Популарни Библиски стихови од انجیل لوقا 24

Сподели

بِبِنی، ما مِ چِی که بای آسِمونیم وعدَه اُشدَدِ، اُ لِی شما اَفرِستام، ولی تِی اِ شهرا وامانی تا موکَه‌ای که، کُدرتی که از آسِمو اَدا اُ شما پُر بِکو.»

عیسی اِکا نی، آنا زندَه آبُدِ. اُیاد بیاری وَختی که هَنو تِی جلیل هاد، چینا شُ شما گُت که،

مِ موکَوا، چَشیاشو واز آبو و اُ عیسی شُشناسی. جِخُو عیسی از جلووِ چَششو ناپدید بو. آنایا شُن یَه گُت: «اُتدی تِی رَه که خاد اَما حرف شَزاد و نوشتَه‌ئِی مکدّسا اَسِی اَما توضیح شَدَ، چینا دلیامو تاپ تاپ شَزاد؟»

و شُ آنایا گُت: «نوشتَه بُدِ که باید مسیح موعود عذاب بِکَشِه و رازِ سوّم از مُردَیّا زندَه آبِه، و اِکِه وَ اسم آنا توبَه کِردَ و بَخشِدَهِ گناهیا، باید از اورشلیم شروع بِبِه و اُ هَمَهِ ملتیا اعلام بِبِه.

آنایا شُدی مِ سنگ گاتی که جلووِ دَهَنَه مَکبَرَه اُشگِرِتِستاد اُ لَرد زادَ بُدِ. ولی وَختی اُ تِک مَکبَرَه چِدِت، جَسد خداوند عیسی‌ئا شُنانِجو.