Популарни Библиски стихови од 2 Peturu 3

Сподели

Fumu ka a katapithsire eyi a kumbwethzire, eci edi a anekera amweya ci aa katapa. Unone aa mi tenda ko ku kwata mucima, inene ka a fotire ci ku nonge shaanga munu yofoci. Aye aa fota ci anu wahe a cere.

Unone ashimiwa ange, mwa vurama ci kwa Fumu diyuwa dyofoci dyaa cipitura eci myaka thzo kakore kofoci (1,000), karo myaka thzo kakore kofoci (1,000) thzaa cipitura eci diyuwa dyofoci.

Unone mu kure mu thsihemo no mudimukero wa Fumu no Muyoyithsi wetu Yesu Krisitu. Ku kwenthzi kwikare kutethzima thsino thsikati no diyere! Ameni.

Diyuwa dya Fumu kenge dya ku keya eci mwithzi. Mwedyo diyuwa diwiru kenge dya ku pwa ko muvumo oukuru o ku yapithsa, o ku pitura eci mushika o mvura. Yo ku wiru yoihe kenge ya ku ñotoka ku mudiro, kaye neyi i dimo yoihe kenge ya kwipa.

Pakuninga ci enu yoihe kenge ya kwipithsiwa kenge ne, mwaa roera kwikara anu o ngepi? Mwaa roera ku yoya mwoyo oukenu no mwoyo o thsitawo, uno mu taterera diyuwa dya Nyambi no ku yokororithsa kukeya kwadyo. Inene mwedyo diyuwa diwiru kenge dya ku tumekiwa, enu yo mu wiru kenge ya ku nyongoroka ku kupya.