Популарни Библиски стихови од 1 Јован 4

Сподели

Во љубовта нема страв, туку совршената љубов го изгонува стравот, бидејќи стравот подразбира казна. Кој се плаши, не е совршен во љубовта.

Чеда, вие сте од Бога и нив сте ги победиле; зашто Оној, Кој е во вас, е по­голем од оној што е во светот.

Ние Го љубиме, бидејќи Тој прв нѐ возљуби.

Возљубени, да се љубиме еден со друг, зашто љубовта е од Бога, и секој, кој љуби, е роден од Бога и Го познава Бога

кој не љуби, тој не Го познал Бога, зашто Бог е љубов.

Во тоа се состои љубовта, бидејќи не Го возљубивме Бога ние, туку Тој нѐ возљуби нас и Го испрати Својот Син како жртва за измирување за нашите гревови.

Возљубени, кога така нѐ возљуби Бог, тогаш и ние сме должни да се љу­биме еден со друг.

Божјата љубов кон нас се покажа во тоа што Бог Го испрати во светот Сво­јот Единороден Син за да живееме пре­ку Него.

Ако некој рече: „Го љубам Бога“, а го мрази својот брат – лажливец е; зашто, кој не го љуби својот брат, кого го видел, како може да Го љуби Бога, Кого не го видел?

Кој исповеда дека Исус е Синот Бож­ји, во него престојува Бог, и тој – во Бога.

И таа заповед ја имаме од Него: кој Го љуби Бог, да го љуби и својот брат.

Возљубени, не верувајте му на секој дух, туку проверувајте дали духовите се од Бога, бидејќи многу лажни пророци се појавија во светот. По ова се познава Духот Божји. Секој дух што исповеда дека Исус Христос дошол во тело, од Бога е.

А секој дух, што не исповеда дека Исус Христос дошол во тело, не е од Бога; тоа е духот на антихристот, за кого сте слушале дека доаѓа, па и сега е веќе во светот.