Популарни Библиски стихови од Zaŋ 1

Сподели

É di'enek, bot djas aamyaal nyɛ ɔ, bot aadum koŋ nɛ nɛ ɔ, Mɛkpa waadjɛ bɛ ghwyil ɛdi ɛ́ bɔn ɛ Zɛɛb.

Tɔɔɔ é mɛkɛn mɛ esonok djas, ye nabɛ ɛ́, Mɛkpa moo tak. Mɛkpa nabɛ ɛ́ bɛ nɛ Zɛɛb, Mɛkpa nabɛ ɛ́ Zɛɛb.

Ngel ɛpekas, djɛ boo gwyɛ é di mɛghomela nadi ɔ. Tin, mɛghomela kadi ɛ́ ààkwak ɛdimal yɛ.

Mɛkpa nadi ɛ́, ye moo mot. Mot tak naazɛbe di tɔ lena. Mena naabeeka Mɛkas mɛ, yɛ ɛ́ Mɛkas mɛ Sɛɛŋɛlɛ sim Mɔn di ebela nɛ Sɛɛg ɛ, lwoodela nɛ enɛm nɛ embɛɛ e Zɛɛb nɛ etsɛɛtsɛ.

Esonok djas di kɔ bɔs ɛ, nakusel ɛ́ nɛ Mɛkpa. Ye tok nɛ sa wat kɔ bɔs'ak Mɛkpa nadi ààkus. Tsik nadus ɛ́ pɛ tɔ lɛ. Deenek, tsik tak naasa náá, bot djas nyen popoopwon tɔ gwyɛ.

Tɔ yak mɛlem, Zaŋ kabee ɛ́ Yezu ezyɛ pɛ daa lɛ. Tin, nyɛ eezɛke náá: «Beeka mɔn bhata Zɛɛb é! Yɛ ɛ́ nyɛy ɛ di edis mesyem mɛ bot ɛ bɔs djas.

Deenek, Mɛkpa naazyɛ pɛ kɔ bɔs, yɛ ɛ́ nyɛy ɛ nakus bɔs. Tin, bot ɛ bɔs'ak ààpakamyaal nyɛ. Mɛkpa naazyɛ pɛ daa bot ɛ mbyak'ɛ. Ye kabela náá, bot ɛ mbyak'ɛ naabyen ɛmyaal ɛ nyɛ.

Mɛkpa mɛ tak nabɛ ɛ́ sim gwyɛ na tsɛɛtsɛ. Ye nabɛ ɛ́ tɛtɛ gwyɛ di edjɛ bot djas eselele ɛ. Ye nazyɛ kɔ bɔs ɛ, ye neezɛdjɛ bot gwyɛ.

Yɛ ɛ́ tsɛɛtsɛ náá, Zɛɛb naadjɛ mena etsi nɛ Moiiz. Deenek, Zɛɛb kabaadhis mena enɛm nɛ embɛɛ nɛ etsɛɛtsɛ ɛ, nɛ Yezu Klisto.