Популарни Библиски стихови од ماتّا 24

Сподели

راد‑باهرا‑تّيگات لخُشانت ارد ءيدروسن غويلّي دار تقاما لحنانت غ‑وول‑نسن. ءيمّا وانّا ءيبيدّن ءيزگا ار ءيسيگُّرا را‑ينجم.

را‑تّبرّاحم غ‑كولّو دّونيت س‑لخبار ءيفولكين ن‑تگلديت ن‑يگنّا ارد لكمنت توگّا‑نّون كرايگاتّ تامازيرت. غاكودان ا‑را‑د‑يروح ءيسيگُّرا.

را‑تسفلدم ف‑يماغن ءولا لخبارات ن‑يماغن. رارات لعاقل ا‑ور‑تغووضم، اشكو ءيقّان‑د ا‑ييلي غايان، والاينّي ءور‑تا‑د‑يروح ءيسيگُّرا.

را‑دي‑تنكر‑تقبيلت س‑تقبيلت تنكر‑د‑تگلديت س‑تگلديت، ييلي‑وغني ءيلينت زّنزالات غ‑كرا ن‑تميزار. والاينّي كولّو غايان ءيگا غير ازبّار امزوارو ن‑تلاليت.

راد‑يتّين ءيگنوان د‑واكال، والاينّي ءور‑سار‑يتّين ءيواليون‑ينو.

اشكو گّوتن غويلّي را‑د‑ياشك اسين‑د ءيسم‑ينو، كود يان ار‑يتّيني ءيزد نتّان ا‑يگان لماسيح. نتني راد‑جلّون مدّن گّوتنين.

«غاكودان را‑كُن‑دحاين س‑لمحكامات ار‑كُن‑سّرفوفونّ نغن‑كُن. را‑كُن‑تكرهون غ‑كولّو تيميزار ن‑دّونيت ف‑سّيبت ن‑ما‑تگام وينو. ءيگّوت گيگون ما‑را‑توت‑تبايضّرت ءيضر غ‑ووسّان‑ان. را‑ن‑يدحاي كرا كرا، ار‑يتكرهو كرا كرا. گّوتن ءيد‑بو‑تكركاس لّي‑را‑د‑ياشك ار‑تّينين ءيس‑گان لانبيا، ار‑جلّون كيگان د‑مدّن.

ءيساول ياسوع ييني‑اسن: «اويات‑ستّ غ‑يخف‑نّون ا‑كُن‑ور‑يجلو يان.

ءولا كونّي ءيلّا فلّاون ا‑بدّا‑توجادم، اشكو را‑د‑ياشك يوس ن‑بنادم غ‑كرا ن‑تاساعت لّي‑ور‑تغالم.

ضوفات اشكو ءور‑تسّينم مان اسّ ا‑را‑د‑ياشك سيديتون.

والاينّي اسّ‑ان ءولا تاساعت‑ان، ءور‑تن‑يسّين يان، لا لمالايكا ن‑يگنّا ءولا يوس ن‑بنادم. غير بابا لّي‑يلّان غ‑يگنّا، نتّان واحدوت ا‑يسّنّ.

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار مقّورنين د‑لمعجيزات ءيغ‑وفان اد‑جلّون ءولا غويلّي گانين وين ربّي.

«زوند غايلّي ءيلّان غ‑ووسّان ن‑نوح ا‑را‑ييلي غ‑ووسّان‑ان غ‑راد‑د‑اشكغ نكّي لّي‑يگان يوس ن‑بنادم. غ‑ووسّان ن‑نوح، ءور‑تا‑د‑غلين‑وامان ف‑دّونيت، ار‑شتّان ار‑سّان ار‑تّاهالن ار‑تّاهالنت، ار اسّ لّي‑غ‑يكشم نوح س‑واناو. مدّن‑ان ءور‑تّ‑گيس‑يوين ايلّيغ غلين‑وامان تياوهلاكن كولّوتن. غمكان ا‑را‑يجرو غ‑واسّ‑ان غ‑راد‑د‑اشكغ نكّي لّي‑يگان يوس ن‑بنادم.