Популарни Библиски стихови од ရှာန်လုကာ 4

Сподели

စီးမှါခ့်ခါ ကိုယ်တော်ကား “ဆာန်းရဲဆားတာတ်နင်း ဆတာန်းမလဲတေ ငှေါကာဒင် ငါတေဘုရားရှာန်ကား မယ်ပဲဘင်းအတွာတ် အရှာန်ဘင်း ဉာဏ်အလင်းတော်ကား ငါယောက်အတူတူငှါဘန်းနင်းမှာ။ ဘုရားရှာန်ကား အကျဉ်းအက်နင်းဘင်းဆိတ်တာတ်တေ လွောပ်သစိန်းဒင်၊ မိတ်တူရှီအကတုံန်ဘင်းဆိတ်တာတ် ပြန်သဘန်းကတုံန်စိန်းဒင်ယောက် ဒုက္ခထုတ်ပန်းနင်းဘင်းဆိတ်တာတ် လွောပ်သကြီးဘန်းငှေါဘင်းတေ ဟောသကာဒင် ငါတေတာတ်နီလားထှာမှာ။ အရှာန်ကား ဟိန်ဘင်းသမီဆတာတ်တေ ကရုဏာတော်ကာကူဘင်း အချိန်ထှာမှာငှေါဘင်းတေ ကြေငြာသဒင် ငါတေတာတ်နီလားထှာမှာ” ညယ် ထှာမှာ။

အန်နိမ်စါန်းငှေါဒီ ကိုယ်တော်ကား “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်တစ်ပါးတည်းတေ၌ဆာ ဝိုင်သထှာဘန်း ဟိန်အမှုတေဒေ၌ဆာ အွန်ထှာကူ’ ညယ် ရေးသကာပဲမှာ” ညယ် မာရ်နတ်တေ ပြန်သဘန်းငှေါရာန်မှာ။

အန်၌မှါခ့်ခါ ကိုယ်တော်ရီးဒါး “ကျမ်းကျိန်းဘေ ‘သမီဆာကား ယုတ်တင်စားနူဆယောက် အဆာတ်စာနင်းလားအချီရား’ ညယ် ရေးသကာပဲမှာ” ညယ် မိန့်တော်မူသမှာ။

စီးမှါခ့်ခါ ကိုယ်တော်ယေရှုကား ဉာဏ်အလင်းတော်ယောက် အတူတူငှါနင်းဘန်းနာ ဂျော်ဒန်မြစ်ဟက် ဒီဟာန်းဘန်း ဉာဏ်အလင်းတော် ဦးဆောင်သဘန်းနာ သမီဆာထုတ်လားစစ်ပင်းအရပ်ပါ လာန်ဘဲမှာ။

အန်၌မှါခ့်ခါ ကိုယ်တော်ယေရှုရီးဒါး “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်ဒေ အစမ်းသပ်သလူဝါး’ ညယ် ရေးသပဲမှာ” ညယ် မိန့်တာန်မှာ။

မာရ်နတ်ရီးဒါး ကိုယ်တော်ဒေ နည်းမျိုးစုံယောက် ဖြားယောင်းသွေးဆောင်သဘန်း စီးမှါခ့်ခါ ကိုယ်တော်ဟက် ပူလာန်ဘဲဘန်း ပန်းနူအခွာမ်းအရေး လူဟာန်းကူဘင်းတေ ဒဲဘန်းနင်းဟာန်းမှာ။

စီးမှါခ့်ခါ မာရ်နတ်ကား ကိုယ်တော်ဒေ အကြီးကျယ်မြန့်သဘင်း ကယာစောက်ပါကော်လာန်ဘဲဘန်း ကမ္ဘာစောက်ပေငှါဘင်းနိုင်ငံအားလုံးတေ ခဏဆရောက် ကာရာန်မှာ။ စီးမှါခ့်ခါ မာရ်နတ်ကား ကိုယ်တော်ဒေ “အဘင်းနိုင်ငံအားလုံးတေ အုပ်ချုပ်သရန်ဘင်း အခွာမ်းအာဏာယောက် စည်းစိမ်ဥစ္စာတေဒေ နာန်တေ ငါအီကူ။ ဟမာန်တွာတ်ငှေါဘန်းတာတ်ငှေါ အန်ဘင်းနာတေကား ငါတေ အီပဲစီးဘန်းထှာဘင်းအတွာတ် ငါအီကာတ်ပင်း ဟာဟမဲဒေစါန်းငှေါဒီ ငါအီရန်မှာ။ အမှာတွာတ် ငါတေဟလာန်းငုတ်ပန်း ဝိုင်သဘန်းကား အဘင်းနာတေဒေ နာန်နင်းအီကူ” ညယ် ငှေါမှာ။ အန်နိမ်စါန်းငှေါဒီ ကိုယ်တော်ကား “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်တစ်ပါးတည်းတေ၌ဆာ ဝိုင်သထှာဘန်း ဟိန်အမှုတေဒေ၌ဆာ အွန်ထှာကူ’ ညယ် ရေးသကာပဲမှာ” ညယ် မာရ်နတ်တေ ပြန်သဘန်းငှေါရာန်မှာ။

ပန်းနူ မာရ်နတ်ကား ကိုယ်တော်ဒေ ဂျေရုဆလင်မြို့ဘေငှါဘင်း ဗိမာန်တော်အမြာန့်တုံန်းပါ ကော်လာန်ဘဲဘန်း “နာန်ကား ဘုရားရှာန်ဘင်းဆာထှာဘန်းကား အဘင်းဟက် ဝါးအက်နာန်။ ကျမ်းကျိန်းနောင်းဘေ ‘ဘုရားရှာန်ကား နာန်တေ စောင့်ရှောက်သဒင် ဟိန်ဘင်းမဲဘင်းဟမန်းတေဒေ အမိန့်အီကူ။ နာန်တာတေဒေ လုံးကရှီတေယောက် အထိသကွန်း အန်တာတ်သဟူးယောက် ဖင်ပဲကြီးကလား’ ညယ် ရေးသပဲဘင်းအတွာတ် နာန်ကား ကနာကလားအချီရား” ညယ် ငှေါမှာ။ အန်၌မှါခ့်ခါ ကိုယ်တော်ယေရှုရီးဒါး “ကျမ်းကျိန်းနောင်းဘေ ‘နာန်အရှာန်ထှာဘင်း ဘုရားရှာန်ဒေ အစမ်းသပ်သလူဝါး’ ညယ် ရေးသပဲမှာ” ညယ် မိန့်တာန်မှာ။