Популарни Библиски стихови од လုကာ 9

Сподели

မှနောက်အာ ကိုယ်တော်နာ လူထုပရိသတ်ရက်အင် " ငါကနောက်လိုက်တပည့်ဖြစ်ကက်ဟေကား ရိကက်ကလူးရိယင့် ကိုယ်ကျိုးယင်စွန့်လွတ်ကို့ အပါနာကလက်ဝါးကပ်တိုင်ငင် ကိုယ်တိုင်ဖေ့ကို ရယက်တုန် ငါကအလိုဝါယောလှုပိုကား။

အဇာရိကို့အငါနဲ့ မှလောကယာ အပါနားဂါအဆက်အင် ကယ်တင် ကက်ကား အရိကက်ကားလူးရိယင့် နိစ္စထာဝရအဆက်အင် လှူလင်ကားအရိကယေ့ ငါကအတွက်ကြောင့် အပါနာကအဆက်အင်ဒင့် စွန့်လွတ်ကက်ကစိတ်ငါနဲ့ နိစ္စထာဝရအဆက်အင် လှုလင်ကားဖြစ်ဟေ။

ညီးငါ့ဒင့်ယေ ကိုယ်တော်ယေရူနာ "လယ်ထွန်တုန်းဇမ်း အလိုဝါလှည့်ကို့ယူတုန်းနဲ့က(လ်) အမာကအလိစ်နာ ကျီးလင်ကအရိပါ(လ်)။ အိမ်မာဒေဟုန်း လူးဟူးဝါပါဆာနာ ငါကအလိုဝါ တပည့်အဖြစ်စကို့ယောကက်ကယေ့ အယောက်ကအူဇာဆူးဝါကအပေါ်ဝါ အာရုံလွဲတုန်းနဲ့က(လ်) အမာနာ ဘုရားရှင်ကသာသနာတော်ဝါ အဆုံးဆင်ကအလိစ်အင် လိစ်လင်လှုကအရိပါ(လ်)"ငါ့ကို ငါ့လင်ကဟေ။

လူနာ မှကမ္ဘာလောကကား စည်းစိမ်ဥစ္စာရက်အင် ပိုင်ဆိုင်ပိုကယေ့ အမာကအဆက်အင် ဆုံးရှုံးပိုနဲ့က(လ်) အဇာအကျိုးငန်ကယား။

နနိန်ရက်နာ ငါအိမ်ငါကတရားတော်အတွက်အိမ် အစမ်းနဲ့က(လ်) လူ့သားတော်ဖြစ်ဟေကငါယေ ငါကဘုန်းတန်ခိုး၊ အဗား(ဖ်)ဘုရားကဘုန်းကျက်သရေအိမ် ရွှေမြို့တော်ဝါက မြင့်မြတ်ကဟမန်းဒေဝါရက်ကဘုန်းကျက်သရေအိမ်မက်တာ မှကမ္ဘာလောကယာ ပြန့်ကိုကြွဗန်ကရပ် နနိန်ရက်နာ ငါကနောက်လိုက်တပည့် အရိပါ(လ်)ငါ့ကို ငါငြင်းလင်ကား။

ကိုယ်တော်နာ "ချေးဝါရက်က အိပ်ကဇမ် ဂြိုင်ငါဟေ၊ အူဆီရက်ကယေ့ အိပ်ကဇမ်း အထိုငါဟေ။ ညီးင့ဒင့်ယေ့ ငါလူ့သားတော်ကက(လ်) အိပ်ကဇိစ် ကိန်းဒင့်အငါပါ(လ်)" ငါးဂို့ ငှားလင်ကဟေ။

"ရိကက်ကလူးရိယင့် ငါကအတွက်အိမ် မှမန်ဆာဒေလေက လူးယင်လက်ခံကလူးနာ ငင်လက်ခံကမယ်ဖြစ်ဟေ။ ငင် လက်ခံကလူးယေ့ ငင်အခွင့်အာဏာအိမ် ဖြောက်နက်အန်က အရှင်ငင် လက်ခံကလူးမယ်ဖြစ်ဟေ။ အဇာရိကို့အငါနဲ့ နနိန်ရက်ကအထဲယာ အပါနာကအပါနာ အနှိမ့်ချဆုံးကလူးငါ့ကို မှတ်ပီဟေကလူးနာ ဘုရားရှင်ကအမြင်ငါ မြင့်မြတ်ကလူးမယ်ဖြစ်ဟေ" ငါ့ကို င့ါလင်ကဟေ။