Популарни Библиски стихови од လုကာ 11

Сподели

မှအကြောင့် နနိန်ရက်နာ အမီကလူးဖြစ်တုန်းကဒင့်ယေ နနိန်ရက်က အဆာ၊ဆာအိရက်ဇိစ် မီဟေကအူဇာရက်မယ်အီပိုကငါ့ကိုချေးနဲ့က(လ်) ရွှေမြို့တော်ဝါငါဟေကား အဗာ(ဖ်)ဘုရားရှင်ယေ့ အမာထနဲ့ စိန်ဟေကားလူးရက်ဇိစ် မီဟေကားအူဇာရက်အင် အီဟေကတောင်မှာဒင့် ဉာဏ်အလင်းတော်ယင်ပါ အမှန်တကယ်အီလင်ကားဖြစ်ဟေ"ငါ့ကို ငါ့လင်ကဟေ။

မှကြောင့် နနိန်ရက်အင် ငါ ငါ့ကက်ကနာ "စိန်ငင်း၊ နနိန်ရက်လှုဝါပိုဝန်က။ ဆုံးယင်ဂီး၊ နနိန်ရက်ပိုလင်ပိုကား။ အဟင့်ဟောက်ငင်း အဟင့်ဟောက်ဟေက လူးစီး ဖွင့်အီယန်က။

အဇာရိကို့အငါနဲ့ စိန်ဟေကလူးတိုင်း လှုလင်ပေါ်ကား။ ဆုံးဟေကလူးတိုင်းကဒိန်ယန်ကာ။ အဟင့်ဟောက်ဟေက လူးတိုင်းယေ့ အဟင့်ဖွင့်အီလင်က။

မှကြောင့် ကိုယ်တော်ယေရှုနာ အမှာရက်အင် "နနိန်ရက်ဆုစိန်ဟေကအခါ 'အဗား(ဖ်)ဘုရား၊ အဗား(ဖ်)ဘုရားဂါ အမိန်းနာ ရိုသေလေးမြတ်ဟေကား ငါလင်ပါစေ။ သာသနာတော်ပေါ်ထွန်းပါစေ။

ငါ့ရက်ကအပေါ်ဝါ အပြစ်ကျူးလွန်ဟေ့က လူရက်အင် ငါရက်ခွင့်လွတ် အီကတလည်း ငါရက်ကအပြစ်ရက်အင်ယေ့ ခွင့်လွတ်အီယန်နက်နိမ့်။ ငါရက်အင် အပြစ်လိစ်တိ(လ်)မနီး ဖြားယောင်းသွေးဆောင်ဟေကရက်အင်ယေ့ ကာကွယ်အီယန်'ငါ့ကို ဆုစိန်ယင်ဂီး" ငါ့ကို ငါ့လင်ကဟေ။

ငါ့ရက်ကအတွက် စိုးဟေကား အစာအာဟာရရက်အင် ယက်တာကရား အီယန်နက်နိမ့်။

မှအကြောင့် နင်ကကိုယ်ခန္ဓာဆူးဝါလုံးနာ ထင်းမုတ်မုတ်ဖြစ်တုန်းကအပိုင်းအငါထမ်း လင်းတုန်းကို့ ဗန်(ဖ်)ကအလင်းရောင်နာ နင်ကအဖုံးငါလင်းတုန်းကတလေ နင်ကကိုယ်ခန္ဓာဆူးဝါလုံးနာ လင်းတုန်းလင်ကား"ငါ့ကို ငါ့လင်ကဟေ။

ကျီးကအိမ် ကိုယ်တော်နာ "ဗန်(ဖ်)ထွန်းပီဟေကား မီးအိမ်ယင် ဟူးဝါယေ့ အဆေးပီက (အရိနဲ့) တောင်အမုတ်အာယေ့ အဆေးကိုအပီပါ(လ်)။ အိမ်မှအစား ကိန်းတာဟုန်းငါ ဆင်ငန်ကလူးရက် အလင်းရောင်လှုကအတွက် မီးအိမ်ငင် မီးတိုင်ငါမယ် ချိတ်ပီဟေ။