Популарни Библиски стихови од 2 Peter 1

Сподели

အသက်ရှင်ခြင်းနှင့်တကွ ဘာသာတရားကိုင်းရှိုင်းခြင်းတို့နှင့်ဆိုင်သော လိုအပ်သည့်အရာအားလုံးတို့အား ကိုယ်တော်သည် မိမိ၏ဘုရားတန်ခိုးတော်ဖြင့် ကျွန်ုပ်တို့အား ပေးတော်မူသည်။ ဘုန်းအသရေနှင့် ကောင်းမြတ်တော်မူခြင်းကို ခံစားရစေရန် ကျွန်ုပ်တို့အား ရွှေးကောက်တော်မူသောအရှင်အား သိခြင်းအားဖြင့် ဤအရာအားလုံးအား ကျွန်ုပ်တို့လက်ခံရရှိကြသည်။ ကိုယ်တော်သည် ထိုဘုန်းအသရေတော်နှင့် ကောင်းမြတ်တော်မူခြင်းတို့အားဖြင့် အဖိုးတန်၍ကြီးမြတ်သော ကတိတော်ကို ကျွန်ုပ်တို့အား ပေးတော်မူသည်။ ထိုကတိတော်အားဖြင့် သင်တို့သည် ဤလောကတွင် ဖောက်ပြန်ပျက်ဆီးတတ်သော ကိလေသာအညစ်အကြေးများမှ လွတ်မြောက်နိုင်ပြီး ဘုရားရှင်နှစ်သက်တော်မူသော အမှုတော်တွင် ပါဝင်စေရန်ဖြစ်သည်။

ဤအကြောင်းကြောင့် သင်တို့သည် မိမိတို့၏ယုံကြည်ခြင်းကို ကောင်းမှုပြုခြင်းကိုလည်းကောင်း၊ ကောင်းမှုပြုခြင်း၌ အသိပညာအားဖြင့်လည်းကောင်း အသိပညာ၌ မိမိကိုယ်ကိုယ် ချုပ်တည်းခြင်းဖြင့်လည်းကောင်း၊ မိမိကိုယ်ကိုယ်ချုပ်တည်းခြင်း၌ သည်းခံခြင်းကိုလည်းကောင်း၊ သည်းခံခြင်း၌ ဘုရားဝတ်၌မွှေလျော်ခြင်းဖြင့်လည်းကောင်း၊ ဘုရားဝတ်၌ မွေ့လျော်ခြင်းကို ညီအစ်ကိုမောင်နှမ ချစ်ခြင်းကိုလည်းကောင်း၊ ညီအစ်ကိုမောင်နှမချစ်ခြင်း၌ ချစ်ခြင်းမေတ္တာဖြင့်လည်းကောင်း ထပ်လောင်းဖြည့်စွက်ပေးရန် အစွမ်းကုန်ကြိုးစားကြပါ။

ဤသို့သောအရည်အချင်းများသည် သင်တို့ထံ၌ တိုးပွားလာပါက သင်တို့သည် ကျွန်ုပ်တို့၏အရှင် ယေရှုခရစ်တော်ကို သိကျွမ်းရာ၌ တိုးပွား၍အကျိုးဖြစ်ထွန်းလိမ့်မည်။

ထို့ကြောင့် ကျွန်ုပ်၏ညီအစ်ကိုမောင်နှမတို့၊ သင်တို့ကို ဘုရားရှင်ခေါ်ယူရွေးချယ်တော်မူခြင်းကို တည်တံ့ ခိုင်မြဲစေရန် ပို၍ကြိုးစားကြလျှင် သင်တို့သည် မည်သည့်အခါမျှ မိမိတို့၏ယုံကြည်ခြင်းကို စွန့်လွတ်ကြလိမ့်မည် မဟုတ်။