ ယေတွက်နန့် ဇာအရာကလေ့ သင်ရို့ကို ထိခိုက်အောင် လုပ်နိုင်လိမ့်မေ မဟုတ်။

ယေခါ ကိုယ်တော်က “မာသ၊ မာသ၊ သင်က အရာရာတိုင်းကို စိုးရိမ်ပူပင်နီရေ။ ယေကေလည်း အမှန် လိုအပ်ရေအရာက တစ်ခုတည်းရာ ဟိရေ။ မာရိက ယင်းချင့်ကို ရွီးထားပြီးဗျာလ်ဖြစ်လို့ ယင်းအရာကို သူမဘားက တစ်ယောက်လေ့ ယူလို့ မရပါဗျာလ်” လို့ မိန့်တော်မူလီရေ။

ယင်းသူက “ကျမ်းစာမာ ‘သင်၏အသျှင်ဖြစ်တေ ဘုရားသျှင်ကို သင်၏ကိုယ်၊ စိတ်၊ နှလုံး သုံးပါးစလုံးနန့် သျှစ်ခင်ရမေဖြစ်ပနာ သင်၏အိမ်နားပါးချင်းကိုလည်း သင့်ကိုယ်သင် သျှစ်တေပိုင် သျှစ်ခင်ပါ’ လို့ ရီးထားပါရေ” လို့ လျှောက်တင်လီရေ။

ကိုယ်တော်က သူရို့ကို မစီလွှတ်ခင် “လူအများကြီးက ငါ့ကို ယုံကြည်လက်ခံဖို့ အဆင်သင့်ဖြစ်နီကေလည်း သူရို့ကို မင်္ဂလာသတင်းကောင်း ဟောပြောဖို့ လူတိမာ နည်းပါရေ။ သူရို့က ရိတ်ရဖို့ အလိုက်သင့်ဖြစ်နီရေ လယ်ကွင်းကြီးနန့်တူကေလည်း သူရို့ကို ရိတ်သိမ်းဖို့ အလုပ်သမားတိမာ မလုံလောက်ပါ။ ယေတွက်နန့် ဘုရားသျှင်ဘားက သူ၏လယ်ကို ရိတ်သိမ်းဖို့အတွက် အလုပ်သမားတိကို ပိုလို့စီလွှတ်ဖို့ ဆုတောင်းကတ်ပါ။

ယေပြီးကေ ကိုယ်တော်ယေရှုက ကျမ်းတတ်ဆရာကို “ယင်းလူသုံးယောက်မာ ဒါးမရ အတိုက်ခံရရေ လူ၏အိမ်နားပါးချင်း အစစ်အမှန်က ဇာသူဖြစ်ဖို့လဲ” လို့ မိန်းတော်မူလီရေ။ ယင်းခါ ကျမ်းတတ်ဆရာက “သူ့ကို သနားကရုဏာထားဗျာလ် ကူညီပီးရေလူ ဖြစ်ပါရေ” လို့ ဖြေလိုက်တေအခါ ကိုယ်တော်က “သင်လည်း ယင်းနည်းအတိုင်းကျင့်ပါ” လို့ မိန့်တော်မူလီရေ။

အဂုပင် လားကတ်ပါ။ ယေကေလည်း နားထောင်ကတ်ပါ။ သင်ရို့ကို ငါ စီလွှတ်ပြီးရေအခါ သင်ရို့က ရက်စက်ကြမ်းကြုပ်တေ ဝံပုလွေတိထဲမာဟိရေ သိုးသျှေတိပိုင် အန္တရာယ်တိနန့်ရင်ဆိုင်ရလိမ့်မေ။