Популарни Библиски стихови од Matius 16

Сподели

Napu ee Yesus nangulikara ana guru-Na, “Butu tauna to mingki mantuku-'A, hia kana mampehapuka wotona moto, mangkolo kahehaa pade mantuku'A.

Pade Ku'ulikako, ikomi Petrus. Batua hangamu etu, Watu to Naroho. I lolo watu to naroho ei Kupatuna hou-Ku. Batuana to iuli-Ku ei, humawee todea to neparahaya hi Aku Kupahiromu. Pade baraka kamatea moma mampadagira.

Kuwaikako kunci poparentaa Alatala, bona napa to mupetagii i dunia, rapetagii mui i huruga, pade napa to moma mupetagii i dunia, moma mui rapetagii i huruga.”

Apa hema-hema to mampomaihi tuwuna moto, moma mei narata katuwua to moma maria kahuduana. Pade hema-hema to moma mampomaihi tuwuna habana nantuku-'A, hia mei mamparata katuwua to moma maria kahuduana.

Moma naria bununa hadua tauna mamparata humawee ihi dunia, ane moma'i narata katuwua to moma maria kahuduana. Pade moma naria to mamala rapake mohula katuwua to moma maria kahuduana ee.

Napu ee Yesus nepekune hi hira, “Ane pangulimi komi, hema kakonona Aku ei mai?” Nehono Simon Petrus, “Ikomi Magau to Pepakahalama to laitipa Alatala, Ana Alatala to natuwu!”

Yesus nangulika Simon, “Norahimoko Simon ana Yunus, habana moma manuhia to nangkewokako lauria naupawee Tuama-Ku to i huruga.