Популарни Библиски стихови од 1 Петар 4

Сподели

А пред сѐ, имајте усрдна љубов меѓу себе; зашто „љубовта покрива многу гревови.“

Служете си еден на друг, секој со дарбата што ја примил, како добри уп­равители на разнообразната Божја бла­годат.

Ако некој зборува, словата нека му бидат како од Бога; ако некој слу­жи, нека служи според силата која Бог ја дава, та во сѐ да се прослави Бог преку Исус Христос, чија слава и вла­де­ење се вечни. Амин!

но, ако страда како христијанин, да не се срами, туку да Го прославува Бога за таквиот удел.

Но, се приближи крајот на сѐ, па бидете целомудрени и трезвени во молитвите.

Возљубени, не чудете се на огнот што се случува меѓу вас за да ве искуша, како нешто необично да ви се случува. Но, штом учествувате во Христовите стра­дања, радувајте се, та кога ќе се јави Неговата слава да се зарадувате и развеселите.

Бидете гостољубиви еден спрема друг без негодување.

И така, оние што страдаат според волјата Божја, нека Му ги предадат своите души, како на верен Создател, правејќи добро.

И така, бидејќи Христос пострада за нас во тело, и вие вооружете се со истата мисла; зашто оној што пос­традал во тело, тој прекинал со гревот, та преостанатото време на животот во тело да не го проживее веќе со човечки похоти, туку според волјата Божја.

А ако ве укоруваат поради Христовото име, блажени сте, зашто Духот на славата и Духот Божји почива на вас; тие, значи, хулат на Него, а вие Го прославувате.