Популарни Библиски стихови од 1 CORINTIOS 3

Сподели

Yaltzen cyey, hermano, ¿mimpatzen tzꞌel cyniꞌya tiꞌj ejeeꞌy tisen jun tja Dios? Tisen najben cyjay te cynajbila, juꞌtzen nchi ajbena te tnajbil Espíritu Santo.

Ja tzunj tkꞌukꞌlel o cyaj wuꞌna cyxola, jatzen Jesucristo. Mintiiꞌ juntl tkꞌukꞌlel cyocslabla at.

Juꞌ tzunj jxjal awaal yaaꞌnxix nim t-xiꞌlen, bix xsunj kꞌol aꞌ tibaj awal, jax yaaꞌn nim t-xiꞌlen. Ja te nim t-xiꞌlenj ja te Dios, cuma jaxin tzpetsalcye awal.

Juꞌ tzunj nko akꞌanana Apolos bix inayena kuya kiiba tuj tawal Dios. Yaltzen cyey, tisen tawal Dioskey. Cxeꞌl nkꞌumena tuya juntl tumel. Cyey tisen jun jaaꞌkey njaw tbinchaꞌn Dios.

Tzul jun kꞌij te niyꞌbelte tipemal taakꞌen jaca juun xjal, ka jaxxix taakꞌen, bix ka min. Tuj tzunj kꞌij tzul tuꞌn Dios cwel tzꞌak alcyej xnakꞌtzbil yaaꞌn jaxxix, tisen jun jaaꞌ nuk ptzꞌunt t-xeeꞌ jun rato cwel tzꞌeyꞌ oj toc kꞌakꞌ tiꞌj.

Ja tzunj jxjal awaal bix xsunj kꞌol aꞌ, junx japenina cyaakꞌen. Dios cchjolcye, teeylex juun tuya taakꞌen laꞌ tiiꞌn taakꞌen, ka baꞌn bix ka min.

Cycꞌojlanx cyiiba tuꞌn miꞌn chi jaw tz̈ꞌiya. Kej xjal te twitz txꞌotxꞌ baꞌn n-el tuj cywitz oj taj jun xjal tzꞌoc te tneel. Pero tuj twitz Dios, yaaꞌn baꞌn. Ka cyaja chi oca te mas baꞌn cyuꞌna tuj twitz Dios, ya iltzen tiꞌj otk chi oca tisen mintiiꞌ baꞌn cyuꞌna tuj cywitz xjal te twitz txꞌotxꞌ.