Популарни Библиски стихови од Mataio 19

Сподели

Oi na kikila hako atu ai ia Iehu kia te kilātou ma tali vē atu, “Ko te mea tēnei e matuā hē mafai lava e tagata, kae e mafai ia mea uma e te Atua.”

Oi ka hē toe toka lua la kilāua, kae kua tino e tahi. Ko te mea la kua tuku fakatahi e te Atua, e hēai he tagataola e ia toe tuku kehekeheagia.”

Na tali atu ia Iehu, “Ko koutou nei e hēki faitau ki te tuhituhiga paia e lea mai, na fai e te Atua i te kāmataga nā tino, he tamāloa ma he fafine. Ma na vāgana ai te Atua, ‘Ko te mea ia ka tukua ai e te tamāloa tona tamana ma tona mātua kae fakatahi ma tana āvaga, ma kavea ai kilāua e toka lua ma tino e tahi.’

Kae na vāgana atu ia Iehu ki ona hoko, “Tuku nā tamaiti ke ōmamai kia te au, nahe vavaoa, auā ko te Mālō o te lagi e mo kilātou e vē ko kilātou iēnei.”

Kae e tokalahi kilātou e muamua nei ka kavea ma mulimuli, ma e tokalahi foki kilātou e mulimuli nei ka kavea ma muamua.”

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe ko tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Oi na vāgana atu ai ia Iehu ki ei, “Kāfai koe e fia lelei kātoatoa, fano la oi fakatau atu au mea uma lele ma fōki te tupe mā nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai kia te au.”

Na tali atu ia Iehu, “Heā te kua fehili mai ai koe kia te au ki te mea e lelei? E fokotahi oioti lava te tino e lelei ko te Atua. Kāfai e fia maua e koe te ola e fakavavau, tauhi la ki nā fakatonuga.”

Ko au e toe lea vēnei atu kia te koutou, e faigatā lele atu mo he tino maukoloa ke hao atu ki te Mālō o te lagi, i lo mo he kāmela ke ulu i te pū o he gila.”

Ko au la e lea atu kia te koutou, ko ai lava he tamāloa e tatala e ia tana āvaga i he māfuaga e kehe mai i lo te kua hē fakamāoni o te fafine, ma fakaipoipo ki hētahi fafine, kua agahala ia i te mulilua.”

Oi na vāgana atu ai ia Iehu ki nā hoko o ia, “E takutino atu e au kia te koutou, ka faigatā lele mo nā tino maukoloa ke hao atu ki te Mālō o te lagi.