Популарни Библиски стихови од iNumeri Numeri 14

Сподели

Kodwa musani ukugwilika kuYehova, ningaboyiki abantu belo zwe nina; ngokuba kukudla kwethu; Umkile kubo ikhusi labo, ngokuba uYehova unathi; musani ukuboyika.

uYehova uzeka kade umsindo, unemfesane enkulu, uxolela ubugwenxa nezikreqo, angamenzi msulwa onetyala, ubuvelela ubugwenxa booyise koonyana, kwesesithathu nakwesesine isizukulwana.

Ukuba uYehova uyakholiswa sithi, wosisa kweli lizwe, asinike; lilizwe elibaleka amasi nobusi.

Ke yena umkhonzi wam uKalebhi, ngenxa enokuba ebenamoya wumbi, wandilandela kwaphela, ndomzisa ezweni ebeye kulo; Ilidle ilifa imbewu yakhe.

Yithi kubo, Ndihleli nje, utsho uYehova, njengoko nithethileyo ezindlebeni zam, ndiya kwenjenjalo kuni.

Wathi uYehova kuMoses, Kuya kuda kube nini na bengandithobeli aba bantu? kwaye kuyakuthatha ixesha elingakanani phambi kokuba bandikholelwe, ngenxa yayo yonke imimangaliso endiyenzileyo phakathi kwabo?

Babakrokrela ooMoses noAron bonke oonyana bakaSirayeli, lathi kubo lonke ibandla, Akwaba besifele ezweni laseYiputa! okanye uThixo angasibulala kule ntlango!

uYoshuwa unyana kaNun, noKalebhi unyana kaYefune, ababephakathi kwabo babethimbe ilizwe, bazikrazula iingubo zabo. Athetha kwisihlwele sonke soonyana bakaSirayeli, esithi, Ilizwe esacanda kulo silihlola, lilizwe elihle kunene.

Noko ke, ndiphila nje, ihlabathi lonke liya kuzaliswa bubuqaqawuli bukaYehova. Ekubeni bonke bebubonile ubuqaqawuli bam, nemisebenzi yam ebalulekileyo endayenzayo eYiputa nasentlango, bandilingile ngoku izihlandlo ezilishumi, abaliphulaphula izwi lam; Okunene abayi kulibona ilizwe endafunga kooyise ngalo, bengaliboni namnye kwabandingcikivayo