Популарни Библиски стихови од Hebrews 5

Сподели

မာသောအစားအစာသည်ကား အရွယ်ရောက်ပြီး သူတို့အတွက်ဖြစ်သည်။ သူတို့သည်လေ့ကျင့်မှုအားဖြင့် အကောင်းနှင့််အဆိုးကို ပိုင်းခြားသိရှိသူများဖြစ်ကြသည်။

သင်တို့သည် အချိန်ကာလအရ ဆရာများဖြစ်သင့်သော်လည်း ဘုရားရှင်၏နှုတ်ကပတ်တော်နှင့်ဆိုင်သော အခြေခံအမှန်တရားများကို တစ်စုံတစ်ယောက်မှ သင်တို့အား သင်ကြားပေးရန် လိုနေသေးပါသည်။ သင်တို့သည် မာသောအစားအစာအား မစားနိုင်ကြသေးဘဲ နို့ကိုသာလျှင် သောက်နိုင်ကြသေးသည်။ နို့ကိုသာ သောက်သုံးနိုင်သောသူများသည် နို့စို့သူငယ်သာဖြစ်သောကြောင့် အမှန်နှင့်အမှားကို သိရှိနားလည်သူမဟုတ်ပေ။

ကိုယ်တော်သည် ဘုရားရှင်၏သားတော်ပင်ဖြစ်သော်လည်း ဆင်းရဲဒုက္ခများကိုခံခြင်းအားဖြင့် နာခံတတ်ရန် သင်ယူတော်မူသည်။ ကိုယ်တော်သည် ပြီးပြည့်စုံခြင်းသို့ရောက်သောအခါ မိမိအား နာခံသောသူအပေါင်းတို့၏ ထာဝရကယ်တင်ခြင်းပေးတော်မူသော အရှင်ဖြစ်လာတော်မူသည်။

ခရစ်တော်သည် လူ့ဇာတိနှင့်သက်တော်ထင်ရှားရှိစဉ်အခါက မိမိအားသေခြင်းမှ ကယ်တင်တော်မူနိုင်သော ဘုရားရှင်ထံတော်သို့ ကြွေးကြော်ကာမျက်ရည်ကျလျက် အသနားခံတောင်းလျှောက်တော်မူသည်။ ဘုရားရှင်သည်လည်း ကိုယ်တော်၏ဆုတောင်းချက်များကို နားဆင်တော်မူခဲ့သည်။ အဘယ့်ကြောင့်ဆိုသော် ကိုယ်တော်သည် စိတ်နှလုံးနှိမ့်ချလျက် ဘုရားရှင်၏အလိုတော်ကို ဝန်ခံတော်မူသောကြောင့်ပင်ဖြစ်သည်။