Популарни Библиски стихови од لوقا 13

Сподели

«سَخت تَقلّی ائدینز تا دار دَردَن ایچری گیرَینز. سیزه دئییرم کی چوخ آداملار ایچری گیرمَک ایچی تَقلّی ائده‌رلَر آما باشارمازلار.

بیر آرواد اؤردا ایدی کی بیر شَریر روح، اون سَکّیز ایل ایدی کی اؤنو عَلیل ائدمیشدی. بئلی اگیلمیشدی و شَق تورا بیلمئیردی. عیسا اؤنو گؤرَنده اؤنو اؤز یانینا چاغیردی و دئدی: «آرواد، سَن اؤز عَلیل‌لیگینگدَن آزاد اولدونگ.»

اوندان سورا عیسا اؤز اَلینی آرواد اوستونه قؤیدو و ائله او آن آرواد شَق توردو و تارئ‌یی حمد و ثنا ائدی.

باخ، اوللار کی آخیرکی دیرلَر، اَوّلکی اولارلار و اوللار کی اَوّلکی دیرلَر، آخیرکی اولارلار.»

اوندا کی ائو اَیه‌سی تورا آیاقی و دَری باغلایا، بیر گؤرَرَینز کی یازّیدا قالمیشاینز. او موقع دَری چالاراینز و دئیه‌رَینز: ”آقا، دَری بیزه آچ!“ آما او سیزه جواب وئره‌ر: ”من سیزی تانیمئیرام؛ بیلمئیرَم هاردان گلمیشَینز.“

اَلبَت کی یو! آما سیزه دئییرم؛ اگر توبه ائدمئیَینز، سیزینگ وارینز دا اوللار له‌یین هلاک اولاراینز.»

آما او گئنه ده سیزه دئیه‌ر: ”دئییرم کی سیزی تانیمئیرام؛ بیلمئیرَم هاردان گلمیشَینز. ای پیس ایش گؤرَن‌لَر، مَندَن ایراق اولینز.“

اوندان سورا عیسا دئدی: «تارئ پادشاه‌لیگی نَمنه‌یه بنزه‌ییر؟ اؤنو نَمنه‌یه بَنزه‌دَم؟ او، بیر خَردَل دانی له‌یین دیر کی بیر آدام اؤنو اؤز باغیندا اَکدی، او دان، گئیَردی و بیر آغاج اولدو ائله کی گؤیونگ قوش‌لاری گلدیلَر و شاخالاری آراسیندا یووآ ائدیلَر.»