Популарни Библиски стихови од Matiə 24

Сподели

Dɩ gɩdonɩ puure na jɔrɛ ga‐n pɛr, ga dor nɔɔ dɩ tibil jɔjʋɔ na hana naʋ bã. Sɩ ʋrɛɛkɛ na yɩranɩ na dana khu paar, ɔr na ˈlɛ taarɛ.

Sɩ dɔ wɩ mɩɩ ƴũ fãgadaar tutugo bɔ thɩmɩɩkɛ thɩɩraakɛ koo, gɩ mɩɩ ha pɛdaa tibil caarra fɛʋ. Liir dɩphã na dɔ thɩ pɩ paar mɛ̃.

Na nɩɛrɛ ko thɩmɩasɔ, na nɩɛrɛ wa‐n mɩɩ aa, kʋʋr na hale. A nɩ jɩ, na‐n do maar n fʋ naˈ, gɩdonɩ dɔ gele n kɔɔ dã, sɩ ga do gɛr na dʋɔn thɩ pɩ paar paˈ.

Ʋ̃ ca na ɩɩrɛ a na‐n kena ʋ̃ ca, ʋ̃ fãgadaarɩ dɩ bɩɛl n ɩɩr a na‐n kena ʋ̃ fãgadaarɩ dɩ kpɩɩ. Dɩ kɔmɛ kɔ̃tɩnasɔ na thɩ jɩɩnsɔ na hale paar dɩɩdɩɩsɔ dakha. Sɩ gele fɛʋ bɔ gaarɛɛ fʋ pa gɩ dɩbara.

Thãgbara ƴũ na thɩɩ na phor na ka, sɩ ɩ̃ thɩmɩɩsɔ na pho na ka kpɩɩrakaˈ.

gɩdonɩ tɩbɩla bərəəm na gbaar ɩ̃ i na ɩna wa‐n so wɩ yɩ, ɩnɛr dʋɔn Kirisitira; dɩ mɛ̃ wa fɩɩl tɩbɩla jɔɔ.

Ɔbɔɔle tɩbɩla na fʋlɛ nɩ a na gaar nɩ bʋɔ dɩ wa kʋʋr nɛr, dɩ tibil caar fɛʋ na‐n laar nɛr, gɩ do ɩ̃ i dɔ nɔɔ. Dɩ mɛ̃ ga do nɛ baradaa tibil jɔjʋɔra, dɩ tɩbɩla na‐n liire khasɔ wa‐n laarna khasɔ dɩɩdɩɩ. Sõso bobonasɔ na ɩɩrɛ wa‐n fɩɩl tɩbɩla bərəəm.

Dɩ Jeju birse wi: Na‐n jɩɛ dʋ bʋrɛ, na‐n do tibil n fɩɩl naˈ

Gɛr gɩ nɛrɛ dakha, nɩ gbɛbɩrɛ pɛ, gɩdonɩ mɛr tibili Bikuun na bire na ɩ̃ bɔɔkɛ na kpɩɛrna mɩnaˈ.

Gɛr gɩ a nɩ jɩ na‐n jʋrɛ, gɩdonɩ na jɩ wireekɛ anɩ Kɔ̃tɩ̃ na ɩnaˈ.

Sɩ ado wi jɩɩrra gɩ, na bɔɔkɛ ga thɩ̃ɩkɛ na danɩ, tibil bɩɛllakɛ na jɩ ga, thɔ̃thɔ̃daar thusɔrakɛ le Thãgbaa dʋɔ wa jaˈ, Bikuunnakɛ na jaˈ, sɩ Thɩrɛ dɩbara jɩɛn gɩ.

Gɩdonɩ wɩrɛ n sõsonenɩ dɩ wɩ yɩ, Kirisiti ha nɩ, agɩbo bobona ha nɩ, na ɩɩrɛ wa‐n nɩna tɩbɩla nɔ kpaa thɩ̃ kɔ̃tɩnasɔ na ma kʋ thɩ̃ɛsɔ, wa‐n fɩɩlnanakɛ tɩbɩlaakɛ Thãgba kɔɔ phiirni, adora hʋɛ hale.

Mɔ̃kɛ thɩ̃ɛ kɔɔ hanɩ Noee bɔɔ, mɛna ga ha tibili Bikuuni ɩna. Gɩdonɩ wiresɔɔkɛ kɔɔ kanɩ, sɩ thɩ̃ kʋɛ nyʋɔnɩle na‐n kpaan, tɩbɩla n kɔɔ khor dɩkɔ, dɩ wa‐n yɔna, dɩ wa‐n hena kha, dɩ wa‐n ˈlaana awɩ bisɔ herra, phaphapha dɩɩ ba dana wireekɛ Noe kɔɔ lonɩ batora. Sɩrakɛ wa‐n kɔɔ dɛna dɩkha ga, foo dɩ nyʋɔn phã a gbʋma wɩ dɩ wɩ khiir fɛʋ. Ɔmɛna ga ha tibili Bikuuni ɩna.